പൃഥ്വിരാജും പാർവ്വതിയും ഒന്നിച്ചഭിനയിച്ച കൂടെയിലെ ‘വാനവില്ലേ’ ഗാനത്തിന്റെ വീഡിയോ പുറത്തിറങ്ങി. കാർത്തിക് ആണ് ഈ റൊമാന്റിക് ഗാനം പാടിയിരിക്കുന്നത്. റഫീഖ് അഹമ്മദിന്റെ വരികൾക്ക് എം.ജയചന്ദ്രൻ ആണ് ഈണം പകർന്നിരിക്കുന്നത്. കൂടെയിലെ മറ്റു മൂന്നു ഗാനങ്ങളുടെ വീഡിയോ നേരത്തെ പുറത്തുവന്നിരുന്നു. മ്യൂസിക് 247 ആണ് ഒഫീഷ്യൽ മ്യൂസിക് പാർട്ണർ.

ചിത്രത്തില്‍ പൃഥ്വിരാജും നസ്രിയയും സഹോദരീ സഹോദരന്മാരായണ് എത്തുന്നത്. ജെന്നിഫറായി നസ്രിയയും ജോഷ്വ ആയി പൃഥ്വിയും എത്തുമ്പോള്‍ പൃഥ്വിയുടെ നായിക സോഫി എന്ന കഥാപാത്രത്തെ അവതരിപ്പിക്കുന്നത് നടി പാര്‍വ്വതിയാണ്. പൃഥ്വിരാജ് അവതരിപ്പിക്കുന്ന നായക കഥാപാത്രത്തെ ചുറ്റിപ്പറ്റിയാകും സിനിമയുടെ പോക്ക് എന്നാണ് അറിയുന്നത്. സഹോദരനായും, കാമുകനായും രണ്ട് വ്യത്യസ്‌ത ജീവിതഘട്ടങ്ങളിലാണ് പൃഥ്വി പ്രേക്ഷകര്‍ക്ക് മുന്നില്‍ എത്തുന്നത്. റോഷന്‍ മാത്യു, സിദ്ധാര്‍ത്ഥ് മേനോന്‍, അതുല്‍ കുല്‍ക്കര്‍ണ്ണി തുടങ്ങിയവരും ചിത്രത്തിലുണ്ട്.

Get all the Latest Malayalam News and Kerala News at Indian Express Malayalam. You can also catch all the Malayalam Video by following us on Twitter and Facebook