scorecardresearch
Latest News

ഇതാണ് ബിഗ് ബോസിന്റെ ശബ്ദത്തിനു പിന്നിലെ ഉടമ; പരിചയപ്പെടുത്തി നിമിഷ

ഇടിമുഴക്കം ശബ്ദമുള്ളവനെന്ന് ജാസ്മിനും വല്യണ്ണൻ എന്ന് ലക്ഷ്മിപ്രിയയും വിശേഷിപ്പിച്ച ആ ശബ്ദത്തിനുടമ ഇതാണ്

Bigg Boss Malayalam Season 4, Who is bigg boss, Bigg boss voice, Raghuraj, Raghuraj bigg boss voice, the Man behind Bigg Boss voice, Bigg boss 4, Nimisha and bigg boss

രൂപമില്ലാതെ മലയാളികളുടെ മനസ്സിൽ ശബ്ദം കൊണ്ട് കയറികൂടിയ ആളാണ് ബിഗ് ബോസ്. ഘനഗംഭീരമായ, ബിഗ് ബോസ് മത്സരാർത്ഥി ജാസ്മിൻ മൂസയുടെ ഭാഷയിൽ പറഞ്ഞാൽ ഇടിമുഴക്കം പോലുള്ള ആ ശബ്ദമാണ് മത്സരാർത്ഥികളോടും മോഹൻലാലിനോടും പ്രേക്ഷകരോടുമെല്ലാം സംവദിച്ചുകൊണ്ടിരിക്കുന്നത്. ആരാണ് ബിഗ് ബോസിനു ശബ്ദം നൽകുന്ന ആ വ്യക്തിയെന്ന് പലപ്പോഴും ബിഗ് ബോസ് ആരാധകർ അന്വേഷിച്ചുകൊണ്ടിരുന്ന കാര്യമാണ്.

ഇപ്പോഴിതാ, ആ ശബ്ദത്തിന്റെ ഉടമയെ പ്രേക്ഷകർക്ക് പരിചയപ്പെടുത്തുകയാണ് നിമിഷ. ദ വോയിസ്, ‘സോറി ബി​ഗ് ബോസ് നിങ്ങളെ കുറെ തെറിവിളിച്ചിട്ടുണ്ട്’ എന്നിങ്ങനെയുള്ള കുറിപ്പുകളോടെയാണ് ബിഗ് ബോസിന് ശബ്ദം നൽകുന്ന കലാകാരനെ നിമിഷ പരിചയപ്പെടുത്തിയത്. രഘുരാജ് എന്നാണ് ഈ കലാകാരന്റെ പേര്.

നൂറുദിവസം പുറം ലോകവുമായി ഒരു ബന്ധവുമില്ലാതെ വീടിനകത്ത് താമസിക്കുമ്പോൾ പലതരം മാനസികാവസ്ഥകളിലൂടെയാണ് ഓരോ മത്സരാർത്ഥിയും കടന്നുപോവുന്നത്. ആ സമയമെല്ലാം ഒരു സഹോദരനായും വഴികാട്ടിയായും ശകാരിക്കുകയും ശിക്ഷിക്കുകയും ചെയ്യുന്ന അധികാരസ്വരമായുമൊക്കെ മത്സരാർത്ഥികളോട് സംസാരിക്കുന്നത് ബിഗ് ബോസാണ്. അതിനാൽ തന്നെ നൂറ് ദിവസം കഴിയുമ്പോഴേക്കും ബി​ഗ് ബോസുമായി മത്സരാർഥികൾക്കും മാനസികമായ അടുപ്പം വരുന്നത് സ്വാഭാവികമാണ്. ഈ സീസണിൽ ലക്ഷ്മിപ്രിയ ബിഗ് ബോസിനു നൽകിയ വല്യണ്ണൻ എന്ന ആ പേരു പോലും ബിഗ് ബോസുമായി മത്സരാർത്ഥികൾക്കുണ്ടാവുന്ന മാനസിക അടുപ്പത്തിന്റെ ഉദാഹരണമാണ്.

Stay updated with the latest news headlines and all the latest Television news download Indian Express Malayalam App.

Web Title: Bigg boss malayalam season 4 nimisha shares pics man behind bigg boss voice