Bigg Boss Malayalam Season 5: എങ്ങനെ വന്ന മനുഷ്യരാ, 90 ദിവസം കൊണ്ട് വന്ന മാറ്റം കണ്ടോ?

Bigg Boss Malayalam Season 5: ബിഗ് ബോസ് മലയാളം അഞ്ചാം സീസണിന് തിരശ്ശീല വീഴാൻ ഇനി കഷ്ടിച്ച് 8 ദിനങ്ങൾ കൂടി ബാക്കി. ബിഗ് ബോസ് എന്ന ഈ സോഷ്യൽ എക്സ്പെരിമെന്റ് ഷോ മാനസികമായും വൈകാരികമായുമൊക്കെ മത്സരാർത്ഥികളെ മാറ്റിയിട്ടുണ്ട്. പ്രേക്ഷകരുടെ മനസ്സിലും വലിയ മാറ്റങ്ങൾ സൃഷ്ടിക്കാൻ മത്സരാർത്ഥികൾക്ക് ആയിട്ടുണ്ട്. തുടക്കത്തിൽ ഒട്ടും താൽപ്പര്യം തോന്നാത്ത മത്സരാർത്ഥികൾ പലരുടെയും പ്രിയ കണ്ടസ്റ്റന്റുകളായി മാറി. ചിലരുടെ കാര്യത്തിൽ തിരിച്ചാണ് സംഭവിച്ചത്, തുടക്കത്തിൽ ഇഷ്ടമായിരുന്ന മത്സരാർത്ഥികളോട് കൂടുതൽ അറിഞ്ഞപ്പോൾ അനിഷ്ടം തോന്നിയ കഥകളും പ്രേക്ഷകർക്ക് പറയാനുണ്ടാവും.

ഈ മാറ്റങ്ങൾക്കെല്ലാം അപ്പുറം, ലുക്കിലും മാറ്റങ്ങൾ വന്നിട്ടുണ്ട് മത്സരാർത്ഥികൾ. വീടിനകത്തേക്ക് വന്ന ലുക്കിലല്ല പലരും ഇപ്പോൾ ഇരിക്കുന്നത്. ശരീരഭാരമൊക്കെ കുറഞ്ഞ് കൂടുതൽ സ്ലിമ്മായി മാറിയിട്ടുണ്ട് പലരും. ജുനൈസ്, ശോഭ, മാരാർ, റെനീഷ, മിഥുൻ, റിനോഷ് എന്നീ മത്സരാർത്ഥികളിലെല്ലാം പ്രകടമായ മാറ്റങ്ങൾ കാണാം.

90 ദിവസം കൊണ്ട് മത്സരാർത്ഥികളുടെ ലുക്കിൽ വന്ന മാറ്റങ്ങളെ കുറിച്ചുള്ള ചർച്ചകളും സോഷ്യൽ മീഡിയയിൽ സജീവമാകുകയാണ്. ഫാമിലി വീക്കിന്റെ ഭാഗമായി ബിഗ് ബോസ് വീട്ടിലെത്തിയ അഖിൽ മാരാറിന്റെ ഭാര്യ രാജലക്ഷ്മിയും ഇക്കാര്യം ചൂണ്ടികാണിച്ചു. "ബിഗ് ബോസ്സേ... ഞാനെങ്ങനെ വിട്ട മനുഷ്യനാ, ഇപ്പോ കണ്ടോ രൂപം?" എന്നായിരുന്നു ക്യാമറയ്ക്കു മുന്നിലേക്ക് അഖിലിനെ മാറ്റി നിർത്തി ലക്ഷ്മി പരാതി പറഞ്ഞത്.

അഖിൽ മാരാർ, ശോഭ, ജുനൈസ്, സെറീന, റെനീഷ, ഷിജു, നാദിറ, മിഥുൻ എന്നിവരാണ് ഇപ്പോൾ ബിഗ് ബോസ് ഹൗസിൽ ശേഷിക്കുന്ന മത്സരാർത്ഥികൾ. ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച റിനോഷ് ഇതുവരെ തിരിച്ചെത്തിയിട്ടില്ല. അതേസമയം, നാദിറ മെഹ്റിൻ ടിക്കറ്റ് ടു ഫിനാലെ ടാസ്‍കിൽ ജയിച്ച് ​ഗ്രാന്റ്ഫിനാലയിൽ എത്തിയിട്ടുണ്ട്, ആരാവും ഫൈനൽ ഫൈവിലെത്തുന്ന മറ്റു മത്സരാർത്ഥികൾ എന്നറിയാനാണ് പ്രേക്ഷകർ ആകാംക്ഷയോടെ കാത്തിരിക്കുന്നത്. ജൂലൈ രണ്ടിനാണ് ബിഗ് ബോസ് മലയാളം സീസൺ 5ന്റെ ഗ്രാൻഡ് ഫിനാലെ.