അച്ഛനെ വിട്ടുകൊടുക്കാൻ ഞാനൊരുക്കമല്ലായിരുന്നു; ഹൃദയം തൊടുന്ന കുറിപ്പുമായി ആര്യ

അഭിനേത്രിയും മിനിസ്ക്രീൻ പ്രേക്ഷകരുടെ പ്രിയങ്കരിയായ അവതാരകയുമൊക്കെയാണ് ആര്യ. അച്ഛനെ കുറിച്ചുള്ള​ സമൂഹമാധ്യമങ്ങളിലെ ആര്യയുടെ കുറിപ്പാണ് ഇപ്പോൾ​ ശ്രദ്ധ നേടുന്നത്. അച്ഛന്റെ മരണനിമിഷങ്ങൾ ഓർത്തെടുക്കുകയാണ് ആര്യ. അച്ഛന്റെ ചരമവാർഷികത്തിൽ ഹൃദയസ്പർശിയായ കുറിപ്പാണ് ആര്യ പങ്കുവയ്ക്കുന്നത്.

"ഒരു വ്യക്തിയെന്ന രീതിയിൽ ഞാനെത്ര കരുത്തയാണെന്ന് തിരിച്ചറിഞ്ഞ ദിവസമാണിത്. എന്റെ ഏറ്റവും വലിയ ഭീതിയെ ഞാൻ അഭിമുഖീകരിച്ച ദിവസം. കഴിഞ്ഞ വർഷം ഈ ദിവസം തന്നെയാണ്, എനിക്കെന്റെ അച്ഛനെ എന്നേക്കുമായി നഷ്ടപ്പെട്ടത്. കഴിഞ്ഞ വർഷം ഇതേ ദിവസം ഏതാണ്ട് ഈ സമയത്ത് ഒരു നേഴ്സ് വാതിൽ തുറന്നുവന്നിട്ട് പറഞ്ഞു, അച്ഛനെ ഒന്നു പോയി കണ്ടോളൂ... കണ്ണുകൾ അടച്ച്, ഐസുപോലെ തണുത്തുറച്ച്, ചലനമറ്റു കിടക്കുന്ന അദ്ദേഹത്തെ കാണാനായി ഞാൻ പോയി. ഉണ്ടായിരുന്ന ധൈര്യമെല്ലാം സംഭരിച്ച് ഞാനദ്ദേഹത്തെ ഒരുപാട് തവണ വിളിച്ചു, ഉണർത്താനായി.. അദ്ദേഹത്തെ തിരിച്ചുകൊണ്ടുവരാനായി, കാരണം അച്ഛനെ വിട്ടുകൊടുക്കാൻ ഞാനൊരുക്കമല്ലായിരുന്നു. ആ ദിവസമെനിക്ക് സംഭവിച്ചതിനെ ഒന്നും നേിടാൻ ഞാൻ തയ്യാറല്ലായിരുന്നു.... പക്ഷേ നമുക്ക് വിധിയെ തടുക്കാൻ ആവില്ലല്ലോ... അച്ഛൻ പോയി, എന്റെ കാലിനടിയിലെ മണ്ണും ഒലിച്ചുപോയി... അച്ഛാ.. ഞങ്ങളുടെ ജീവിതത്തിലെ ഓരോ സെക്കന്റിലും ഞങ്ങൾക്ക് നിങ്ങളെ മിസ്സ് ചെയ്യുന്നു.... "

"തകർന്നുപോയ മനസ്സിനെ കൂട്ടിച്ചേർക്കാനും പതിയെ മുന്നോട്ടു നടക്കാനും സഹായിച്ചതിനു നന്ദി... എല്ലാ പ്രതിസന്ധി ഘട്ടങ്ങളിലും എന്റെ കൈപിടിച്ച് മുന്നോട്ട നടത്തിയതിന് നന്ദി... അദൃശ്യമായൊരു ശക്തിയായി ധൈര്യമേകുന്നതിനു നന്ദി... ഏറ്റവും നല്ലൊരു അച്ഛനായതിനു നന്ദി... ഞാൻ നിങ്ങളെ സ്നേഹിക്കുന്നു അച്ഛാ.... നിങ്ങളാണെന്റെ ലോകം," ആര്യ കുറിക്കുന്നു.

View this post on Instagram

This is the day I realized how strong I am as a person is... This is the day I faced my biggest fear ever .... This is the same day last year, I lost my father forever.... Around this time, this day, last year, a nurse walked out of that door and told me “achane onnu poi kandolu” ... I went to see him eyes closed, mouth open, cold as ice, motionless... with all the courage left in me I called him so many times, to wake him up, to bring him back, just because I was not ready to leave him... just because I was not ready to face anything that was happening to me that day... But then you cannot stop fate.. He was gone and the ground beneath my feet was swept away!! Dada.... we miss you every single second in our lives .. Thank you for helping me gather all those broken pieces from this day last year and help me get back to my feet slowly... Thank u for holding my hand and help me through all my thicks and thins... Thank you for being those invisible shoulders that I always rely on... Most importantly thanks for being the best father ever !!!! I love you more and more Dada... You are my life ... #oneyearofloss #mydada #mylife #myworld #myinspiration

A post shared by Arya Babu (@arya.badai) on Nov 11, 2019 at 12:20am PST

കഴിഞ്ഞ നവംബറിൽ ആയിരുന്നു ആര്യയുടെ അച്ഛൻ സതീഷ് ബാബുവിന്റെ മരണം. നർത്തകിയും അവതാരകയുമായ ആര്യ അഭിനേത്രി എന്ന രീതിയിലും ശ്രദ്ധ നേടിയ വ്യക്തിത്വമാണ്. പതിനഞ്ചോളം ചിത്രങ്ങളിൽ ചെറുതും വലുതുമായ കഥാപാത്രങ്ങളെ ആര്യ അവതരിപ്പിച്ചിട്ടുണ്ട്.

Read more: മറ്റൊരാളോട് ഇഷ്ടം തോന്നിയപ്പോൾ ഭാര്യയോട് തുറന്നുപറയുകയായിരുന്നു; രണ്ടാം വിവാഹത്തെക്കുറിച്ച് ബഷീർ ബഷി