സ്ട്രോക്ക് വന്നു, നടക്കാൻ പരസഹായം വേണം; ഉല്ലാസ് പന്തളിന്റെ ഇപ്പോഴത്തെ ആരോഗ്യസ്ഥിതിയിങ്ങനെ

ടെലിവിഷൻ കോമഡി പരിപാടികളിലൂടെയും സ്റ്റേജ് ഷോകളിലൂടെയും മലയാളികളുടെ മനസ്സിൽ ചിരിയുടെ മാലപ്പടക്കം തീർത്ത കലാകാരനാണ് ഉല്ലാസ് പന്തളം. തന്റെ തനത് ശൈലിയിലുള്ള കൗണ്ടറുകളും പ്രത്യേക ശരീരഭാഷയും കൊണ്ട് കുടുംബ പ്രേക്ഷകർക്ക് ഏറെ പ്രിയങ്കരനായ അദ്ദേഹം, മിമിക്രി വേദികളിലൂടെ സിനിമയിലെത്തി ഒരുപാട് ആരാധകരെ സ്വന്തമാക്കി. പന്തളം ബാലന്റെ 'ഹാസ്യ' ട്രൂപ്പിലൂടെ പ്രൊഫഷണൽ മിമിക്രി ലോകത്തേക്ക് കടന്നുവന്ന ഉല്ലാസിനെ 'കോമഡി സ്റ്റാർസ്' പോലുള്ള ടെലിവിഷൻ പരിപാടികൾ പ്രശസ്തിയുടെ കൊടുമുടിയിലെത്തിച്ചു. 'കുട്ടനാടൻ മാർപ്പാപ്പ', 'വിശുദ്ധ പുസ്തകം' തുടങ്ങിയ സിനിമകളിലും അദ്ദേഹം തന്റെ സാന്നിധ്യം അറിയിച്ചു.

Also Read: ജിസേൽ വിട പറയുമ്പോൾ ഓഡിയൻസും ഹൗസും ഒന്നാകെ കരഞ്ഞു, അവൾ മാത്രം ചിരിച്ചു: Bigg Bossmalayalam 7

View this post on Instagram

A post shared by ButterFly Entertainments (@butterfly.entertainments)

എന്നാൽ, അടുത്തിടെ പുറത്തുവന്ന  ഉല്ലാസിന്റെ ഒരു വീഡിയോ ആരാധകരെ ആശങ്കയിലാഴ്ത്തുകയാണ്. കൈകാലുകൾക്ക് സ്വാധീനക്കുറവ് കാരണം സ്റ്റിക്ക് ഉപയോഗിച്ച് വളരെ ബുദ്ധിമുട്ടിയാണ് ഉല്ലാസ് എത്തിയത്. സ്റ്റാർ മാജിക് താരം ലക്ഷ്മി നക്ഷത്രയുടെ സഹായത്തോടെയാണ് അദ്ദേഹം വേദിയിലെത്തിയത്. ഈ വീഡിയോയിലൂടെയാണ് ഉല്ലാസിന്റെ ആരോഗ്യപ്രശ്നം പൊതുസമൂഹം അറിയുന്നത്. 

Also Read: കിട്ടുണ്ണി, വട്ടുണ്ണി, കിണ്ണറുണ്ണി, ഉണ്ണുണ്ണി: നെവിന്റെ പൂച്ചകളുടെ പേരുകേട്ട് അമ്പരന്ന് മോഹൻലാൽ, Bigg Boss Malayalam 7

View this post on Instagram

A post shared by ButterFly Entertainments (@butterfly.entertainments)

പരിപാടിയിൽ വെച്ച് ഉല്ലാസ് തന്നെ തന്റെ ശാരീരിക ബുദ്ധിമുട്ടുകൾക്ക് കാരണം സ്ട്രോക്ക് ആയിരുന്നുവെന്ന് വെളിപ്പെടുത്തി. താൻ ആരോഗ്യം വീണ്ടെടുത്ത് വരികയാണെന്നും, അടുത്ത സുഹൃത്തുക്കൾക്ക് മാത്രമേ ഈ വിവരം അറിയാമായിരുന്നുള്ളൂ എന്നും ഉല്ലാസ് വിശദീകരിച്ചു. 

Also Read: 16 ലക്ഷം പി ആറിന് കൊടുത്തുവെന്ന് അനുമോൾ പറഞ്ഞിട്ടുണ്ട്; വെളിപ്പെടുത്തലുമായി ബിന്നി: Bigg Boss Malayalam 7

സ്വകാര്യ ജീവിതത്തിലും ഉല്ലാസ് പന്തളം അടുത്തിടെ വലിയൊരു വഴിത്തിരിവിലൂടെ കടന്നുപോയിരുന്നു. 2022-ൽ ആദ്യ ഭാര്യ ആശയുടെ ആത്മഹത്യയെ തുടർന്ന് ഒറ്റപ്പെട്ടുപോയ ഉല്ലാസ്, അടുത്തിടെ അഭിഭാഷകയും പഞ്ചായത്ത് വൈസ് പ്രസിഡന്റുമായ ദിവ്യയെ ലളിതമായ ചടങ്ങിൽ വിവാഹം ചെയ്തു. ആദ്യ ബന്ധത്തിൽ ഇന്ദുജിത്ത്, സൂര്യജിത്ത് എന്നിങ്ങനെ രണ്ട് മക്കളുണ്ട്. ആദ്യ ഭാര്യയുടെ മരണത്തിന് തൊട്ടുപിന്നാലെ നടന്ന രണ്ടാം വിവാഹത്തിന്റെ പേരിൽ ഉല്ലാസിന് ഒട്ടനവധി ആരോപണങ്ങളും പഴികളും കേൾക്കേണ്ടി വന്നെങ്കിലും, അടുത്ത ബന്ധുക്കളെയും സുഹൃത്തുക്കളെയും മാത്രം സാക്ഷിയാക്കി അദ്ദേഹം പുതിയ ജീവിതത്തിലേക്ക് കടക്കുകയായിരുന്നു. 

ചിരിയുടെ രാജകുമാരനായി മലയാളി മനസിൽ ഇടം നേടിയ ഈ കലാകാരൻ, ജീവിതത്തിലെ പ്രതിസന്ധികളെയും രോഗത്തെയും ധൈര്യത്തോടെ നേരിട്ട് അതിജീവനത്തിന്റെ പാതയിലാണ് ഇപ്പോൾ. പൂർണ്ണ ആരോഗ്യത്തോടെ ഉല്ലാസ് വീണ്ടും ചിരിയുടെ അരങ്ങിൽ സജീവമാകുമെന്ന പ്രതീക്ഷയിലാണ് ആരാധകർ.

Also Read: നീതികേടിന്റെ എവിക്ഷനുകൾ; പി ആർ ടീമിന് ആര് മൂക്കുകയർ ഇടും? Bigg Boss Malayalam 7