'ബ്രെയിൻ ട്യൂമർ ആണ്; മരിച്ച് പോകും എന്ന് കരുതി'; ക്രിക്കറ്റ് ഉപേക്ഷിച്ചതിനെ കുറിച്ച് അഖിൽ മാരാർ

സെലിബ്രിറ്റി ക്രിക്കറ്റ് ലീഗിൽ മുംബൈ ഹീറോസിനെ അഞ്ച് വിക്കറ്റിന് തോൽപ്പിച്ചാണ് കേരള സ്ട്രൈക്കേഴ്സ് കരുത്ത് കാണിച്ചത്. ഉണ്ണി മുകുന്ദന്റെ ക്യാപ്റ്റൻസിക്ക് കീഴിൽ ഇറങ്ങിയ കേരള സ്ട്രൈക്കേഴ്സിനെ മൂന്ന് പന്ത് ശേഷിക്കെ ജയത്തിലേക്ക് എത്തിച്ചത് 30 പന്തിൽ 74 റൺസ് അടിച്ചെടുത്ത മദൻ മോഹന്റെ ഇന്നിങ്സ് ആണ്. കേരള സ്ട്രൈക്കേഴ്സ് ജയത്തോടെ ടൂർണമെന്റിന് തുടക്കമിട്ടപ്പോൾ ടീമിൽ അംഗമായ സിനിമാ സംവിധായകനും ബിഗ് ബോസ് താരവുമായ അഖിൽ മാരാരുടെ ഫെയ്സ്ബുക്ക് പോസ്റ്റും ചർച്ചയായി. 

ക്രിക്കറ്റിൽ എന്തെങ്കിലുമൊക്കെ ആവണം എന്ന് ആഗ്രഹിച്ചിരുന്നു എങ്കിലും അതിനായി പരിശ്രമിക്കാനോ പരിശീലിക്കാനോ തയ്യാറായില്ല. പിന്നെ കളിക്കളത്തിൽ തുടർച്ചയായി കുഴഞ്ഞ് വീണ് ബോധം പോയി. എനിക്ക് ബ്രെയിൻ ടൂമർ ആണെന്നും ഞാൻ മരിച്ച് പോകും എന്നും ഞാൻ എന്നോട് പറഞ്ഞു, ഫെയ്സ്ബുക്ക് പോസ്റ്റിൽ അഖിൽ മാരാർ പറയുന്നു. 

അഖിൽ മാരാരുടെ ഫെയ്സ്ബുക്ക് പോസ്റ്റിന്റെ പൂർണരൂപം

സെലിബ്രിറ്റി ക്രിക്കറ്റ് ലീഗിൽ വർഷങ്ങൾക്ക് മുൻപ് ഗാലറിയിൽ ഇരുന്ന് കേരള സ്ട്രൈക്കേഴ്സിന് വേണ്ടി ആർപ്പ് വിളിച്ചവൻ നാളെ വിശാഖ പട്ടണതേക്ക് ടീമിനൊപ്പം യാത്ര ചെയ്യുവാണ്.

Also Read: കോഹ്‌ലി കുടിച്ച ആ കറുത്ത പാനീയം ഏതാണ്? പിക്കിൾ ജ്യൂസ് ഷോട്ടിന്റെ രഹസ്യം

നാല് വയസ് മുതൽ ഓല മടൽ ബാറ്റും ബാളുമായി ക്രിക്കറ്റിന്റെ പിന്നാലെ അലഞ്ഞ പയ്യൻ. ക്രിക്കറ്റ് കളിയുള്ള ദിവസം അമ്മ അറിയാതെ ക്ലാസ് കട്ട് ചെയ്തു ടീവി ഉള്ള ആരുടെയെങ്കിലും വീട്ടിൽ പോയി കളി കണ്ട് നടന്നവൻ. ഒളിച്ചും പാത്തും അമ്മ അറിയാതെ കളിക്കാൻ പോയതും പിടിക്കപ്പെട്ടപ്പോൾ  ഓല മടൽ ബാറ്റ് പിടിച്ചു പറിച്ചു അമ്മ അടിച്ചതും ഒക്കെ ഇന്നത്തെ രസമുള്ള ഓർമ്മകൾ...

കൊല്ലം ജില്ലയിലെ ഒട്ടുമിക്ക എല്ലാ ഗ്രൗണ്ടിലും പല ടീമുകൾക്ക് കളിച്ചു നടന്ന കാലം. അന്നത്തെ ബൗളിങ്ങിന്റെ വേഗതയും യോർക്കർ എറിയുന്ന കൃത്യതയും കണ്ട് കേരള ക്രിക്കറ്റ് അസോസിയേഷൻ സംസ്ഥാന ട്രഷറര്‍ ആയിരുന്ന സജീവ് അണ്ണൻ എന്നെ ശ്രദ്ധിക്കുകയും MRF പേസ് ഫൗണ്ടേഷനിൽ ട്രെയിനിങ്ങിന് വിടുന്ന കാര്യം ഒക്കെ സംസാരിച്ചു എന്ന് കേട്ടിരുന്നു.. പിന്നീട് അദ്ദേഹത്തിന്റെ ടീമിന്റെ ഓപ്പണിങ് ബൗളർ ആയി. 

Also Read: Saina Nehwal: ഗുഡ് ബൈ സൈന; ഇനി കോർട്ടിൽ ആ ചടുല നീക്കങ്ങൾ ഇല്ല; വിരമിക്കൽ സ്ഥിരീകരിച്ച് താരം

ക്രിക്കറ്റിൽ എന്തെങ്കിലും ആവണം എന്നൊക്കെ ചിന്തിച്ചെങ്കിലും അതിനായി പരിശ്രമിക്കാനോ പരിശീലിക്കാനോ ശ്രമിച്ചില്ല.. പിന്നീട് ഒരിക്കൽ കളിക്കളത്തിൽ കുഴഞ്ഞു വീണ് അതിന് ശേഷം തുടർച്ചയായി കുഴഞ്ഞു വീണ് ബോധം പോയി. എനിക്ക് ബ്രയിൻ ടൂമർ ആണെന്നും ഞാൻ മരിച്ചു പോകും എന്ന് ഞാൻ എന്നോട് പറഞ്ഞു. കാശില്ലാത്തത് കൊണ്ട് ആശുപത്രിയിൽ പോയില്ല. പകരം ക്രിക്കറ്റ് ഉപേക്ഷിച്ചു. 

Also Read: Sadio Mane: ഒരു ജനതയെ ഒരൊറ്റ ചരടിൽ കോർക്കാൻ പ്രാപ്തൻ; സെനഗൽ എന്ന രാജ്യത്തിന്റെ സ്പന്ദനം ഈ മനുഷ്യനാണ്!

പിന്നീട് തൈറോയ്ഡ് പ്രശ്നം ആയിരുന്നു കാരണം എന്നൊക്കെ കണ്ടെത്തിയെങ്കിലും രാഷ്ട്രീയവും സിനിമയ്ക്ക് പിന്നാലെ ഉള്ള ഓട്ടവും ക്രിക്കറ്റ് ഉപേക്ഷിക്കാൻ കാരണമായി. സച്ചിൻ വിരമിച്ചത് മറ്റൊരു തരത്തിൽ ക്രിക്കറ്റിൽ നിന്നും അകലാൻ ഒരു കാരണമായി.

പക്ഷെ ഒരിക്കൽ സ്വപ്നം കണ്ടത് മറ്റൊരു രീതിയിൽ വന്ന് ചേർന്നിരിക്കുന്നു. അന്താരാഷ്ട്ര സ്റ്റേഡിയത്തിൽ കളിക്കാനും അത് ലോകം മുഴുവൻ ഹോട്ട് സ്റ്റാർ വഴി കാണാനും ഉള്ള ഭാഗ്യം. അപൂർവമായി ഒരാൾക്ക് ലഭിക്കുന്ന ഭാഗങ്ങളിൽ ഒന്നാണ് ഒരേ സമയം സിനിമയിലും, സ്പോർട്സിലും, രാഷ്ട്രീയത്തിലും ഭാഗമായി നിൽക്കാൻ കഴിയുക എന്നത്. ആരും കൊണ്ട് തന്നതല്ല നേടി എടുത്തതാണ്.

Read More: ആ ചിരി മായിച്ച ചോദ്യം ഓർമയില്ലേ? ലോകം കണ്ട ആ വലിയ പരിഹാസത്തിന് റൊണാൾഡിഞ്ഞോ നൽകിയ മറുപടി