Bigg Boss Malayalam Season 3 Latest Episode 05 April Highlights: പൊളി ഫിറോസിനെ വെല്ലുവിളിച്ചു രമ്യ പണിക്കർ

ഫിറോസ് സജ്ന, സായി വിഷ്ണു, അഡോണി ജോൺ, സന്ധ്യ മനോജ്, ഋതു മന്ത്ര  എന്നിവരാണ് ഈ ആഴ്ച നോമിനേഷനിൽ എത്തിയ മത്സരാർത്ഥികൾ. 

ഇതു വരെയുള്ള പല ഇന്നർ സർക്കിൾ കൂട്ടുകെട്ടിനേയും പൊളിച്ച നോമിനേഷൻ പ്രക്രിയയാണ് ഈ പ്രാവശ്യം നടന്നത്. അഡോണിയ്ക്കും, സായിക്കും ലഭിച്ച വോട്ടുകൾ പലതും അത്രനാളും അയാളുടെ സുഹൃത്തുകൾ ആയിരുന്നവർ ആണെന്നുള്ളത് ഹൗസിലെ മാറുന്ന സമവാക്യങ്ങളെ കുറിക്കുന്നു. സജ്നയ്ക്കും ഫിറോസിനും ഏറ്റവും കൂടുതൽ വോട്ട് ലഭിച്ചപ്പോൾ തൊട്ട് പുറകിലായി സായിയും വോട്ട് നിലയിൽ രണ്ടാം സ്ഥാനം പിടിച്ചു. എന്നാൽ മത്സരാർത്ഥികളെ ഞെട്ടിച്ചു കൊണ്ടു ഈ പ്രാവശ്യം ആരൊക്കെ പ്രേക്ഷക വിധി നേരിടാൻ പോകുന്നുവെന്ന് ബിഗ്ഗ് ബോസ്സ് വെളിപ്പെടുത്തിയില്ല. 

രാത്രിയിൽ മാറിയിരുന്നു രമ്യയുടെ മടങ്ങി വരവിനെ കുറിച്ചു സംസാരിക്കുന്നതിന് ഇടയിലാണ് കിടിലത്തിന്റെ പുതിയ പ്രവചനം. രമ്യയുടെ വരവ് ഒരു ചെറിയ വരവല്ല. പൊളി ഫിറോസ് ഇടും ഇടും എന്ന് പറയുന്ന ബോംബ് രമ്യയാകും ഇവിടെ പോകാൻ പോവുന്നത്. ഒരു പെണ്ണിനു മുന്നിൽ ഫിറോസ് തോറ്റതു കണ്ടില്ലേ എന്നും നോബിയോട് കിടിലം പറയുന്നു. 

താൻ മുൻപ് ഉപയോഗിച്ചിരുന്ന കട്ടിൽ വീണ്ടും വേണമെന്ന സജ്നയോടുള്ള  രമ്യയുടെ ആവശ്യമാണ് പുതിയ വഴക്കിനു തിരികൊളുത്തിയത്. ഈ വഴക്കിലേയ്ക്ക് പൊളി ഫിറോസ് എത്തിയതോടെ അതു ഫിറോസും രമ്യയുമായുള്ള വാശിയേറിയ വഴക്കായി മാറുകയായിരുന്നു 

‘പെണ്ണായി പോയി ഒരാണായിരുന്നെങ്കിൽ കാണിച്ചു തരാമായിരുന്നുവെന്ന് ‘പൊളി ഫിറോസ് രമ്യയുടെ നേരെ വെല്ലുവിളി മുഴക്കി. എന്നാൽ ഫിറോസിനൊപ്പം തന്നെ രമ്യ പിടിച്ചു നിന്നു. ഞാൻ തിരിച്ചു വന്നത് പ്രേക്ഷകരുടെ പിന്തുണ കൊണ്ടാണെന്ന് ഉറപ്പിച്ചു പറഞ്ഞു. 

അപ്പോൾ പൊളി ഫിറോസ് അടുത്ത ആയുധമെടുത്തു. രമ്യ സ്റ്റേജിൽ നിന്നു അനൂപിനെ വിമർശിച്ചത് ചീപ്പ് ഗെയിം പ്ലേ ആണെന്നുള്ള രീതിയിൽ സംസാരിച്ച ഫിറോസിനോട് അതു തന്റെ ധൈര്യമാണെന്ന് രമ്യയും  തിരിച്ചടിച്ചു.

അസുഖമുള്ളയാളെ പരിഗണിക്കുന്നില്ലല്ലോ എന്ന പൊളിഫിറോസിന്റെ ന്യായത്തിനു മുന്നിലും ഇതിനു മുന്നും ഭാഗ്യലക്ഷ്മിയ്ക്കടക്കം അസുഖങ്ങൾ വന്ന് കിടന്നപ്പോൾ ആരും ആ ഔദാര്യം കാട്ടിയില്ലെന്ന് രമ്യ പറഞ്ഞു.