scorecardresearch
Latest News

‘ഒരു ലിയോ കുടുംബം’ , ചിത്രവുമായി മൃദുല

മൃദുലയും യുവയും മകള്‍ ധ്വനിയ്‌ക്കൊപ്പമുളള ചിത്രം ഷെയര്‍ ചെയ്തിരിക്കുകയാണ്.

‘ഒരു ലിയോ കുടുംബം’ , ചിത്രവുമായി മൃദുല

മിനിസ്‌ക്രീന്‍ പ്രേക്ഷകര്‍ക്കു ഏറെ സുപരിചിതരായ താരജോഡികളാണ് മൃദുലയും യുവയും.ആഗസ്റ്റ് 19നാണ് മൃദുല വിജയ്ക്ക് ഒരു പെൺകുഞ്ഞ് പിറന്നത്. മകൾ ജനിച്ച വിവരം മൃദുലയും യുവയും സോഷ്യൽ മീഡിയയിലൂടെ ആരാധകരെ അറിയിച്ചിരുന്നു.ഇപ്പോള്‍ മൂന്നു പേരും ഒന്നിച്ചു നില്‍ക്കുന്ന ചിത്രം പങ്കുവച്ചിരിക്കുകയാണ് മൃദുല. ‘ ഒരു ലിയോ കുടുംബം’ എന്ന അടിക്കുറിപ്പോടെ ഷെയര്‍ ചെയ്ത ചിത്രം ആരാധകര്‍ ഏറ്റെടുത്തു കഴിഞ്ഞു.

കഴിഞ്ഞ ദിവസം മകള്‍ ആദ്യമായി സീരിയലില്‍ മുഖം കാണിച്ചതിന്റെ സന്തോഷം ഇരുവരും പങ്കുവച്ചിരുന്നു.മഴവില്‍ മനോരമയില്‍ സംപ്രേഷണം ചെയ്യുന്ന ‘ മഞ്ഞില്‍ വിരിഞ്ഞ പൂവ്’ എന്ന സീരിയലിലാണ് കുഞ്ഞു ധ്വനി അഭിനയിച്ചത്. യുവ തന്നെയാണ് ഈ സീരിയലില്‍ പ്രധാന കഥാപാത്രത്തെ അവതരിപ്പിക്കുന്നത്. ‘ഷൂട്ടിങ്ങിനായി ദിവസങ്ങള്‍ മാത്രമുളള ഒരു കുട്ടിയെ വേണമായിരുന്നു. അങ്ങനെയാണ് ധ്വനി സീരിലില്‍ എത്തുന്നത്’ യുവ പറഞ്ഞു. 39 ദിവസം മാത്രം പ്രായമുളളപ്പോഴാണ് കുഞ്ഞ് ഷൂട്ടിങ്ങിനായി എത്തിയത്. എല്ലാ സുരക്ഷ മുന്‍കരുതലുകളും പാലിച്ചിരുന്നുവെന്ന് യുവ പറയുന്നു.

സീരിലില്‍ സോന എന്ന കഥാപാത്രത്തിന്റെ മകളായിട്ടാണ് ധ്വനിയെ കാണിക്കുന്നത്. ‘ അച്ഛന്റെയും മകളുടെയും ആദ്യ സീരിയല്‍ ‘മഞ്ഞില്‍ വിരിഞ്ഞ പൂവ്’ ആണെന്നു പറയാലോ’ എന്നു സന്തോഷത്തോടെ മൃദുല വീഡിയോയില്‍ പറയുന്നതു കാണാം.

Stay updated with the latest news headlines and all the latest Television news download Indian Express Malayalam App.

Web Title: Serial actress mridhula vijay shares photo with husband yuva krishna and daughter dhwani