13 വയസ് മുതൽ അധ്വാനിക്കാൻ തുടങ്ങിയതാണ്, ഇന്ന് വരുമാനം ലക്ഷങ്ങൾ

മിനിസ്ക്രീൻ പ്രേക്ഷകർക്ക് ഏറെ സുപരിചിതയായ മത്സരാർത്ഥിയാണ് അനുമോൾ. സീരിയലുകളിലൂടെയും സ്റ്റാർ മാജിക്കിലൂടെയുമെല്ലാം പ്രേക്ഷകർക്ക് ഏറെ സുപരിചിതയായ അനുമോൾ ഇപ്പോൾ ബിഗ് ബോസ് മലയാളം ഏഴാം സീസണിൽ മത്സരാർത്ഥിയായും തിളങ്ങുകയാണ്. ഈ സീസണിലെ ഫൈനൽ ഫൈവിൽ തീർച്ചയായും ഉണ്ടാകുമെന്ന് പ്രേക്ഷകർ കണക്കുക്കൂട്ടുന്നൊരു മത്സരാർത്ഥി കൂടിയാണ് അനുമോൾ.

വളരെ ചെറുപ്പകാലം മുതൽ തന്നെ സ്വന്തമായി അധ്വാനിച്ച് ജീവിക്കുന്ന പെൺകുട്ടിയാണ് അനുമോൾ. 13 വയസ്സുള്ളപ്പോൾ മുതൽ അയൽവീട്ടിലെ കുട്ടികൾക്ക് ട്യൂഷനെടുത്ത് പണം സമ്പാദിക്കുമായിരുന്നു അനുമോൾ. 50- 100 രൂപയൊക്കെയായിരുന്നു അന്ന് അനുവിന് പ്രതിഫലമായി ലഭിച്ചുകൊണ്ടിരുന്നത്. തന്റെ പഠനാവശ്യത്തിനുള്ള യൂണിഫോം, ബുക്ക്, ബാഗ് എല്ലാം വാങ്ങാനായി ഈ പണം സ്വരൂപിക്കുമായിരുന്നു അനുമോൾ.

18 വയസ്സിലാണ് അനുമോൾ സീരിയൽ രംഗത്ത് എത്തിയത്. ആദ്യപ്രതിഫലമായി അനുമോൾക്ക് ലഭിച്ചത് 1000 രൂപയാണ്. തുടക്കക്കാലത്ത് ഒന്നിലധികം സീരിയലുകളിൽ ഒരേസമയം ഓടിനടന്നു അഭിനയിക്കുമായിരുന്നു അനുമോൾ.

കാശ് കൊടുത്ത് വിലകൂടിയ വസ്ത്രങ്ങൾ വാങ്ങുന്ന ശീലം തനിക്കില്ലെന്നും അനുമോൾ ഒരു അഭിമുഖത്തിൽ പറഞ്ഞിവരുന്നു. സ്വയം തയ്ച്ചെടുത്ത വസ്ത്രങ്ങളാണ് അനുമോൾ കൂടുതലും ഉപയോഗിക്കുന്നത്.