ഏഷ്യാനെറ്റിൽ സംപ്രേഷണം ചെയ്യുന്ന ‘കുടുംബ വിളക്ക്’ പരമ്പരയ്ക്ക് പ്രേക്ഷകപ്രീതി ഏറെയാണ്. സുമിത്ര എന്ന വീട്ടമ്മയുടെ ജീവിതത്തെ ആസ്പദമാക്കിയുളളതാണ് പരമ്പര. ഈ സീരിയലിലെ മറ്റൊരു പ്രധാന കഥാപാത്രമാണ് ഡോ.അനന്യ. സുമിത്രയുടെ മരുകളാണ് അനന്യ. ആതിര മാധവാണ് പരമ്പരയിൽ അനന്യ എന്ന കഥാപാത്രത്തെ അവതരിപ്പിക്കുന്നത്.
ഡോക്ടറാവണമെന്നതായിരുന്നു തന്റെ ആഗ്രഹമെന്നും ആ മോഹം കുടുംബ വിളക്കിലൂടെ സഫലമായെന്നുമാണ് കേരള കൗമുദിക്ക് നൽകിയ അഭിമുഖത്തിൽ ആതിര പറഞ്ഞിരിക്കുന്നത്. ”സ്ക്രീനിലാണേലും സ്റ്റെതസ്കോപ്പൊക്കെയിട്ട് നടക്കുന്നത് ഞാൻ ശരിക്കും ആസ്വദിക്കുന്നുണ്ട്. ഡോ. അനന്യ എന്ന കഥാപാത്രമാകാൻ അത്യാവശ്യം കുറച്ച് തയ്യാറെടുപ്പുകളൊക്കെ നടത്തിയിരുന്നു. ഓരോ സീൻ ചെയ്യുമ്പോഴും എനിക്ക് പരിചയമുള്ള ഡോക്‌ടർമാരുടെ മുഖം ഓർമ്മവരും. അവരൊക്കെ എങ്ങനെയാണ് പെരുമാറുന്നതെന്ന് ആലോചിക്കും. പിന്നെ സീരിയലിൽ ഡോ. രോഹിത്തായി എത്തുന്ന ഷൈജു ഒറിജിനൽ ഡോക്‌ടറാണ്. അദ്ദേഹം ഒരുപാട് സഹായിച്ചിട്ടുണ്ട്,” ആതിര അഭിമുഖത്തിൽ പറഞ്ഞു.
Read More: ഉപ്പും മുളകും പരമ്പര അവസാനിപ്പിച്ചതിനു കാരണമുണ്ട്; ബിജു സോപാനം പറയുന്നു
‘കുടുംബവിളക്ക്’ തുടങ്ങുന്ന സമയത്ത് അനന്യ എന്ന കഥാപാത്രം നെഗറ്റീവ് ഷേഡിലായിരുന്നു. അന്നൊക്കെ കുറച്ച് നെഗറ്റീവ് കമന്റുകളും കേൾക്കേണ്ടി വന്നിട്ടുണ്ട്. സത്യത്തിൽ നല്ല വിഷമം തോന്നിയിരുന്നു. ഇപ്പോൾ പക്ഷേ നെഗറ്റീവാക്കെ മാറി. പക്ഷേ ഇത്ര പെട്ടെന്ന് കാരക്‌ടറിൽ മാറ്റമുണ്ടാകുമെന്ന് കരുതിയില്ല. മാറ്റം വന്നപ്പോഴാണ് അത് അഭിനയിക്കാൻ ബുദ്ധിമുട്ടിയത്. ശരിക്കും ചലഞ്ചിങ്ങായിരുന്നു.” അനന്യ പറഞ്ഞു.
View this post on Instagram
കുടുംബവിളക്ക് തുടങ്ങുന്ന സമയത്ത് പ്രൊഡക്ഷൻ കൺട്രോളർ തന്നെ വിളിച്ചിരുന്നുവെന്നും പക്ഷേ അന്നത് ചെയ്യാനായില്ലെന്നും അനന്യ അഭിമുഖത്തിൽ പറഞ്ഞു. അങ്ങനെ വേറൊരു കുട്ടി അത് ചെയ്യുന്നുണ്ടായിരുന്നു. ലോക്ക്ഡൗൺ ആയതോടെ ചെയ്‌ത ആൾക്ക് വരാൻ പറ്റാതെയായി. അങ്ങനെ വീണ്ടും ആ കഥാപാത്രം എന്നെ തേടിയെത്തി. അങ്ങനെയാണ് ചെയ്യുന്നത്. ഓഡിഷനൊന്നും ഉണ്ടായിരുന്നില്ലെന്നും അനന്യ പറഞ്ഞു.
View this post on Instagram
രാജീവ് മേനോനാണ് അനന്യയുടെ ഭർത്താവ്. പ്രണയവിവാഹമായിരുന്നു ഞങ്ങളുടേത്. ഒരുമിച്ച് ഒരു സ്ഥാപനത്തിൽ ജോലി ചെയ്തവരാണ്. പതിയെ പരിചയം പ്രണയത്തിലേക്ക് വഴിമാറി. അങ്ങനെ വീട്ടിൽ വന്ന് പുള്ളി സംസാരിച്ചു. എല്ലാം ഓക്കെ ആയതോടെയാണ് ഞങ്ങൾ പ്രണയിക്കാൻ തീരുമാനിച്ചതെന്ന് അനന്യ അഭിമുഖത്തിൽ വ്യക്തമാക്കി.
