Xiaomi Mi 10T Mi 10T Pro, Mi 10T Lite: Price in India, specs and more: ഷവോമി (Xiaomi) ആഗോളതലത്തിൽ അവരുടെ ഏറ്റവും പുതിയ മി 10ടി സീരീസ് (Mi 10T series) അവതരിപ്പിച്ചു. മി 10ടി ലെറ്റ്, മി 10ടി, മി 10ടി പ്രോ (Mi 10T Lite, Mi 10T, Mi 10T Pro ) എന്നീ ഫോണുകൾ ഈ സീരീസിൽ ഉൾപ്പെടുന്നു. ഫെബ്രുവരിയിൽ ലോഞ്ച് ചെയ്ത മി 10 സീരീസിന്റെ ( Mi 10 series) പിൻഗാമിയാണ് മി 10ടി സീരീസ്.

മി 10 ടി സീരീസ് ഇന്ത്യയിൽ അവതരിപ്പിക്കും എന്ന കാര്യം വ്യക്തമല്ല. എന്നിരുന്നാലും, ഷവോമിയുടെ പുതിയ സീരീസ് വൈകാതെ ഇന്ത്യയിലെത്തുമെന്ന് കരുതാം.

Xiaomi Mi 10T, Mi 10T Pro, Mi 10 Lite: Price

മി 10ടിയുടെ 6 ജിബി റാം / 128 ജിബി സ്റ്റോറേജ് വേരിയന്റിന് 499 യൂറോയും (ഏകദേശം 43,000 രൂപ), 8 ജിബി റാം / 128 ജിബി സ്റ്റോറേജ് വേരിയന്റിന് 549 യൂറോയുമാണ് (ഏകദേശം 47,000 രൂപ) വില.

മി 10 ടി പ്രോയുടെ 8 ജിബി റാം / 128 ജിബി സ്റ്റോറേജ് വേരിയന്റിന് 599 യൂറോയ്ക്കും (ഏകദേശം 51,500 രൂപ), 8 ജിബി റാം / 256 ജിബി സ്റ്റോറേജ് വേരിയന്റിന് 649 യൂറോയ്ക്കും (ഏകദേശം 56,000 രൂപ) ലഭ്യമാവും.

മി 10 ടി ലൈറ്റിന്റെ 6 ജിബി റാം / 64 ജിബി സ്റ്റോറേജ് വേരിയന്റ് 279 യൂറോയ്ക്കും (ഏകദേശം 24,000 രൂപ), 6 ജിബി റാം / 128 ജിബി സ്റ്റോറേജ് വേരിയന്റ് 329 യൂറോയ്ക്കുമാണ് (ഏകദേശം 28,000 രൂപ) വിപണിയിൽ ലഭ്യമാവുന്നത്.

Xiaomi Mi 10T Pro: Specifications

ഫുൾ എച്ച്ഡി + റെസല്യൂഷനും 144 ഹെർട്സ് റിഫ്രഷ് റേറ്റുമുള്ള 6.67 ഇഞ്ച് ഐപിഎസ് എൽസിഡി ഡിസ്‌പ്ലേയാണ് മി 10 ടി പ്രോയിൽ. 8 ജിബി റാമും 128 ജിബി / 256 ജിബി ഇന്റേണൽ സ്റ്റോറേജ്, ക്വാൽകോം സ്‌നാപ്ഡ്രാഗൺ 865 പ്രോസസർ എന്നിവ ഈ ഫോണിന് കരുത്ത് പകരുന്നു.

ആൻഡ്രോയ്ഡ് 10 പതിപ്പിൽ പ്രവർത്തിക്കുന്ന ഫോണിൽ മി യുഐ 12 സ്കിൻ വരുന്നുണ്ട്. 33വാട്ട് ഫാസ്റ്റ് ചാർജിംഗിനുള്ള പിന്തുണയുള്ള 5,000 എംഎഎച്ച് ബാറ്ററിയാണ് ഫോണിൽ.

108 എംപി പ്രൈമറി സെൻസർ, 13 എംപി വൈഡ് ആംഗിൾ സെൻസർ, 5 എംപി മാക്രോ ലെൻസ് എന്നിവയടങ്ങിയ ട്രിപ്പിൾ ക്യാമറ സെറ്റപ്പാണ് പിറകിൽ. ജോടിയാക്കിയ ഒപ്റ്റിക്കൽ ഇമേജ് സ്റ്റെബിലൈസേഷനും ഫോണിലുണ്ട്. മുൻവശത്ത്, സെൽഫികൾ എടുക്കുന്നതിന് 20 എംപി സെൻസറാണുള്ളത്.

Xiaomi Mi 10T: Specifications

ക്യാമറ, സ്റ്റോറേജ് എന്നിവ മാറ്റിനിർത്തിയാൽ ഷിയോമി മി 10 ടിക്ക് മി 10 ടി പ്രോയ്ക്ക് സമാനമായ സവിശേഷതകളാണുള്ളത്.

144 ഹെർട്സ് റിഫ്രഷ് റേറ്റുള്ള 6.67 ഇഞ്ച് ഐപിഎസ് എൽസിഡി ഡിസ്‌പ്ലേ, 6 ജിബി / 8 ജിബി റാം, ക്വാൽകോം സ്‌നാപ്ഡ്രാഗൺ 865 പ്രോസസർ, 128 ജിബി ഇന്റേണൽ സ്‌റ്റോറേജ് എന്നിവ ഈ ഫോണിനുണ്ട്. ജോടിയാക്കുന്നു.

മി യുഐ 12 സ്കിൻ സഹിതം ആൻഡ്രോയ്ഡ് 10 ആണ് സോഫ്റ്റ്വെയർ. 33വാട്ട് ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് ഫോണിൽ.

64 എംപി പ്രൈമറി സെൻസർ, 13 എംപി അൾട്രാ വൈഡ് ആംഗിൾ സെൻസർ, 5 എംപി മാക്രോ ലെൻസ് എന്നിവ അടങ്ങുന്ന ട്രിപ്പിൾ ക്യാമറ സെറ്റപ്പാണ് ക്യാമറയിൽ വരുന്നത്. മുൻവശത്ത്, 20 എംപി സെൽഫി ക്യാമറയാണ്. പഞ്ച് ഹോളിലാണ് സെൽഫി ക്യാമറ.

Xiaomi Mi 10 Lite: Specifications

മി 10ടി, മി 10ടി പ്രോ എന്നിവ പോലെ, 6.67 ഇഞ്ച് എൽസിഡി ഡിസ്പ്ലേയാണ് മി 10 ടി ലൈറ്റിന്. എന്നാൽ റിഫ്രഷ് റേറ്റ് 144ന് പകരം 120 ഹെർട്സ് ആണ്.

ആൻഡ്രോയ്ഡ് 10 പതിപ്പിൽ പ്രവർത്തിക്കുന്ന ഫോണിൽ മി യുഐ 12 സ്കിൻ വരുന്നുണ്ട്. 33വാട്ട് ഫാസ്റ്റ് ചാർജിംഗിനുള്ള പിന്തുണയുള്ള 4,820 എംഎഎച്ച് ബാറ്ററിയാണ് ഫോണിൽ.

64 എംപി മെയിൻ ക്യാമറയോടെയുള്ള ക്വാഡ് ക്യാമറ സെറ്റപ്പാണ് ഈ ഫോണിന്. ക്യാമറ ലെൻസുകളുടെ കൃത്യമായ സവിശേഷതകൾ കമ്പനി ഇപ്പോൾ വെളിപ്പെടുത്തിയിട്ടില്ല. മുൻവശത്ത് 20 എംപി സെൽഫി ക്യാമറയാണുള്ളത്. എല്ലാ മി 10 ടി സീരീസ് സ്മാർട്ട്‌ഫോണുകളും 5 ജി നെറ്റ്‌വർക്കുകളെ പിന്തുണയ്‌ക്കും.

Read More: Xiaomi Mi 10T Mi 10T Pro, Mi 10T Lite launched: Price, specs and more

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook