അനുമോളേ, ആ കപ്പ് വാങ്ങി പിആറിനു കൊടൂക്കൂ; സർകാസം പോസ്റ്റുമായി ദിയ സന; Bigg Boss Malayalam 7

Bigg Boss malayalam 7 Grand Finale: ബിഗ് ബോസ് മലയാളം ഏഴാം സീസണിന്റെ ഗ്രാൻഡ് ഫിനാലെക്ക് വേണ്ടിയുള്ള ആവേശപൂർവ്വമായ കാത്തിരിപ്പ് നാളെ അവസാനിക്കുകയാണ്. 100 ദിവസം നീണ്ട ഈ യാത്രയിൽ ആരു നേടും? ആരു വീഴും? ആര്  വിജയ കിരീടം ചൂടും? അതറിയാനാണ് ഇനി കാത്തിരിപ്പ്.  അപ്രതീക്ഷിതമായ എവിക്ഷനുകളും നാടകീയതയും വികാരവിക്ഷോഭങ്ങളും നിറഞ്ഞ ഗ്രാൻഡ് ഫിനാലെ എന്ന അന്തിമപോരാട്ടം ലൈവായി കാണാനാണ് ബിഗ് ബോസ് പ്രേക്ഷകർ ഒന്നടക്കം കാത്തിരിക്കുന്നത്. അനീഷ്, അക്ബർ,   അനുമോൾ, ഷാനവാസ്, നെവിൻ എന്നിവരാണ് ഫൈനൽ ഫൈവിലെത്തിയ മത്സരാർത്ഥികൾ.

Also Read: ശിവാംഗിയേയും ഞെട്ടിച്ച് രേണു സുധിയുടെ 'വസീഗര'; അവിടേം തൂക്കി! Bigg Boss Malayalam 7 Grand Finale

ബിഗ് ബോസ് മലയാളം സീസൺ 7 അതിന്റെ അന്ത്യത്തിലേക്ക് അടുക്കുമ്പോൾ, മത്സരാർത്ഥിയായ അനുമോൾ കപ്പ് നേടുമെന്ന തരത്തിലുള്ള റിപ്പോർട്ടുകൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.  ശക്തമായ പി.ആർ. വർക്ക് അനുമോൾക്ക് വേണ്ടി നടക്കുന്നുണ്ട് എന്നത് പരസ്യമായ രഹസ്യമാണ്.  പി ആറിനു വേണ്ടി അനുമോൾ 16 ലക്ഷം രൂപയോളം ചെലവഴിച്ചിട്ടുണ്ട് എന്ന റിപ്പോർട്ടുകൾ പുറത്തുവന്നിരുന്നു. ഈ സീസണിലെ മത്സരാർത്ഥിയായ ബിന്നിയും ഈ ആരോപണം ഹൗസിനുള്ളിൽ ഉന്നയിച്ചിരുന്നു.

കഴിഞ്ഞ സീസണിൽ ജിന്റോയ്ക്ക് വേണ്ടി പി.ആർ. ചെയ്ത വിനു വിജയ് തന്നെയാണ് ഇത്തവണ അനുമോൾക്ക് വേണ്ടിയും രംഗത്തുള്ളത് എന്നതും വലിയ ചർച്ചാവിഷയമായി. അനാരോഗ്യകരമായൊരു മത്സരത്തിനൊടുവിൽ, മികച്ച പ്രകടനത്തിന്റെ ബലത്തിലല്ല, മറിച്ച് പി.ആർ. ബലത്തിൽ അനുമോൾ കപ്പുയർത്തും എന്നാണ് ഭൂരിപക്ഷം സോഷ്യൽ മീഡിയ ഉപയോക്താക്കളുടെയും വിമർശനം.

അനുമോളിന്റെ പി.ആർ. വിഷയങ്ങൾ ബിഗ് ബോസ് വീടിനുള്ളിലും വലിയ കൊടുങ്കാറ്റുയർത്തിയിരുന്നു. പുറത്തായ മത്സരാർത്ഥിയായ ശൈത്യ സന്തോഷ് ഉന്നയിച്ച ആരോപണങ്ങളാണ് ഇതിൽ പ്രധാനം. ശൈത്യയുടെ വാക്കുകൾ പ്രകാരം, അനുമോളിന് വേണ്ടി പി.ആർ. ചെയ്യുന്ന വ്യക്തിയെ തന്നെയാണ് തന്റെ മാതാപിതാക്കളും പി.ആർ. വർക്കിനായി സമീപിച്ചിരുന്നത്. എന്നാൽ, പണം കൈപ്പറ്റിയ ശേഷം, തനിക്കെതിരെ മോശമായ പ്രതിച്ഛായ സൃഷ്ടിക്കാൻ ഈ പി.ആർ. ടീം ശ്രമിച്ചു എന്നും, 'കട്ടപ്പ' എന്ന നെഗറ്റീവ് ഇമേജ് തനിക്ക് ചാർത്തിക്കൊടുക്കുന്നതിൽ അനുമോളിന്റെ പി.ആറിന് പങ്കുണ്ടെന്നും ശൈത്യ ആരോപിച്ചിരുന്നു. ഈ ആരോപണങ്ങളെ തുടർന്ന് അനുമോൾ ഹൗസിനുള്ളിൽ വിശദീകരണം നൽകാൻ തയ്യാറാകാതിരുന്നത് വിമർശനങ്ങൾ വർദ്ധിക്കാൻ കാരണമായി.

Also Read: "ഷാനവാസ് മലപ്പുറത്ത് നിന്ന് ബിഗ് ബോസിൽ പോയി വാഴയായി; ഇനി വേറെ വല്ല പേരും കിട്ടും" ; Bigg Boss Malayalam 7 Grand Finale

വോട്ടിംഗിലെ പി.ആറിന്റെ സ്വാധീനത്തെയും, വിജയിയെ മുൻകൂട്ടി തീരുമാനിക്കുന്നതിനെയും പരിഹസിച്ചുകൊണ്ട്, മുൻ ബിഗ് ബോസ് മത്സരാർത്ഥിയും സാമൂഹ്യ പ്രവർത്തകയുമായ ദിയ സന രംഗത്തെത്തി. ദിയ സന തന്റെ സോഷ്യൽ മീഡിയ പേജിൽ പങ്കുവെച്ചത് ആർട്ടിഫിഷ്യൽ ഇന്റലിജൻസ് നിർമ്മിച്ച ഒരു ചിത്രമാണ്. ഈ ചിത്രത്തിൽ, ബിഗ് ബോസ് കപ്പ് ഉയർത്തുന്ന അനുമോൾ, അത് തന്റെ പി.ആർ. ഏജന്റായ വിനു വിജയിന് കൈമാറുന്ന രൂപത്തിലാണ് ചിത്രീകരിച്ചിരിക്കുന്നത്. കപ്പ് നേടുന്നതിന് പിന്നിലെ യഥാർത്ഥ 'നായകൻ' ആരാണെന്ന് വ്യക്തമാക്കുന്ന ഒരു സർക്കാസ രൂപേണയുള്ള പരിഹാസമാണ് ദിയ ഈ ചിത്രത്തിലൂടെ നൽകിയത്.

View this post on Instagram

A post shared by Diya Sana (Shajna NS) (@diyasana_official)

Also Read: ഞങ്ങൾ പട്ടായ പോകും; അനുമോളും ഒപ്പമുണ്ടാവും; സംഭവിച്ചതെല്ലാം വെളിപ്പെടുത്തി ആദില; Bigg Boss Malayalam 7 Grand Finale

ചിത്രത്തിനൊപ്പം അനുമോളിനെയും വിനു വിജയിനെയും ടാഗ് ചെയ്തുകൊണ്ട്, "അനുമോൾക്ക് അഭിനന്ദനങ്ങൾ, വിനു വിജയിന് നന്ദി" എന്നും ദിയ കുറിച്ചു.  ഇത് വോട്ടിംഗ് അട്ടിമറിയെക്കുറിച്ചുള്ള ചർച്ചകൾക്ക് കൂടുതൽ ചൂടുപകർന്നിരിക്കുകയാണ്.  വിനോദ പരിപാടി എന്നതിലുപരി, മത്സരം അനാരോഗ്യകരമായ വഴികളിലേക്ക് തിരിയുന്നു എന്ന പൊതുബോധമാണ് ദിയ സനയുടെ ഈ പ്രതികരണത്തിലൂടെ പ്രതിഫലിക്കുന്നത്.

മലയാളത്തിന്റെ പ്രിയതാരം മോഹൻലാൽ അവതാരകനായ ബിഗ് ബോസ് മലയാളം സീസൺ ഏഴിന്, നവംബർ 9 ഞായറാഴ്ച തിരശ്ശീല വീഴും.  വൈകുന്നേരം 7 മണി മുതലാണ് ഗ്രാൻഡ് ഫിനാലെ ആരംഭിക്കുന്നത്. ഏഷ്യാനെറ്റിലും ജി‌യോഹോട്ട്‌സ്റ്റാറിലും ഫിനാലെ ലൈവായി കാണാം.  

Also Read: അനുമോൾക്ക് 65 ലക്ഷം; മറ്റു ഫൈനലിസ്റ്റുകൾക്ക് എത്ര കിട്ടി? പ്രതിഫലകണക്കുകൾ ഇങ്ങനെ: Bigg Boss Malayalam 7