ഉത്സവമേളം തീർക്കാൻ ബിഗ് ബോസ് താരങ്ങളും സ്റ്റാർ സിംഗർ പുലികളും ഒത്തുകൂടിയപ്പോൾ; ചിത്രങ്ങളുമായി ഷാനവാസ്

ഏഷ്യാനെറ്റിന്റെ ഏറ്റവും ജനപ്രീതിയുള്ള റിയാലിറ്റി ഷോകളാണ് ബിഗ് ബോസും സ്റ്റാർ സിംഗറും. ഒരാൾ വരുമ്പോൾ മറ്റൊരാൾ വഴിമാറി കൊടുക്കുന്നതുപോലെയാണ് ഈ റിയാലിറ്റി ഷോകളുടെ സംപ്രേക്ഷണം.

ബിഗ് ബോസ് ഏഴാം സീസൺ തുടങ്ങുന്നതിനായി ഇടയ്ക്ക് സ്റ്റാർ സിംഗറിന് താൽക്കാലികമായി ബ്രേക്ക് നൽകിയിരുന്നു. ബിഗ് ബോസ് ഷോയ്ക്ക് പരിസമാപ്തിയായതോടെ സ്റ്റാർ സിംഗർ വീണ്ടും ആരംഭിക്കുകയും ചെയ്തു.

മത്സര ചൂടിന്റെ ആവേശത്തിലേക്ക് തിരിച്ചെത്തിയ സ്റ്റാർ സിംഗേഴ്സ് ടീമിനൊപ്പം ചേരുകയാണ് ബിഗ് ബോസ് താരങ്ങളും.

സ്റ്റാർ സിംഗർ- ബിഗ് ബോസ് താരങ്ങൾ ഒന്നിച്ചെത്തിയ എപ്പിസോഡിനിടെ പകർത്തിയ ചിത്രങ്ങൾ പങ്കുവച്ചിരിക്കുകയാണ് ബിഗ് ബോസ് ഏഴാം സീസണിന്റെ സെക്കന്റ് റണ്ണറപ്പായ നടൻ ഷാനവാസ്.

സ്റ്റാർ സിംഗർ ഫാമിലിയെ ബിബി ഗ്യാങ് കണ്ടപ്പോൾ എന്ന ക്യാപ്ഷനോടെയാണ് ചിത്രങ്ങൾ പങ്കുവെച്ചിരിക്കുന്നത്.

ബിഗ് ബോസ് താരങ്ങളായ അനീഷും അനുവും അക്ബറും നെവിനുമെല്ലാം ഷാനവാസിന് ഒപ്പമുണ്ട്. കൂടെ ചിത്ര, വിധുപ്രതാപ്, നിഖില വിമൽ എന്നിവരെയും കാണാം.

Photo: Shanavas / Instagram