ജനപ്രിയ മൊബൈൽ ഫോൺ നിർമാതാക്കളായ ഷവോമി റെഡ്മി അവരുടെ ഏറ്റവും പുതിയ മോഡൽ ഇന്ത്യയിൽ അവതരിപ്പിക്കാനൊരുങ്ങുന്നു. നോട്ട് സീരിസിലെ റെഡ്മി നോട്ട് 9നാണ് ഇന്ത്യൻ വിപണിയിലേക്കെത്തുന്നത്. മാർച്ച് 12ന് ഫോൺ അവതരിപ്പിക്കുമെന്ന് കമ്പനി അറിയിച്ചിട്ടുണ്ട്. എന്നാൽ ഫോണിന്റെ കൂടുതൽ വിവരങ്ങൾ കമ്പനി അധികൃതർ ഇതുവരെ പുറത്ത് വിട്ടട്ടില്ല.

അതേസമയം തനത് ശൈലിയിൽ തന്നെയാകും ഫോണിന്റെ ഡിസൈൻ എന്നാണ് പുറത്ത് വരുന്ന റിപ്പോർട്ടുകൾ. നാല് ക്യാമറകളുൾപ്പെടുന്ന ക്വാഡ് ക്യാമറ സെറ്റപ്പിൽ സ്ക്വയർ ഡിസൈനാണെന്ന് ഏകദേശം ഉറപ്പായി കഴിഞ്ഞു. പ്രോക്യാമറ മാക്സ്‌പെർഫോമൻസ് എന്ന ഹാഷ്ടാഗോടെയാണ് ഫോണിന്റെ ലോഞ്ചിന്രെ ടീസർ കമ്പനി റിലീസ് ചെയ്തിരിക്കുന്നത്.

ഷവോമിയുടെ റെഡ്മി നോട്ട് സീരിസ് ഇതിനോടകം തന്നെ വലിയ പ്രതികരണം നേടിയിട്ടുള്ളതാണ്. കഴിഞ്ഞ വർഷം റെഡ്മി നോട്ട് 7 സീരിസും റെഡ്മി നോട്ട് 8 സീരിസും കഴിഞ്ഞ വർഷം കമ്പനി അവതരിപ്പിച്ചിരുന്നു. ഇതിന്റെ പിൻഗാമിയായി എത്തുന്ന റെഡ്മി നോട്ട് 9 സീരിസിനെ ഏറെ പ്രതീക്ഷയോടെയാണ് ഉപഭോക്താക്കൾ കാത്തിരിക്കുന്നത്.

ഇന്ത്യയിലായിരിക്കും റെഡ്മി നോട്ട് 9 ആദ്യമായി കമ്പനി അവതരിപ്പിക്കുന്നതും. റെഡ്മി നോട്ട് 9ന്റെ ലോഞ്ചിങ്ങിന് വേദിയാകുന്ന ആദ്യ രാജ്യമായി ഇന്ത്യ മാറുന്നതോടെ ഇന്ത്യൻ വിപണിക്ക് ഷവോമി നൽകുന്ന പ്രാധാന്യവും മനസിലാക്കാവുന്നതാണ്.

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook