കേരളത്തിലെ ആൺപിള്ളേർക്ക് പെണ്ണു കിട്ടാനില്ലെന്നു പറഞ്ഞപ്പോ ഇത്രേം പ്രതീക്ഷിച്ചില്ല; വൈറലായി ഒരു കല്യാണ പരസ്യം

ഇന്ന് വിവാഹിതരാകുന്നു, ആദർശ്- നവ്യ- അഭിനന്ദ്, മുഹൂർത്തം രാത്രി 8:30നും 9 നും മദ്ധ്യേ... വിചിത്രമായ ഈ വിവാഹപരസ്യമാണ് ഇപ്പോൾ സോഷ്യൽ മീഡിയ ആഘോഷമാക്കുന്നത്.ഇന്ന് പത്രങ്ങളിൽ പ്രത്യക്ഷപ്പെട്ട ഈ പരസ്യം പത്തരമാറ്റ് എന്ന സീരിയലിന്റെ പ്രമോഷനുമായി ബന്ധപ്പെട്ടുള്ളതാണ്. ഒരു പെൺകുട്ടിയും രണ്ടു വരന്മാരും... ഇതിൽ ആരാവും വരൻ?

എന്തായാലും വിചിത്രമായ ഈ വിവാഹപരസ്യം സോഷ്യൽ മീഡിയ ഏറ്റെടുത്തു കഴിഞ്ഞു. 'കേരളത്തിലെ ആൺപിള്ളേർക്ക് പെണ്ണില്ല എന്ന് പറഞ്ഞപ്പോ ഇത്രേം പ്രതീക്ഷിച്ചില്ല,' എന്നാണ് സോഷ്യൽ മീഡിയയുടെ കമന്റ്.

ഏഷ്യാനെറ്റിൽ സംപ്രേഷണം ചെയ്യുന്ന പുതിയ സീരിയലാണ് പത്തരമാറ്റ്. തിങ്കൾ മുതൽ വെള്ളിവരെ രാത്രി 8.30 നാണ് സീരിയലിന്റെ സംപ്രേഷണം.

പ്രമുഖ ജ്വല്ലറി വ്യവസായി അനന്തമൂർത്തിയുടെയും മക്കളുടെയും കൊച്ചുമക്കളുടെയും കഥയാണ് പത്തരമാറ്റ്. മിഡിൽ ക്ലാസ് കുടുംബമായ ഉദയഭാനുവിന്റെയും കനകദുർഗെയുടെയും അവരുടെ മൂന്ന് പെൺമക്കളുടെയും കഥയും സമാന്തരമായി പറയുന്നു. അവരുടെ ജീവിതത്തിലേക്ക് അപ്രതീക്ഷിതമായി കടന്നുവരുന്ന കഥാപാത്രങ്ങൾ കഥയ്ക്ക് പുതിയ രൂപവും ഭാവവും നൽകുന്നു. പ്രണയവും പ്രണയവും കരുതലും വാത്സല്യവും പകയും പ്രതികാരവുമെല്ലാം നിറയുന്ന ഉദ്വേഗജനകമായ സംഭവവികാസങ്ങളിലൂടെയാണ് കഥ വികസിക്കുന്നത്. തേരി മേരി ഡോറിയാൻ എന്ന ഹിന്ദി സീരിയലിന്റെ റീമേക്കാണിത്.