scorecardresearch
Latest News

ഡിസപിയറിങ് സവിശേഷതയുണ്ടെങ്കിലും സന്ദേശങ്ങള്‍ നഷ്ടപ്പെടില്ല; പുതിയ അപ്ഡേറ്റുമായി വാട്ട്സ്ആപ്പ്

അടുത്തിടയായി വാട്ട്സ്ആപ്പ് നിരവധി പുതിയ സവിശേഷതകള്‍ അവതരിപ്പിക്കുന്നുണ്ട്

ഡിസപിയറിങ് സവിശേഷതയുണ്ടെങ്കിലും സന്ദേശങ്ങള്‍ നഷ്ടപ്പെടില്ല; പുതിയ അപ്ഡേറ്റുമായി വാട്ട്സ്ആപ്പ്

ചാറ്റുകളുടെ സുരക്ഷ മുന്‍നിര്‍ത്തിയാണ് ഡിസപിയറിങ് സവിശേഷത വാട്ട്സ്ആപ്പ് അവതരിപ്പിച്ചത്. ഡിസപിയറിങ് സവിശേഷത വ്യാപകമായി ഉപയോഗിക്കുന്നുണ്ടെങ്കിലും നമുക്ക് ആവശ്യമായ ചില സന്ദേശങ്ങളും ഉണ്ടായേക്കാം. എന്തെങ്കിലും അഡ്രസ്, സുപ്രധാന വിവരങ്ങള്‍ എന്നിങ്ങനെ എന്തുമാകാം ഇത്. ഡിസപിയറിങ് സവിശേഷതയില്‍ ഇതെല്ലാം നഷ്ടമാകാനിടയുണ്ട്.

വാട്ട്സ്ആപ്പ് ഇതിന് പരിഹാരം കാണാന്‍ ഒരുങ്ങുകയാണെന്നാണ് ലഭിക്കുന്ന വിവരം. ഇനി മുതല്‍ സെലക്ട് ചെയ്യുന്ന സന്ദേശങ്ങള്‍ നഷ്ടമാകാതിരിക്കും. ഡിസപിയറിങ് സവിശേഷതയുണ്ടെങ്കിലും സന്ദേശങ്ങള്‍ നഷ്ടപ്പെടില്ല. വാബീറ്റഇൻഫൊ റിപ്പോര്‍ട്ട് ചെയ്യുന്നതനുസരിച്ച് പുതിയ സവിശേഷത വാട്ട്സ്ആപ്പ് പരീക്ഷിക്കുകയയാണ്. വൈകാതെ തന്നെ ഉപയോക്താക്കള്‍ക്ക് ലഭ്യമാകും.

പ്രൊഫൈല്‍ പേജില്‍ ഇത്തരത്തില്‍ നഷ്ടപ്പെടാതെ സെലക്ട് ചെയ്യപ്പെടുന്ന സന്ദേശങ്ങള്‍ സൂക്ഷിക്കാന്‍ പ്രത്യേക സെക്ഷന്‍ ഉണ്ടാകുമെന്നുമാണ് ലഭിക്കുന്ന വിവരം. സ്റ്റാര്‍ഡ് മെസേജുകള്‍ക്ക് താഴെയായിരിക്കും ഈ ഓപ്ഷന്‍. വ്യക്തിഗത ചാറ്റുകളില്‍ മാത്രമല്ല ഗ്രൂപ്പുകളില്‍ വരുന്ന സന്ദേശങ്ങളും ഇത്തരത്തില്‍ നഷ്ടപ്പെടാതെ സൂക്ഷിക്കാന്‍ കഴിയും.

Also Read: Oppo Reno 8 Series: റെനൊ 8 സീരിസുമായി ഒപ്പൊ; സവിശേഷതകള്‍ പരിശോധിക്കാം

Stay updated with the latest news headlines and all the latest Tech news download Indian Express Malayalam App.

Web Title: Whatsapp update users can keep disappearing messages before theyre gone