ഈ സൗന്ദര്യത്തിനൊപ്പമുള്ള രണ്ടാം വർഷം; ലെച്ചുവിന് ആശംസകളുമായി പ്രിയതമൻ

ബിഗ് ബോസ് മലയാളത്തിന്റെ അഞ്ചാം സീസണിൽ മത്സരാർത്ഥിയായി എത്തി ആരോഗ്യപ്രശ്നങ്ങൾ കാരണം ഷോ ക്വിറ്റ് ചെയ്ത മത്സരാർത്ഥിയാണ് നടിയും മോഡലുമായ ഐശ്വര്യ സുരേഷ് എന്ന ലെച്ചു. ചുരുങ്ങിയ നാളുകൾ കൊണ്ടു തന്നെ പ്രേക്ഷകരുടെ ഇഷ്ടം കവരാൻ ലെച്ചുവിന് സാധിച്ചിരുന്നു.

സോഷ്യൽ മീഡിയയിൽ വളരെയധികം സജീവമായ ലെച്ചുവിന്റെ പുതിയ ഫൊട്ടൊഷൂട്ട് ചിത്രങ്ങൾ ശ്രദ്ധ നേടുകയാണ്. ലെച്ചുവിന്റെ ബോയ്ഫ്രണ്ട് ശിവാജി ആണ് ചിത്രങ്ങൾ പങ്കുവച്ചത്. പ്രണയത്തിന്റെ രണ്ടാം വാർഷികം ആഘോഷിക്കുന്നു എന്ന രീതിയിലാണ് ചിത്രം ഷെയർ ചെയ്തിരിക്കുന്നത്.

"നമ്മുടെ രണ്ടാം വാർഷികത്തോട് അനുബന്ധിച്ചുള്ള ഷൂട്ടാണിത്. സൗന്ദര്യവും കഴിവും സന്തോഷവും നിറഞ്ഞ ഇവൾക്കൊപ്പമുള്ള രണ്ടു വർഷങ്ങൾ," എന്നാണ് ചിത്രങ്ങൾക്കൊപ്പം ശിവാജി കുറിച്ചത്. ഹോട്ട് ലുക്കിലുള്ള ചിത്രങ്ങളാണ് ഷെയർ ചെയ്തത്. ശിവജി തന്നെ പകർത്തിയ ചിത്രങ്ങളാണിവ. തന്റെ ബോയ്ഫ്രണ്ടിനെ കുറിച്ച് ലെച്ചു ബിഗ് ബോസിൽ പറഞ്ഞിരുന്നു. ജീവിതത്തിലെ പ്രതിസന്ധികളെ തരണം ചെയ്യാനൊപ്പം നിന്ന പ്രിയപ്പെട്ട വ്യക്തിയെന്നാണ് ശിവാജിയെ കുറിച്ച് ലെച്ചു പറഞ്ഞത്.

ബോൾഡായ ഫോട്ടോഷൂട്ടുകളിലൂടെ ബിഗ് ബോസിലെത്തും മുൻപു തന്നെ സോഷ്യൽ മീഡിയയിലെ താരമായ പെൺകുട്ടിയാണ് ലെച്ചു. തന്റെ ആദ്യ ഫോട്ടോ ഷൂട്ടിൽ നിന്നുള്ള ചിത്രങ്ങളും ലെച്ചു പങ്കുവച്ചിരുന്നു.

‘തിങ്കളാഴ്ച നിശ്ചയം’ എന്ന ചിത്രത്തിലെ ഒരൊറ്റ രംഗം മതി ഐശ്വര്യയെ അറിയാൻ. ക്ലൈമാക്സ് സീനിൽ വന്ന് പൊളിച്ചടുക്കുന്നത് ഈ പെൺകുട്ടിയാണ്. ജയം രവിയ്ക്ക് ഒപ്പമുള്ള തമിഴ് ചിത്രവും ഐശ്വര്യയുടേതായി ഒരുങ്ങുന്നുണ്ട്. സൗത്ത് ആഫ്രിക്കയിൽ വളർന്ന ലെച്ചു മുംബൈയിലാണ് താമസം.