Latest News

ജീവിതത്തിൽ ഒരിക്കൽ വീണു പോയി, ഇപ്പോൾ ആരെയും വിശ്വസിച്ച് വഞ്ചിക്കപ്പെടാറില്ല: മേഘ്ന വിൻസെന്റ്

തന്റെ ഇപ്പോഴത്തെ ഭാരം 50 കിലോയാണെന്നും പ്രായം 29 ആണെന്നും നടി വെളിപ്പെടുത്തി

meghna vincent, serial, ie malayalam

മിനി സ്ക്രീനിൽ വർഷങ്ങളായി തിളങ്ങി നിൽക്കുന്ന താരമാണ് മേഘ്ന വിൻസെന്റ്. ചന്ദനമഴ എന്ന സീരിയലിലൂടെയാണ് മേഘ്നയെ മിനി സ്ക്രീൻ പ്രേക്ഷകർ ഇഷ്ടപ്പെട്ടു തുടങ്ങിയത്. സീ കേരളത്തിൽ സംപ്രേഷണം ചെയ്യുന്ന മിസിസ് ഹിറ്റ്‌ലർ പരമ്പരയിലൂടെ വീണ്ടും ആരാധക ഹൃദയം കവർന്നിരിക്കുകയാണ് മേഘ്ന. അടുത്തിടെ താരത്തിന്റെ വിവാഹ മോചനം വാർത്തയായിരുന്നു.

സോഷ്യൽ മീഡിയയിൽ സജീവമായ മേഘ്ന തന്റെ യൂട്യൂബ് ചാനലിലൂടെ ആരാധക ചോദ്യങ്ങൾക്ക് മറുപടി നൽകിയിരിക്കുകയാണ്. സ്വകാര്യ ജീവിതത്തെയും അഭിനയ ജീവിതത്തെയും കുറിച്ചുളള നിരവധി ചോദ്യങ്ങൾ ആരാധകർ ചോദിച്ചു.

കാലം തിരിച്ച് പോകാന്‍ സാധിച്ചാല്‍ എന്താണ് തിരുത്തുക എന്നായിരുന്നു ഒരു ചോദ്യം. ഇതിന് ഒന്നും തിരുത്തേണ്ട എന്ന മറുപടിയാണ് മേഘ്ന നൽകിയത്. ജീവിതത്തില്‍ സംഭവിച്ച ഓരോ സംഭവങ്ങളുമാണ് തന്നെ താനാക്കിയതെന്നും അതിനാല്‍ ഒന്നും തിരുത്തേണ്ടെന്നുമാണ് മേഘ്ന പറഞ്ഞത്.

Read More: ‘സാന്ത്വനം’ എന്നു തുടങ്ങും? പ്രേക്ഷകർക്ക് ആശ്വാസമായി സജിന്റെ വാക്കുകൾ

തന്റെ ഇപ്പോഴത്തെ ഭാരം 50 കിലോയാണെന്നും ദിവസവും വർക്ക്ഔട്ട് ചെയ്താലേ വെയ്റ്റ് കുറയൂവെന്നും താരം പറഞ്ഞു. ദിവസവും കുറച്ചു സമയമെങ്കിലും വർക്ക്ഔട്ട് ചെയ്യാനും താരം പറഞ്ഞു. തന്റെ പ്രായം 29 ആണെന്നും നടി വെളിപ്പെടുത്തി. നടിയായിരുന്നില്ലെങ്കില്‍ താനൊരു ഡാന്‍സ് ടീച്ചര്‍ ആകുമായിരുന്നുവെന്നും മേഘ്‌ന വ്യക്തമാക്കി.

ജീവിതത്തിൽ ഒരു സ്റ്റേജിൽ ശരിക്കും വീണു പോയി. അത് തരണം ചെയ്ത് ഞാൻ മുന്നോട്ടു പോയി. മനസ് കൊണ്ട് സന്തോഷമായിട്ട് ചിരിക്കാൻ പറ്റുന്നുണ്ട്. ഇപ്പോൾ ആരെയും വിശ്വസിച്ച് വഞ്ചിക്കപ്പെടാറില്ലെന്നും മേഘ്ന പറഞ്ഞു.

ജീവിതത്തിൽ ഇനിയൊരു കൂട്ട് വേണമെന്നു തോന്നുമ്പോൾ എന്തൊക്കെ ക്വാളിറ്റീസ് ആണ് പ്രതീക്ഷിക്കുന്നതെന്നായിരുന്നു ഒരു ചോദ്യം. ഇതിനു അങ്ങനെ സ്പെഷ്യൽ ക്വാളിറ്റീസ് ഒന്നും വേണ്ടെന്നും തന്റെ അടുത്ത് ജെനുവിൻ ആയിരിക്കണമെന്നായിരുന്നു മേഘ്ന പറഞ്ഞത്. ആ സൈഡിലെങ്കിലും തന്നെ വഞ്ചിക്കാതിരിക്കുമല്ലോയെന്നും മേഘ്ന പറഞ്ഞു.

Get the latest Malayalam news and Television news here. You can also read all the Television news by following us on Twitter, Facebook and Telegram.

Web Title: Serial actress meghna vincent opens up about her life youtube channel518488

Next Story
Uppum Mulakum: കള്ളു കുടിച്ചു വന്ന ബാലുവിന് പാറുക്കുട്ടിയുടെ ഉപദേശം; ഉപ്പും മുളകും വീഡിയോuppum mulakum, uppum mulakum series latest episodes , latest episode, ഉപ്പും മുളകും പാറുക്കുട്ടി, Parukutty Uppum Mulakum, Uppum Mulakum Parukutty, uppum mulakum series latest episodes video, uppum mulakum series, ഉപ്പും മുളകും, ഉപ്പും മുളകും സീരിയൽ, ഉപ്പും മുളകും ഇന്ന്, uppum mulakum video, uppum mulakum latest episode, uppum mulagum, ഉപ്പും മുളകും വീഡിയോ, ഉപ്പും മുളകും ബാലു, ഉപ്പും മുളകും നീലു, ഉപ്പും മുളകും ശിവ, ഉപ്പും മുളകും കേശു, ഉപ്പും മുളകും ലെച്ചു, ഉപ്പും മുളകും മുടിയൻ, ഉപ്പും മുളകും ഭവാനിയമ്മ, Uppum mulakum bhavaniyamma
The moderation of comments is automated and not cleared manually by malayalam.indianexpress.com