സംസ്ഥാന ടെലിവിഷൻ അവാർഡുകൾ പ്രഖ്യാപിച്ചു

28th Kerala State Television Award 2019: തിരുവനന്തപുരം: ഇരുപത്തിയെട്ടാമത് കേരള സംസ്ഥാന ടെലിവിഷൻ അവാർഡ് 2019 പ്രഖ്യാപിച്ചു. മന്ത്രി എ കെ ബാലനാണ് പുരസ്കാരങ്ങൾ പ്രഖ്യാപിച്ചത്. മധുപാൽ (കഥാവിഭാഗം), ഓകെ ജോണി (കഥേതര വിഭാഗം), എ സഹദേവൻ (രചനവിഭാഗം) എന്നിവർ ജൂറികളായ സമിതിയാണ് അവാർഡ് ജേതാക്കളെ തിരഞ്ഞെടുത്തത്.

മികച്ച ടെലിസീരിയൽ, കുട്ടികളുടെ മികച്ച ഷോർട്ട് ഫിലിം,മികച്ച ലേഖനം എന്നീ വിഭാഗങ്ങളിൽ നിലവാരമുള്ള എൻട്രികൾ ലഭിക്കാത്തതിനാൽ ഇത്തവണ പുരസ്കാരം നൽകിയിട്ടില്ല.

മികച്ച ഗ്രന്ഥം- പ്രൈം ടൈം ടെലിവിഷൻ കാഴ്ചകൾ (ഡോ. രാജൻ പെരുന്ന)

മികച്ച ടെലിഫിലിം (20 മിനിറ്റിൽ താഴെയുള്ളത്)- സാവന്നയിലെ മണൽപച്ചകൾ (സംവിധാനം നൗഷാദ്)

മികച്ച ടെലിഫിലിം (20 മിനിറ്റിൽ കൂടുതലുള്ളത്)- സൈഡ് എഫക്റ്റ്സ് (സുജിത്ത് സഹദേവ്)

മികച്ച കഥാകൃത്ത് (ടെലിഫിലിം)- സുജിത്ത് സഹദേവ് (സൈഡ് എഫക്റ്റ്സ്)

മികച്ച ടിവി ഷോ (വിനോദം)- ബിഗ് സല്യൂട്ട് (മഴവിൽ മനോരമ)

മികച്ച കോമഡി പ്രോഗ്രാം- മറിമായം (മഴവിൽ മനോരമ)

മികച്ച ഹാസ്യാഭിനേതാവ്- നസീർ സംക്രാന്തി (മഴവിൽ മനോരമയിലെ തട്ടീം മുട്ടീം, അമൃത ടിവിയിലെ കോമഡി മാസ്റ്റേഴ്സ് എന്നിവയിലെ അഭിനയത്തിന്)

മികച്ച വാർത്താവതാരക- ആര്യ പി (മാതൃഭൂമി ന്യൂസ്) , അനുജ(24 ന്യൂസ്)

മികച്ച കോമ്പയറർ/ആങ്കർ (വാർത്തേതരം)- സുരേഷ് ബി (വാവ സുരേഷ്)(സ്‌നേക്ക് മാസ്റ്റർ-കൗമുദി ടി.വി)

മികച്ച കമന്റേറ്റർ- സജീ ദേവി.എസ് (ഞാൻ ഗൗരി-ദൂരദർശൻ മലയാളം)

മികച്ച ആങ്കർ/ഇന്റർവ്യൂവർ (കറന്റ് അഫയേഴ്‌സ്)-ഡോ.കെ.അരുൺ കുമാർ (ജനകീയ കോടതി), കെ.ആർ.ഗോപീകൃഷ്ണൻ

മികച്ച ഇൻവെസ്റ്റിഗേറ്റീവ് ജേർണലിസ്റ്റ്- കെ.പി.റഷീദ് (കരിമണൽ റിപ്പബ്ലിക് ആലപ്പാടിന്റെ സമരവും ജീവിതവും-ഏഷ്യാനെറ്റ് ന്യൂസ്)

മികച്ച ഡബ്ബിംഗ് ആർട്ടിസ്റ്റ് (ആൺവിഭാഗം) - ശങ്കർലാൽ

മികച്ച ഡബ്ബിംഗ് ആർട്ടിസ്റ്റ് (പെൺവിഭാഗം) - രോഹിണി എ പിള്ളൈ

മികച്ച അവതാരകൻ (വാർത്തേതര വിഭാഗം)- വാവ സുരേഷ് (സ്നേക്ക് മാസ്റ്റർ- കൗമുദി ടിവി)

മികച്ച നടൻ- മധു വിഭാകർ (കുഞ്ഞിരാമൻ, അമ്മ വിഷൻ)

മികച്ച നടി- കവിത നായർ ( തോന്ന്യാക്ഷരങ്ങൾ, ടെലിസീരിയൽ, അമൃതാ ടെലിവിഷൻ)

മികച്ച രണ്ടാമത്തെ നടൻ- മുരളീധരക്കുറുപ്പ് ( തോന്ന്യാക്ഷരങ്ങൾ)

മികച്ച രണ്ടാമത്തെ നടി- മായാ സുരേഷ് (തോന്ന്യാക്ഷരങ്ങൾ)

മികച്ച ബാലതാരം- ലെസ്‌വിൻ ഉല്ലാസ് (മഹാഗുരു, കൗമുദി ടി.വി)

മികച്ച ഛായാഗ്രാഹകൻ- ലാവെൽ എസ് (മഹാഗുരു)

മികച്ച ചിത്രസംയോജകൻ സുജിത്ത് സഹദേവ് (സൈഡ് എഫക്റ്റ്)

മികച്ച സംവിധായകൻ- പ്രകാശ് അലക്‌സ് (സൈഡ് എഫക്റ്റ്)

മികച്ച ശബ്ദലേഖകൻ- തോമസ് കുര്യൻ (സൈഡ് എഫക്റ്റ് )

മികച്ച കലാസംവിധായകൻ- ഷിബുകുമാർ (മഹാഗുരു)

പ്രത്യേക ജൂറി പരാമർശം- ഐശ്വര്യ അനിൽ കുമാർ (കുഞ്ഞിരാമൻ, അമ്മ വിഷൻ)

പ്രത്യേക ജൂറി പരാമർശം- രശ്മി അനിൽ (കോമഡി മാസ്റ്റേഴ്‌സ്, അമൃത ടി.വി)

പ്രത്യേക ജൂറി പരാമർശം- ബേബി ശിവാനി (ഉപ്പും മുളകും, ഫ്‌ളവേഴ്‌സ്)

മികച്ച ഡോക്യുമെന്ററി (കഥേതര വിഭാഗം, ജനറൽ)- ഇൻ തണ്ടർ ലൈറ്റനിംഗ് റെയിൻ (കേരള വിഷൻ, സംവിധാനം ഡോ രാജേഷ് ജയിംസ്)

മികച്ച ഡോക്യുമെന്ററി (കഥേതര വിഭാഗം, സയൻസ് & എൻവയോൺമെന്റ്)- ഒരു തുരുത്തിന്റെ ആത്മകഥ (ഏഷ്യാനെറ്റ് ന്യൂസ്, സംവിധാനം നിശാന്ത് എം വി)

മികച്ച ഡോക്യുമെന്ററി (കഥേതര വിഭാഗം, സയൻസ് & എൻവയോൺമെന്റ്)- ചെറുധാന്യങ്ങളുടെ ഗ്രാമം (കൈരളി ന്യൂസ്, സംവിധാനം ജി.എസ്. ഉണ്ണികൃഷ്ണൻ നായർ)

മികച്ച ഡോക്യുമെന്ററി (കഥേതര വിഭാഗം, ബയോഗ്രഫി)- വേനലിൽ പെയ്ത ചാറ്റുമഴ (സംവിധാനം- ആർ എസ് പ്രദീപ്)

മികച്ച ഡോക്യുമെന്ററി (കഥേതര വിഭാഗം, ബയോഗ്രഫി)- ജീവനുളള സ്വപ്‌നങ്ങൾ (സംവിധാം: ഋത്വിക് ബൈജു ചന്ദ്രൻ)

മികച്ച ഡോക്യുമെന്ററി (സ്ത്രീകളുടെയും കുട്ടികളുടേയും വിഭാഗം)- അട്ടപ്പാടിയിലെ അമ്മമാർ (മീഡിയാ വൺ, സംവിധാനം സോഫിയാ ബിന്ദ്)

മികച്ച വിദ്യാഭ്യാസ പരിപാടി- പഞ്ഞിമുട്ടായി (ഞങ്ങളിങ്ങാനാണ് ഭായ്, സംവിധാനം: ഷിലെറ്റ് സിജോ)

മികച്ച അവതാരകൻ- വി.എസ്.രാജേഷ് (സ്ട്രയിറ്റ് ലൈൻ,

കൗമുദി ടിവി)

വിദ്യാഭ്യാസ പരിപാടി അവതാരകൻ- ബിജു മുത്തത്തി (നിഴൽ ജീവിതം,കൈരളി ന്യൂസ്)

ഡോക്യുമെന്ററി വിഭാഗം മികച്ച സംവിധായകൻ- സജീദ് നടുത്തൊടി ( അന്ധതയെക്കുറിച്ചുളള ഡയറിക്കുറിപ്പുകൾ- സ്വയംപ്രഭ ഡി.റ്റി.എച്ച് ചാനൽ)

മികച്ച ന്യൂസ് ക്യാമറാമാൻ- ജിബിൻ ജോസ് ( ഇൻ തണ്ടർ ലൈറ്റനിംഗ് അൻഡ് റെയിൻ – കേരളവിഷൻ)

മികച്ച ടി.വി.ഷോ (കറന്റ് അഫയേഴ്‌സ്) - ഞാനാണ് സ്ത്രീ (അമൃത ടി.വി-കോഡക്‌സ് മീഡിയ ),പറയാതെ വയ്യ (മനോരമ ന്യൂസ്)

മികച്ച കുട്ടികളുടെ പരിപാടി- അനന്തപുരിയുടെ തിരുശേഷിപ്പുകൾ(സംവിധാനം – ബീന കലാം, നിർമ്മാണം – കൈറ്റ് വിക്‌ടേഴ്‌സ്)

പ്രത്യേക ജൂറി പരാമർശം- ഡോക്യുമെന്ററി ബയോഗ്രഫി- ഇനിയും വായിച്ചു തീരാതെ (കേരള വിഷൻ, സംവിധാനം – ദീപു തമ്പാൻ )

Read more:സംസ്ഥാന ടെലിവിഷൻ പുരസ്കാരം: മികച്ച അവതാരകൻ വാവ സുരേഷ്