Chakkappazham Serial: ഫ്‌ളവേഴ്‌സ് ടിവിയിൽ സംപ്രേഷണം ചെയ്യുന്ന ‘ചക്കപ്പഴം’ എന്ന ഹാസ്യ പരമ്പര കുടുംബപ്രേക്ഷകരുടെ ഹൃദയം കവർന്ന് മുന്നേറുകയാണ്. അച്ഛനും അമ്മയും മൂന്നുമക്കളും അവരുടെ കുടുംബവുമെല്ലാം ഒന്നിച്ച് കഴിയുന്ന ഒരു കൂട്ടുകുടുംബത്തിൽ നടക്കുന്ന രസകരമായ സംഭവങ്ങളാണ് ചക്കപ്പഴം പറയുന്നത്. എസ് പി ശ്രീകുമാര്‍, അശ്വതി ശ്രീകാന്ത്, ശ്രുതി രജനീകാന്ത്, അമല്‍ രാജീവ്, അര്‍ജുന്‍ സോമശേഖര്‍, മുഹമ്മദ് റാഫി, സബീറ്റ ജോര്‍ജ് തുടങ്ങിയവരാണ് ഈ സീരിയലിലെ പ്രധാന കഥാപാത്രങ്ങളായി എത്തുന്നത്.

Read more: Chakkappazham: ആശയ്ക്ക് എന്തൊരു മാറ്റമെന്ന് ആരാധകർ; സ്റ്റൈലിഷ് ചിത്രങ്ങളുമായി അശ്വതി

സൗഭാഗ്യ വെങ്കിടേഷിന്റെ ഭർത്താവും ടിക്ടോക് താരവുമായ അർജുൻ സോമശേഖറാണ് സീരിയലിൽ ശിവൻ എന്ന കഥാപാത്രത്തെ അവതരിപ്പിച്ചിരുന്നത്. ഇപ്പോഴിതാ, പരമ്പരയിൽ ശിവൻ എന്ന കഥാപാത്രത്തെ അവതരിപ്പിച്ച അർജുൻ സോമശേഖർ സീരിയലിൽ നിന്നും പിന്മാറി എന്ന വാർത്തകളാണ് പുറത്തു വരുന്നത്. അർജുൻ തന്നെയാണ് തന്റെ ഫേസ്ബുക്ക് പോസ്റ്റിലൂടെ ഇക്കാര്യം ആരാധകരെ അറിയിച്ചിരിക്കുന്നത്.

പരമ്പരയുടെ ഷെഡ്യൂളുകൾ നീണ്ടുപോവുന്നത് കാരണം തങ്ങളുടെ ഡാൻസ് സ്കൂളിന്റെ കാര്യങ്ങൾ നോക്കി നടത്താൻ കഴിയുന്നില്ലെന്നും 200 ഓളം കുട്ടികളുള്ള ഡാൻസ് സ്കൂൾ സൗഭാഗ്യയ്ക്ക് തനിയെ മാനേജ് ചെയ്ത് കൊണ്ടുപോവാൻ ബുദ്ധിമുട്ടാണ്. അതുകൊണ്ടാണ് താൻ പരമ്പരയിൽ നിന്നും പിന്മാറുന്നതെന്നാണ് അർജുൻ പറയുന്നത്.

Read more: സുന്ദരി നീയും സുന്ദരൻ ഞാനും; തകർപ്പൻ ഫോട്ടോഷൂട്ടുമായി സൗഭാഗ്യയും അർജുനും

ഇടയ്ക്കിടെ സസ്പെൻഷൻ വാങ്ങിച്ച് വീട്ടിലിരിക്കുന്ന കോണ്‍സ്റ്റബിൾ ശിവൻ എന്ന അർജുന്റെ കഥാപാത്രം ഏറെ ശ്രദ്ധ നേടിയിരുന്നു. കുറിക്ക് കൊള്ളുന്ന കൗണ്ടറുകളിലൂടെയും ശ്രുതി രജനീകാന്തുമായുള്ള കോമ്പിനേഷൻ സീനുകളിലുമെല്ലാം പ്രേക്ഷകരെ ചിരിപ്പിക്കുന്ന കഥാപാത്രമായിരുന്നു അർജുന്റേത്. താരത്തിന്റെ പെട്ടെന്നുള്ള പിന്മാറ്റം പ്രേക്ഷകരെയും നിരാശരാക്കുകയാണ്.

Chakkappazham Flowers TV Latest Episode

ഉണ്ണികൃഷ്ണൻ ആർ ആണ് ചക്കപ്പഴത്തിന്റെ സംവിധായകൻ. രാത്രി 10 മണിക്കാണ് സീരിയൽ സംപ്രേഷണം ചെയ്യുന്നത്. ഒരു കുടുംബത്തിലെ രസകരമായ സംഭവങ്ങൾ കോർത്തിണക്കിയാണ് സീരിയൽ അണിയിച്ചൊരുക്കിയിരിക്കുന്നത്.

പരമ്പരയിൽ ശ്രീകുമാർ ഉത്തമൻ ആയി എത്തുമ്പോൾ ആശ എന്ന കഥാപാത്രത്തെയാണ് അശ്വതി അവതരിപ്പിക്കുന്നത്. ഉത്തമന്റെ അച്ഛനായ കുഞ്ഞുണ്ണി എന്ന കഥാപാത്രത്തെ അമൽ രാജ്ദേവ് അവതരിപ്പിക്കുന്നു. മ്മ ലളിതയുടെ വേഷത്തിൽ എത്തുന്നത് സബീറ്റ ജോർജ് ആണ്. ഉത്തമന്റെ സഹോദരി പിങ്കി (പൈങ്കിളി), സഹോദരൻ സുമേഷ് (തുരുമ്പ് സുമേഷ്) എന്നിവരെ യഥാക്രമം ശ്രുതി രജനികാന്തും മുഹമ്മദ് റാഫിയും അവതരിപ്പിക്കുന്നു. രസകരമായ സംഭവ വികാസങ്ങളിലൂടെയാണ് ഒരോ ആഴ്ചയും ചക്കപ്പഴത്തിന്റെ കഥ വികസിക്കുന്നത്.