ബിഗ് ബോസ് ചരിത്രം തിരുത്തിയെഴുതി അനീഷ്: കോമണറായി എത്തി ഫസ്റ്റ് റണ്ണറപ്പായി മടക്കം: Bigg Boss Malayalam 7

Bigg Boss malayalam 7: ബിഗ് ബോസ് മലയാളം സീസൺ 7-ന്റെ ചരിത്രത്തിൽ തങ്കലിപികളാൽ എഴുതപ്പെട്ട അധ്യായമാണ് അനീഷിന്റെയാത്ര. ഒരു സാധാരണ സർക്കാർ ഉദ്യോഗസ്ഥനിൽ നിന്ന്, ആദ്യമായി ഫിനാലെയിൽ എത്തുകയും ഫസ്റ്റ് റണ്ണറപ്പ് ആകുകയും ചെയ്യുന്ന 'കോമണർ' എന്ന റെക്കോർഡ് അനീഷ് സ്വന്തമാക്കി. തന്റെ സ്വപ്നത്തിനുവേണ്ടി ജോലി ഉപേക്ഷിച്ചെത്തിയ ഈ പോരാളി, പ്രേക്ഷകരുടെ മനസ്സിൽ ആഴത്തിൽ പതിഞ്ഞ ഒരധ്യായമാണ് ഈ സീസണിൽ സമ്മാനിച്ചത്.

Also Read: ബിഗ് ബോസ് മലയാളം സീസൺ 7 വിജയി അനുമോൾ; Bigg Boss Malayalam Season 7 Grand Finale Winner
 
അനീഷ് ബിഗ് ബോസ് വീട്ടിലെത്തിയത് ഒരു സെലിബ്രിറ്റി പരിവേഷവുമില്ലാതെയാണ്. എഴുത്തിലും സംസാരത്തിലുമുള്ള അദ്ദേഹത്തിന്റെ കഴിവുകൾ പുറത്തുണ്ടായിരുന്നെങ്കിലും, വീട്ടിലെത്തി ആദ്യനാളുകളിൽ അദ്ദേഹം ലാളിത്യം കൊണ്ടും വിനയം കൊണ്ടും ശ്രദ്ധ നേടി. അനീഷിന്റെ ശാന്തമായ പെരുമാറ്റം, കാര്യങ്ങളെപ്പറ്റിയുള്ള ആഴത്തിലുള്ള കാഴ്ചപ്പാടുകൾ, ചിന്തിച്ച് സംസാരിക്കുന്ന രീതി എന്നിവ തുടക്കത്തിൽ തന്നെ അനീഷിന് ഒരു വിഭാഗം പ്രേക്ഷകരുടെ പിന്തുണ നേടിക്കൊടുത്തു. ഈ സീസണിലെ ആദ്യത്തെ ക്യാപ്റ്റനും അനീഷ് ആയിരുന്നു.

വീടിനകത്തെ മത്സരങ്ങൾ കടുപ്പമേറിയതോടെ അനീഷിന്റെ സ്വഭാവത്തിലെ ചില പ്രത്യേകതകൾ ചർച്ചയായി. ചില കാര്യങ്ങളിൽ ഉറച്ച നിലപാടെടുക്കുകയും അത് ആവർത്തിച്ച് പറയുകയും ചെയ്യുന്ന അനീഷിന്റെ  രീതി ചിലർക്ക് വാശിയായി തോന്നിയെങ്കിലും, മറ്റ് ചിലർ അനീഷിന്റെ ആത്മാർത്ഥതയായി ഇതിനെ കണ്ടു. വൈകാരികമായ പ്രതികരണങ്ങളും തർക്കങ്ങളും അനീഷിന്റെ യാത്രയിൽ ധാരാളമുണ്ടായി.

Also Read: സമ്മാനത്തുകയേക്കാൾ പ്രതിഫലം വാങ്ങുന്അനുമോൾ; ബിഗ് ബോസ് 7 ഫൈനലിസ്റ്റുകളുടെ പ്രതിഫല കണക്കുകൾ: Bigg Boss Malayalam 7

അനീഷിന്റെ ഒരു സംഭാഷണ ശകലം വീട്ടിലും പുറത്തും വൻ തരംഗമായി മാറി.  സഹമത്സരാർത്ഥിയായിരുന്ന രേണു സുധിയോടുള്ള സംസാരത്തിനിടെ അനീഷ് പറഞ്ഞ “കണ്ണടച്ചു കിടക്കുന്നത് ഞാൻ കണ്ടു!” എന്ന ഡയലോഗ് സോഷ്യൽ മീഡിയയിൽ മീമുകളും റീമിക്സുകളുമായി നിറഞ്ഞു. ഈ ഒറ്റവരി, അനീഷിനെ പ്രേക്ഷകർക്കിടയിൽ കൂടുതൽ പരിചിതനാക്കി.

സഹമത്സരാർത്ഥിയായിരുന്ന അനുമോളുമായുള്ള അനീഷിന്റെ സൗഹൃദം ഹൗസിനുള്ളിലെ പ്രധാന ചർച്ചാവിഷയമായി. ഒരു ഘട്ടത്തിൽ അനുമോളോട് അദ്ദേഹം വിവാഹാഭ്യർത്ഥന നടത്തുകയും അത് വലിയ ശ്രദ്ധ നേടുകയും ചെയ്തു. അനുമോൾ ഈ പ്രൊപ്പോസലിനെ തമാശയായി കണ്ട് തള്ളിക്കളഞ്ഞെങ്കിലും, ഇത് അനീഷിന്റെ വൈകാരികമായ സത്യസന്ധതയായി പലരും വിലയിരുത്തി. 

Also Read: New Malayalam OTT Release: ഈ ആഴ്ച ഒടിടിയിലെത്തിയ മലയാള ചിത്രങ്ങൾ

'ഒറ്റയാൻ' 

വീടിനുള്ളിൽ അനീഷ് ഒരു ഗ്രൂപ്പിന്റെ ഭാഗമായി കളിക്കുന്നതിനേക്കാൾ കൂടുതലും ഒറ്റപ്പെട്ട് കളിക്കുന്നു എന്ന് വിമർശനം ഉയർന്നിരുന്നു. പലപ്പോഴും തനിച്ചുള്ള യാത്രയും സ്വയം പഴിക്കുന്ന രീതിയും കാരണം, 'ഒറ്റപ്പെടൽ'  സ്ട്രാറ്റജി കളിക്കുന്നു എന്ന് മറ്റ് മത്സരാർത്ഥികൾ കളിയാക്കി. എന്നാൽ, അനീഷിന്റെ ആരാധകർ  ഈ നിലപാടിനെ ആത്മാർത്ഥതയുടെയും തന്റേടത്തിന്റെയും ലക്ഷണമായി കണ്ടു.

വീടിനുള്ളിൽ അഭിപ്രായ വ്യത്യാസങ്ങൾ ഉണ്ടാകുമ്പോൾ അനീഷ് ശക്തമായി പ്രതികരിച്ചു. ചില സമയങ്ങളിൽ വികാരങ്ങൾ നിയന്ത്രിക്കാൻ കഴിയാതെ വന്നത് അനീഷിന് തിരിച്ചടിയായി. എങ്കിലും, ഭൂരിഭാഗം സമയത്തും തന്റെ വാദങ്ങളിൽ യുക്തി കണ്ടെത്താൻ അനീഷ് ശ്രമിച്ചു.

സാധാരണക്കാരന്റെ വിജയം

ഫൈനൽ റൗണ്ടിൽ എത്തിയതോടെ അനീഷിന്റെ ജനപിന്തുണ വർധിച്ചു. 'സാധാരണക്കാരൻ' എന്ന പ്രതിച്ഛായയും, തന്റെ സ്വപ്നത്തിനായി ജോലി ഉപേക്ഷിച്ച കഥയും, വീടിനുള്ളിലെ നിഷ്കളങ്കമായ ഇടപെടലുകളും അനീഷിന് 
 വലിയ വോട്ടിങ് ബലം നൽകി. ബിഗ് ബോസ് മലയാളത്തിന്റെ ചരിത്രത്തിൽ ആദ്യമായി ഒരു സാധാരണക്കാരൻ ടൈറ്റിൽ വിന്നറാകുമോ എന്ന ആകാംഷ പ്രേക്ഷകർക്കിടയിൽ ഉയർത്തിയത് അനീഷാണ്.

Also Read: ശാന്തമീ രാത്രിയിൽ വാദ്യഘോഷാദികൾ കൊണ്ടു വാ; ജയറാമിനൊപ്പം വേദിയിൽ ചുവടുവച്ച് മമ്മൂട്ടി, വീഡിയോ

ബിഗ് ബോസ് മലയാളം സീസൺ 7-ൽ ഏറ്റവും കൂടുതൽ ചർച്ച ചെയ്യപ്പെട്ട, വൈകാരികമായ ആത്മാർത്ഥതയുടെയും ഉറച്ച നിലപാടുകളുടെയും ഒരു ഉദാഹരണമാണ് അനീഷിന്റെ യാത്ര. വിജയിയായാലും ഇല്ലെങ്കിലും, അദ്ദേഹം ഈ ഷോയിൽ തന്റേതായ ഒരിടം കണ്ടെത്തുകയും പ്രേക്ഷകരുടെ മനസ്സിൽ ഒരു സാധാരണക്കാരന്റെ പ്രതിനിധിയായി മാറിയെന്നതിലും സംശയമില്ല.

Also Read: നാണം കെട്ട പിആർ കളികൾ; അവർ ജാതി പറഞ്ഞും വോട്ട് നേടി; Bigg Boss Malayalam 7