ഗിസേലെ ഹോട്ടാണ് ബോൾഡും; ബിഗ് ബോസിലെ ഗ്ലാമറസ് താരം

ഹിന്ദി ബിഗ് ബോസിൽ നിന്നും ഒരു ഗ്ലാമറസ് ക്യൂൻ മലയാളം ബിഗ് ബോസിലേക്ക് എത്തിയിരിക്കുകയാണ്. മറ്റാരുമല്ല, ഗിസേലെ തക്രാൽ ആണ് ആ താരം.

ഇന്ത്യൻ മോഡലും, നടിയും, സംരംഭകയുമാണ് ഗിസേലെ തക്രാൽ. സൽമാൻ ഖാൻ അവതാരകനായി എത്തുന്ന ഹിന്ദി ബിഗ് ബോസിന്റെ ഒമ്പതാം സീസണിൽ ഗിസേലെ മത്സരാർത്ഥിയായിരുന്നു.

ഏതാനും ബോളിവുഡ് സിനിമകളിലും ഗിസേലെ അഭിനയിച്ചിട്ടുണ്ട്. ക്യാ കൂൾ ഹെയ്ൻ ഹം 3 (2016) എന്ന ഹാസ്യ ചിത്രത്തിൽ മേരി ലീ എന്ന കഥാപാത്രത്തെ അവതരിപ്പിച്ചുകൊണ്ടായിരുന്നു ഗിസേലെയുടെ അരങ്ങേറ്റം.

മസ്തിസാദെ (2016) , ദി ഗ്രേറ്റ് ഇന്ത്യൻ കാസിനോ (2019) എന്നീ ചിത്രങ്ങിളും ഗിസേലെ അഭിനയിച്ചു.

രാജസ്ഥാനിലെ ശ്രീ ഗംഗാനഗറിൽ ആണ് ഗിസേല ജനിച്ചത്. പഞ്ചാബിലാണ് വളർന്നത്. കുറേവർഷങ്ങൾ ദുബായിലും ചെലവഴിച്ചു. കൗമാരപ്രായത്തിൽ തന്നെ മിസ് രാജസ്ഥാൻപട്ടവും നേടിയിരുന്നു.

പാരീസ് ഫാഷൻ വീക്ക് , ലണ്ടൻ ഫാഷൻ വീക്ക് , മിലാൻ ഫാഷൻ വീക്ക് എന്നിവയുൾപ്പെടെ നിരവധി ഫാഷൻ വീക്കുകളിൽ ഗിസേലെ പങ്കെടുത്തിട്ടുണ്ട്.

2023-ൽ, റിച്ചാർഡ് സ്റ്റാൻ സംവിധാനം ചെയ്ത അമേരിക്കൻ റാപ്പർ റിക്ക് റോസിന്റെ "ബാൻഡ്സ്" എന്ന ഗാനത്തിന്റെ മ്യൂസിക് വീഡിയോയിൽ ഗിസേലെ പ്രത്യക്ഷപ്പെട്ടു

2022-ൽ, ഫാഷൻ മേഖലയ്ക്ക് പ്രത്യേക ഊന്നൽ നൽകി, ഫാഷൻ, സാങ്കേതികവിദ്യ, നിക്ഷേപം, വെയർഹൗസിംഗ് എന്നിവയിൽ ശ്രദ്ധ കേന്ദ്രീകരിച്ച് ഗിസേലെ ദുബായിൽ ഒരു കമ്പനി ആരംഭിച്ചു.