അഴകിൻ ദേവതേ; ശ്രീതുവിന്റെ ചിത്രങ്ങൾ ഏറ്റെടുത്ത് ആരാധകർ

സീരിയലുകളിലൂടെയും ബിഗ് ബോസിലൂടെയുമെല്ലാം പ്രേക്ഷകരുടെ ഇഷ്ടം കവർന്ന നടിയാണ് ശ്രീതു കൃഷ്ണ.

അമ്മയറിയാതെ എന്ന സീരിയലിൽ അലീന പീറ്റർ എന്ന കഥാപാത്രത്തിലൂടെ മലയാള മിനസ്ക്രീനിലേക്ക് കടന്നുവന്ന ശ്രീതുവിന് ഏറെ ആരാധകരുണ്ട്.

ബിഗ് ബോസ് മലയാളം ആറാം സീസണിൽ അർജുൻ- ശ്രീതു ജോഡിയും പ്രേക്ഷകരുടെ ഇഷ്ടം കവർന്നിരുന്നു.

അർജുനും ശ്രീതുവും തമ്മിൽ നല്ല സൗഹൃദമാണെന്നു പലകുറി വ്യക്തമാക്കിയിരുന്നെങ്കിലും ഇരുവരും പ്രണയത്തിലാണെന്ന് വിശ്വസിക്കുന്ന വലിയൊരു വിഭാഗം ആരാധകർ തന്നെയുണ്ട്. ബിഗ് ബോസിനു ശേഷവും ഇരുവരും ഒന്നിച്ചുള്ള അഭിമുഖങ്ങളും വീഡിയോകളുമൊക്കെ വൈറലാണ്.

മലയാളം, തമിഴ് ടെലിവിഷൻ പരമ്പരകളിലൂടെ പ്രശസ്തയായ അഭിനേത്രിയാണ് ശ്രീതു കൃഷ്ണൻ. എഷ്യനെറ്റിൽ സംപ്രേക്ഷണം ചെയ്ത അമ്മയറിയാതെ എന്ന പരമ്പരയിൽ, അലീന പീറ്റർ എന്ന കഥാപാത്രത്തിലൂടെയാണ്, മിനീസ്ക്രീൻ ആരാധകർക്കിടയിൽ പ്രശസ്തയായത്.

എറണാകുളത്ത് ജനിച്ച ശ്രീതു കൃഷ്ണൻ ചെന്നൈയിലെ സെൻ്റ് ഫ്രാൻസിസ് സേവ്യർ ആംഗ്ലോ-ഇന്ത്യൻ ഹയർ സെക്കൻഡറി സ്കൂളിൽ സ്കൂൾ വിദ്യാഭ്യാസം പൂർത്തിയാക്കി.

ചെന്നൈയിലെ എതിരാജ് കോളേജ് ഫോർ വുമണിൽ നിന്ന് ബിഎ ഇക്കണോമിക്‌സിൽ ബിരുദം നേടിയിട്ടുണ്ട്.