Bigg Boss Malayalam 2: ക്ഷമിക്കാം…എന്നാൽ അകത്തേക്ക് പ്രവേശനമില്ല; രജിത് ബിഗ് ബോസിൽ നിന്ന് പുറത്ത്

Bigg Boss Malayalam 2: സംഭവത്തെ തുടർന്ന് രജിത്തിനെ താൽക്കാലികമായി ഷോയിൽ നിന്ന് പുറത്താക്കുകയും ചെയ്തിരുന്നു

Bigg Boss Malayalam 2: ബിഗ് ബോസ് മലയാളത്തിന്റെ രണ്ടാം പതിപ്പിൽ ഏറെ വിവാദമായ സംഭവമായിരുന്നു മത്സരാർഥികളിലൊരാളായ രേഷ്മയുടെ കണ്ണിൽ മറ്റൊരു മത്സരാർഥികളിലൊരാളായ രജിത് മുളക് തേച്ചത്. വീക്കിലി ടാസ്ക്കിനിടയിലായിരുന്നു രജിത് രേഷ്മയുടെ കണ്ണിൽ മുളക് തേച്ചത്. സംഭവത്തെ തുടർന്ന് രജിത്തിനെ താൽക്കാലികമായി ഷോയിൽ നിന്ന് പുറത്താക്കുകയും ചെയ്തിരുന്നു. ഇതിന് പിന്നാലെ രജിത്തിനെതിരെ നിയമനടപടിയെടുക്കണമോയെന്ന കാര്യത്തിൽ വ്യക്തത വരുത്തുകയാണ് ബിഗ് ബോസും മോഹൻലാലും.

ഒട്ടും പ്രതീക്ഷിക്കാതെയാണ് സംഭവമുണ്ടായതെന്നും എന്തിനാണ് അങ്ങനെ ചെയ്തതെന്ന് അറിയണമെന്നും രേഷ്മ പറയുന്നു. എന്നാൽ ഒട്ടും ന്യായികരിക്കാനാവുന്ന തെറ്റല്ല ഇതെന്ന് ആവർത്തിച്ച മോഹൻലാലും രജിത്തിന് എന്താ പറയാനുള്ളെയെന്ന് കേൾക്കാമെന്ന നിലപാടാണ് സ്വികരിച്ചത്.

പിന്നീട് മറ്റ് മത്സരാർഥികളോടും മോഹൻലാൽ സംഭവത്തെക്കുറിച്ച് ചോദിച്ചു. രജിത്തിന് അബദ്ധം പറ്റിയതാണ് എന്ന നിലപാടാണ് മിക്ക മത്സരാർഥികളും സ്വീകരിച്ചത്. എന്നാൽ ഫുക്രു മാത്രം ചെയ്തത് തെറ്റാണെന്നും എന്തിനാണ് ഇത്തരം ഒരു ടാസ്ക്കിൽ മുളക് ഉപയോഗിക്കേണ്ടതെന്നും ചോദിച്ചു.

ശേഷം രജിത്തിനെ വിളിച്ചു വരുത്തിയ മോഹൻലാൽ നടന്ന കാര്യത്തെക്കുറിച്ച് ചോദിക്കുകയാണ്. താൻ ചോദിക്കുന്ന കാര്യങ്ങൾക്ക് മാത്രം ഉത്തരം പറഞ്ഞാൽ മതിയെന്ന മുന്നറിയിപ്പ് നൽകിയിട്ടാണ് മോഹൻലാൽ സംസാരിച്ച് തുടങ്ങുന്നത്. ടാസ്ക്കിലെ വികൃതികുട്ടിയാകാനാണ് താൻ ശ്രമിച്ചതെന്ന വാദമാണ് രജിത് ഉന്നയിക്കുന്നത്. എന്നാൽ ചെയ്തത് തെറ്റാണെന്നും രജിത് സമ്മതിക്കുന്നു.

ബയോളജി അധ്യാപകനായതുകൊണ്ട് മുളകിന്റെ തീവ്രത എന്താണെന്ന് തനിക്കറിയാമെന്നും എന്നാൽ എന്തെങ്കിലും പ്രശ്നമുണ്ടായാൽ തന്റെ കണ്ണുകൾ തന്നെ ദാനം ചെയ്യാൻ തയ്യാറാണെന്നും രജിത് പറഞ്ഞു. ഇതിന് ശേഷം രേഷ്മയുടെ പിതാവിനോടും സംസാരിച്ച് മാപ്പ് ചോദിക്കുകയാണ് രജിത്. എന്നാൽ നേരത്തെ തന്നെ കരുതികൂട്ടി ഒരു സ്ത്രീയോട് എന്തിന് ഇങ്ങനെ ചെയ്തുവെന്ന ചോദ്യമാണ് രേഷ്മയുടെ അമ്മ ഉന്നയിക്കുന്നത്. രജിത് രേഷ്മയോടും മാപ്പ് ചോദിച്ചതോടെ തീരുമാനം രേഷ്മയ്ക്ക് തന്നെ വിട്ടിരിക്കുകയാണ് മോഹൻലാൽ. ക്ഷമിക്കാൻ തയ്യാറാണെന്നും എന്നാൽ ഇനി വീട്ടിലേക്ക് വരുന്നതിനോട് യോജിപ്പില്ലെന്നും രേഷ്മ വ്യക്തമാക്കിയതോടെ രജിത് പുറത്തേക്ക്.

Get the latest Malayalam news and Television news here. You can also read all the Television news by following us on Twitter, Facebook and Telegram.

Web Title: Bigg boss malayalam 2 episode 70 march 14 fukru arya sujo live updates

Next Story
പിരിയുവതെങ്ങനെ ചക്കരേ, നീയുമെന്റെ മകളല്ലേ; മീനാക്ഷിയ്ക്ക് ആശംസകൾ നേർന്ന് മഞ്ജു പിള്ളThatteem Mutteem, തട്ടീം മുട്ടീം, Thatteem Mutteem meenakshi, Manju Pillai, Bhagyalakshmi Prabhu photos, Thatteem Mutteem meenakshi photos, Indian express malayalam, IE Malayalam
The moderation of comments is automated and not cleared manually by malayalam.indianexpress.com