വാള്, കുന്തം, കൊടുവാൾ, പരിച… സർവ്വം യുദ്ധമയം: ബിഗ് ബോസ് ഹൗസിലെ കാഴ്ചകൾ

Inside Bigg Boss House: ബിഗ് ബോസ് മലയാളം സീസൺ അഞ്ചിനായി സംവിധായകനും പ്രശസ്ത പ്രൊജക്റ്റ് ഡിസൈനറുമായ ഒമംഗ് കുമാർ ഒരുക്കിയ സെറ്റിന്റെ ചിത്രങ്ങൾ കാണാം. യുദ്ധം (ബാറ്റിൽ) എന്ന തീമിലാണ് ബിഗ് ബോസ് ഹൗസിന്റെ ഡിസൈൻ ഒരുക്കിയിരിക്കുന്നത്.

ഒർജിനൽ മനുഷ്യരുടെ തീപാറുന്ന പോരാട്ടം എന്നാണ് ബിഗ് ബോസ് മലയാളം സീസൺ അഞ്ചിനെ അണിയറപ്രവർത്തകർ വിശേഷിപ്പിക്കുന്നത്. വരാനിരിക്കുന്നത് തീപ്പാറുന്ന പോരാട്ടമായിരിക്കും എന്ന സൂചനകളാണ് ബിഗ് ബോസ് ഹൗസിന്റെ കാഴ്ചകളും നൽകുന്നത്.

ആരാണ് ഒമംഗ് കുമാർ

മേരി കോം, സർബ്ജിത്, ഭൂമി, പിഎം നരേന്ദ്ര മോദി തുടങ്ങിയ സിനിമകളുടെ സംവിധായകനും പ്രശസ്ത പ്രൊജക്റ്റ് ഡിസൈനറുമാണ് ഒമംഗ് കുമാർ. കഴിഞ്ഞ സീസണിലും ഒമംഗ് തന്നെയായിരുന്നു വീടൊരുക്കിയത്. ബിഗ് ബോസ് ഹിന്ദി, ലോക്ക് അപ്പ് തുടങ്ങിയ ജനപ്രിയ ഷോകളുടെ കലാസംവിധായകൻ കൂടിയാണ് ഒമംഗ്.