scorecardresearch
Latest News

‘ഉപ്പും മുളകും’ താരങ്ങൾ സിനിമയിൽ ഒന്നിക്കുമ്പോൾ

ബിജു സോപാനത്തിന്റെ കഥയിൽ ഉപ്പും മുളകും തിരക്കഥാകൃത്ത് സുരേഷ് ബാബുവാണ് സ്ക്രിപ്റ്റ് ഒരുക്കുന്നത്

‘ഉപ്പും മുളകും’ താരങ്ങൾ സിനിമയിൽ ഒന്നിക്കുമ്പോൾ

മലയാളി പ്രേക്ഷകരുടെ പ്രിയ പരമ്പരകളിൽ ഒന്നാണ് ഫ്ളവേഴ്സ് ടിവിയിൽ സംപ്രേഷണം ചെയ്ത ഉപ്പും മുളകും. പരമ്പര നിർത്തിയെങ്കിലും ഈ താരങ്ങൾക്ക് ഇന്നും ഏറെ ആരാധകരുണ്ട്. ഇപ്പോഴിതാ, ‘ഉപ്പും മുളകും’ താരങ്ങൾ ഒരു സിനിമയിൽ ഒന്നിച്ചെത്തുകയാണ്.

‘ഉപ്പും മുളകും’ പരമ്പരയിലെ ബാലുവിനെ അനശ്വരനാക്കിയ ബിജു സോപാനമാണ് ഈ ചിത്രത്തിന് കഥയൊരുക്കുന്നത്. നവാഗതനായ ജയൻ വി കുറുപ്പ് ആണ് ചിത്രത്തിന്റെ സംവിധായകൻ. ബ്ലൂംസ് ഇന്റർനാഷണലിന്റെ ബാനറിൽ അമേരിക്കൻ മലയാളിയായ കൊല്ലങ്കോട് സ്വദേശി വേണുഗോപാലകൃഷ്ണൻ ആണ് ചിത്രം നിർമ്മിക്കുന്നത്.

ഉപ്പും മുളക് സീരിയലിന്റെ തിരക്കഥാകൃത്ത്, കപ്പേള എന്ന ചിത്രത്തിന്റെ ക്രിയേറ്റീവ് ഡയറക്ടർ എന്നീ നിലകളിൽ പ്രശസ്തനായ സുരേഷ് ബാബു ആണ് ചിത്രത്തിന്റെ തിരക്കഥയും സംഭാഷണവുമൊരുക്കുന്നത്.

Read more: പ്രിയപ്പെട്ടവനെ പരിചയപ്പെടുത്തി ബിജു സോപാനം; എത്ര നാളായി കണ്ടിട്ടെന്ന് ആരാധകർ

Stay updated with the latest news headlines and all the latest Television news download Indian Express Malayalam App.

Web Title: Uppum mulakum actors in film new project announced