പള്ളിക്കെട്ട് ശബരിമലയ്ക്ക്; വേദിയെ ഭക്തിസാന്ദ്രമാക്കി അരവിന്ദിന്റെ പാട്ട്

മികച്ച പ്രകടനങ്ങളുമായി മിനിസ്ക്രീൻ പ്രേക്ഷകർക്കിടയിൽ ശ്രദ്ധ നേടുകയാണ് സ്റ്റാർസിംഗർ മത്സരാർത്ഥികൾ. ഈ സീസണിലെ മത്സരാർത്ഥികൾക്കിടയിലെ ശ്രദ്ധേയ സാന്നിധ്യമാണ് അരവിന്ദ് നായർ. 

അരവിന്ദിന്റെ ഒരു പെർഫോമൻസാണ് ഇപ്പോൾ വൈറലാവുന്നത്. പള്ളിക്കെട്ട് ശബരിമലയ്ക്ക് എന്ന സുപ്രസിദ്ധ അയ്യപ്പ ഭക്തിഗാനമാണ് വേദിയിൽ അരവിന്ദ് ആലപിച്ചത്. വേദിയേയും കാഴ്ചക്കാരെയും ഒരുപോലെ ഭക്തിസാന്ദ്രമായൊരു അന്തരീക്ഷത്തിലെത്തിക്കാൻ അരവിന്ദിന്റെ ആലാപനത്തിനു കഴിയുന്നുണ്ട്. 

View this post on Instagram

A post shared by ARAVIND DILEEP NAIR (@arvindnair_official)

മികച്ച ഗാനാലാപനം കൊണ്ട് ശ്രദ്ധ നേടിയ അരവിന്ദ് അടുത്തിടെ സിനിമയിലും പിന്നണി പാടിയിരുന്നു. കൈലാസ് മേനോൻ സംഗീതസംവിധാനം ചെയ്ത 'റാഹേൽ മകൻ കോര' എന്ന ചിത്രത്തിൽ നിന്നാണ് പിന്നണി പാടാൻ അരവിന്ദിന് അവസരം ലഭിച്ചത്.

കെ എസ് ചിത്ര, സിതാര കൃഷ്ണകുമാർ, വിധു പ്രതാപ് എന്നിവരാണ് ഐഡിയ സ്റ്റാർസിംഗർ ഈ സീസണിന്റെ വിധികർത്താക്കൾ. 

ജാഫർ ഇടുക്കിയുടെ 'പള്ളിക്കെട്ട് ശബരിമലയ്ക്ക്' നിങ്ങൾ കേട്ടിട്ടുണ്ടോ? 

മുൻപ് നടൻ ജാഫർ ഇടുക്കിയും ഇതേ ഭക്തിഗാനം പാടി ശ്രദ്ധ കവർന്നിരുന്നു.

ഒരു കോമഡി ഷോയിൽ പങ്കെടുക്കവെ ആയിരുന്നു ജാഫർ ഇടുക്കി ഈ ഗാനം ആലപിച്ചത്.