Bigg Boss Malayalam 3: ‘ബിഗ് ബോസ്’ മലയാളത്തിന്റെ മൂന്നാമത്തെ സീസൺ 16 ദിവസങ്ങൾ പിന്നിട്ടു കഴിഞ്ഞു. മത്സരാർത്ഥികൾ ബിഗ് ബോസ് വീടിനകത്ത് രണ്ടാഴ്ച പിന്നിടുമ്പോൾ തന്നെ സോഷ്യൽ മീഡിയയിൽ ആരാവും ഫൈനലിലെത്തുക എന്ന രീതിയിലുള്ള ചർച്ചകളും പുരോഗമിക്കുകയാണ്. കഴിഞ്ഞ ആഴ്ച ബിഗ് ബോസ് ഹൗസിൽ നിന്നും പുറത്തു പോയത് ലക്ഷ്മി ജയനാണ്. ആരാവും ഫൈനലിൽ എത്തുക? എന്ന ചോദ്യത്തിന് ലക്ഷ്മി ജയൻ നൽകിയ മറുപടിയാണ് ഇപ്പോൾ ശ്രദ്ധ നേടുന്നത്.

Read more: Bigg Boss Malayalam 3: ഫിറോസ് ഖാൻ ഉണ്ടാക്കുന്ന പ്രശ്നങ്ങൾ തുടരുന്നു; താക്കീത് നൽകി ബിഗ് ബോസ്

മണിക്കുട്ടൻ, ഡിംപൽ, ഫിറോസ്, നോബി എന്നിവരുടെ പേരുകളാണ് ലക്ഷ്മി പ്രധാനമായും പറഞ്ഞത്. “എന്റെ കണക്കുക്കൂട്ടലുകൾ വെച്ചിട്ട് ആദ്യം എന്റെ മനസ്സിൽ തോന്നുന്നത് മണിക്കുട്ടൻ വരും എന്നാണ്. നിരവധി തവണ ഞാനത് പറഞ്ഞിട്ടുണ്ട്. മറ്റൊരാൾ ഡിംപലാണ്. ഡിംപൽ വളരെ സ്മാർട്ടായിട്ടാണ് കാര്യങ്ങൾ കൈകാര്യം ചെയ്യുന്നത്. സൈക്കോളജിസ്റ്റ് ആയതോണ്ട് നൂറു കണ്ണുകളും നൂറു ചെവിയുമാണ് ഡിംപൽ അവിടെ നിൽക്കുന്നത്.”

“മര്യാദയ്ക്ക് കളിയ്ക്കുകയാണെങ്കിൽ ഫിറോസ് ഇക്കയും വരാൻ സാധ്യതയുണ്ട്. എന്നാൽ അദ്ദേഹത്തിന് ഇടയ്ക്ക് ഒരു ചാഞ്ചാട്ടമുണ്ട്. എവിടെ എന്തൊക്കെ പറയണം, എവിടെ കൈവിട്ടുപോവുന്നു എന്നതിൽ പുള്ളിക്കൊരു പിടിയും കിട്ടുന്നില്ല. പിന്നെയുള്ളത് നോബി ചേട്ടനാണ്. വണ്ടർഫുൾ പ്ലെയർ ആണ്, നല്ല എന്റർടെയിനറാണ്. ഇനി ഒരാളുടെ നെഗറ്റീവ് പറയേണ്ട ഒരു ഘട്ടത്തിൽ നോബിച്ചേട്ടൻ എങ്ങനെയാണ് അത് ഹാൻഡിൽ ചെയ്യുക എന്നെനിക്കറിയില്ല. അനൂപും റംസാനുമാണ് നന്നായി കളിക്കുന്ന രണ്ടുപേർ. ഞാനീ പറഞ്ഞ ആളുകൾക്കെല്ലാം ഫൈനലിലേക്ക് വരാനുള്ള കഴിവുള്ളവരാണ്,” ലക്ഷ്മി പറയുന്നു.

Read more: Bigg Boss Malayalam 3: ആദ്യ 15 ദിവസങ്ങൾ പൂർത്തിയാക്കുമ്പോൾ

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook