രാമായണം സീരിയൽ താരം ശ്യാം സുന്ദർ കലാനി അന്തരിച്ചു. ദൂരദർശൻ സംപ്രേക്ഷണം ചെയ്ത രാമായണം സീരിയലിൽ ഇരട്ട സഹോദന്മാരായ സുഗ്രീവന്റെയും ബാലിയുടെയും വേഷം ചെയ്തിരുന്ന നടനാണ് ശ്യാം സുന്ദർ. ഏറെ നാളായി ക്യാൻസർ ബാധിതനായി ചികിത്സയിലായിരുന്നു അദ്ദേഹം.

രാമായണം സീരിയലിൽ ശ്യാം സുന്ദറിനൊപ്പം പ്രവർത്തിച്ച അരുൺ ഗോവിൽ, സുനിൽ ലാഹ്‌രി, ദീപിക ചിക്‌ലിയ തുടങ്ങി നിരവധി പേർ താരത്തിന് അനുശോചനം രേഖപ്പെടുത്തികൊണ്ട് രംഗത്തുവന്നിട്ടുണ്ട്. രാമായണം സീരിയലിൽ ലക്ഷ്മണന്റെ വേഷമാണ് സുനിൽ ലാഹ്‌രി അവതരിപ്പിച്ചത്. സീതയെ അവതരിപ്പിച്ച കലാകാരിയാണ് ദീപിക ചിക്‌ലിയ.

ലോക്‌ഡൗൺ കാലത്ത് രാമായണം എന്ന എക്കാലത്തെയും ജനപ്രിയസീരിയൽ പുനസംപ്രേക്ഷണം ചെയ്തുവരികയാണ് ദൂരദർശൻ. രാമാനന്ദ് സാഗർ സംവിധാനം ചെയ്ത ‘രാമായണ’ത്തിനൊപ്പം തന്നെ ബി ആർ ചോപ്ര ഒരുക്കിയ മഹാഭാരതവും ദൂരദർശൻ പുനസംപ്രേക്ഷണം ചെയ്യുകയാണ് ഇപ്പോൾ.

Read more: ദൂരദർശനിൽ രാമായണം വീണ്ടും സംപ്രേഷണം ചെയ്യുന്നു

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook