എലീന പടിക്കൽ വിവാഹിതയാവുന്നു- Bigg Boss Malayalam fame Alina Padikkal getting married

എലീന പടിക്കൽ വിവാഹിതയാവുന്നു

വീട്ടുകാരുടെ സമ്മതത്തോടെ തന്റെ പ്രണയം സാഫല്യമാവുന്ന സന്തോഷത്തിലാണ് എലീന

മിനിസ്ക്രീൻ പ്രേക്ഷകർക്ക് ഏറെ സുപരിചിതയാണ് എലീന പടിയ്ക്കൽ. നടിയും അവതാരകയുമായ എലീന ബിഗ് ബോസ് മലയാളം സീസൺ രണ്ടിലെ മത്സരാർത്ഥി എന്ന നിലയിലും ശ്രദ്ധ നേടിയിരുന്നു. ബിഗ് ബോസിനിടെ തന്റെ പ്രണയത്തെ കുറിച്ചും വീട്ടുകാർ ആ ബന്ധത്തിന് എതിരാണെന്നൊക്കെയുള്ള കാര്യങ്ങൾ എലീന തുറന്നു സംസാരിച്ചിരുന്നു.

ഇപ്പോഴിതാ, വീട്ടുകാരുടെ സമ്മതത്തോടെ തന്റെ പ്രണയം സാഫല്യമാവുന്ന സന്തോഷത്തിലാണ് എലീന. ആറു വർഷത്തെ പ്രണയം വിവാഹത്തിലേക്ക് എത്തുകയാണ്. ജനുവരിയിലാണ് വിവാഹമെന്ന് താരം തന്നെ വെളിപ്പെടുത്തിയിരിക്കുകയാണ്. ചാനല്‍ പരിപാടിയില്‍ അതിഥിയായെത്തിയപ്പോഴായിരുന്നു എലീന വിവാഹ വിശേഷങ്ങള്‍ പങ്കുവെച്ചത്. കോഴിക്കോട് സ്വദേശിയും എഞ്ചിനീയറുമായ രോഹിത് പി നായരാണ് വരൻ. ജനുവരി 20നാണ് വിവാഹനിശ്ചയം.