scorecardresearch
Latest News

വാട്ട്സ്ആപ്പ് എന്‍ഡ്-ടു-എന്‍ഡ് എന്‍ക്രിപ്റ്റഡ്‌ സ്റ്റാറ്റസ്, കോള്‍, ചാറ്റ് സൂചകങ്ങള്‍; വരുന്നു പുതിയ ഫീച്ചറുകള്‍

വാട്ട്സ്ആപ്പിന്റെ പുതിയ ഫീച്ചര്‍ വരും ദിവസങ്ങളില്‍ എല്ലാവര്‍ക്കും ലഭ്യമാകും

വാട്ട്സ്ആപ്പ് എന്‍ഡ്-ടു-എന്‍ഡ് എന്‍ക്രിപ്റ്റഡ്‌ സ്റ്റാറ്റസ്, കോള്‍, ചാറ്റ് സൂചകങ്ങള്‍; വരുന്നു പുതിയ ഫീച്ചറുകള്‍

ന്യൂഡല്‍ഹി: കഴിഞ്ഞ കുറച്ച് മാസങ്ങളായി, വാട്ട്സ്ആപ്പ് ഡെവലപ്പര്‍മാര്‍ കമ്പാനിയന്‍ മോഡ്, അവതാറുകള്‍, വോട്ടെടുപ്പ് നടത്താനുള്ള കഴിവ്, ഡെസ്‌ക്ടോപ്പ് ആപ്പിനായുള്ള സ്‌ക്രീന്‍ ലോക്ക് എന്നിങ്ങനെ നിരവധി പുതിയ ഫീച്ചറുകളും കൊണ്ടുവന്നിരുന്നു. 2016 മുതല്‍, വാട്ട്സ്ആപ്പ് ഉപയോക്തൃ സ്വകാര്യത പരിരക്ഷിക്കുന്നതിനായി എന്‍ഡ്-ടു-എന്‍ഡ് എന്‍ക്രിപ്റ്റ് ചെയ്ത സന്ദേശങ്ങള്‍ക്കുളള സപ്പോര്‍ട്ടും കൊണ്ടുവന്നു. ഇത് സുരക്ഷിത ആശയവിനിമയം വാഗ്ദാനം ചെയ്യുന്നു.

ഇപ്പോള്‍, നിങ്ങള്‍ പങ്കിടുന്ന കോളുകളും സ്റ്റാറ്റസുകളും എന്‍ഡ്-ടു-എന്‍ഡ് എന്‍ക്രിപ്റ്റ് ചെയ്തതാണോ എന്ന് കാണിക്കുന്ന പുതിയ സൂചകങ്ങള്‍ ഡവലപ്പര്‍മാര്‍ ചേര്‍ക്കുന്നതായാണ് റിപോര്‍ട്ട്. ആദ്യ സൂചകം ‘സ്റ്റാറ്റസ്’ വിഭാഗത്തിലാണ്, രണ്ടാമത്തെ സൂചകം ‘കോളുകള്‍’ ടാബില്‍ കാണാം, നിങ്ങളുടെ എല്ലാ സംഭാഷണങ്ങളും സ്റ്റാറ്റസും എന്‍ഡ്-ടു-എന്‍ഡ് എന്‍ക്രിപ്റ്റ് ചെയ്തതാണെന്ന് കാണിക്കുന്നു. ചാറ്റുകളില്‍ മറ്റൊരു സൂചകം ചേര്‍ക്കാനും ഡെവലപ്പര്‍മാര്‍ പദ്ധതിയിടുന്നു. സമീപഭാവിയില്‍ ഇത് എല്ലാവര്‍ക്കും ലഭ്യമാകും.

ഈ സൂചകങ്ങള്‍ ആപ്പിന്റെ ആന്‍ഡ്രായിഡ്, ഐഒഎസ്, പതിപ്പുകളില്‍ കാണിക്കും. നിലവില്‍, ഫീച്ചര്‍ വികസിപ്പിച്ചുകൊണ്ടിരിക്കുന്നതിനാല്‍ അവ ദൃശ്യമല്ല. വാട്ട്സ്ആപ്പിന്റെ പുതിയ ഫീച്ചര്‍ വരും ദിവസങ്ങളില്‍ എല്ലാവര്‍ക്കും ലഭ്യമാകും, അതിനാല്‍ ഇത് നിങ്ങളുടെ ഡിവൈസില്‍ ലഭ്യമാകുന്നതിന് കുറച്ച് സമയം കാത്തിരിക്കേണ്ടി വന്നേക്കാം.

Stay updated with the latest news headlines and all the latest Tech news download Indian Express Malayalam App.

Web Title: Whatsapp end to end encrypted status call and chat indicators coming soon

Best of Express