യെ ദോസ്തി… ഹം നഹീ തോഡേങ്കെ; ജപ്പാനിൽ ചുറ്റികറങ്ങി ചാക്കോച്ചനും മഞ്ജു വാര്യരും, ചിത്രങ്ങൾ

മലയാള സിനിമയിലെ അഭിനേതാക്കൾ തമ്മിലുള്ള സൗഹൃദം ഏറെ കൗതുകത്തോടെയാണ് ആരാധകർ നോക്കി കാണാറുണ്ട്. അത്തരത്തിൽ വളരെ അടുത്ത സൗഹൃദം കാത്തുസൂക്ഷിക്കുന്നവരാണ് കുഞ്ചാക്കോ ബോബനും മഞ്ജു വാര്യരും.

ഈ സൗഹൃദക്കൂട്ടിലെ മറ്റൊരാൾ രമേഷ് പിഷാരടിയാണ്. മൂന്നു പേരും ഒന്നിച്ചുള്ള യാത്രകളും ആഘോഷങ്ങളുമൊക്കെ എപ്പോഴും ആരാധകരുമായി പങ്കുവയ്ക്കാറുണ്ട്.

ചാക്കോച്ചനും കുടുംബത്തിനുമൊപ്പം മഞ്ജു വാര്യർ ജപ്പാനിലേക്ക് നടത്തിയ യാത്രയിൽ നിന്നുള്ള ചിത്രങ്ങളാണ് ഇപ്പോൾ ശ്രദ്ധ കവരുന്നത്.

ഇത്തവണ യാത്രയിൽ രമേഷ് പിഷാരടി ഇല്ല. പകരം ചാക്കോച്ചന്റെ പ്രിയതമ പ്രിയയേയും മകൻ ഇസഹാഖുമാണ് കൂടെയുള്ളത്.

മഞ്ജുവിന്റെ മാനേജറായ ബിനീഷ് ചന്ദ്രനേയും ചിത്രങ്ങളിൽ കാണാം.

പരമ്പരാഗത ജപ്പാൻ വസ്ത്രങ്ങൾ ധരിച്ച് മഞ്ജുവും ചാക്കോച്ചനും.