/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2022/11/whatsapp-1.jpg)
ന്യൂഡല്‍ഹി:ഡെസ്‌ക്ടോപ്പ് ഉപയോക്താക്കള്‍ക്ക് മള്‍ട്ടിമീഡിയ ഫയലുകള്‍ അടികുറിപ്പോടെ ഫോര്‍വേഡ് ചെയ്യാന്‍ കഴിയുന്ന പുതിയ ഫീച്ചര്‍ വാട്ട്സ്ആപ്പ് അടുത്തിടെ ഒരുക്കിയിരുന്നു. മെറ്റയുടെ ഉടമസ്ഥതയിലുള്ള വാട്‌സ്ആപ്പ് ഇപ്പോള്‍ ഉപയോക്താക്കള്‍ക്കായി പുതിയ ഫീച്ചര്‍ അവതരിപ്പിച്ചിരിക്കുകയാണ്. വാട്ട്സ്ആപ്പ് ഡെസ്‌ക്ടോപ്പില്‍ പാസ്വേഡ് ക്രമീകരിക്കാന്‍ അനുവദിക്കുന്നതാണിത്.
സുരക്ഷാ കാര്യത്തില്‍ വാട്പപ്പിന്റെ മികച്ച നീക്കമായാണ് ഇത് വിലയിരുത്തപ്പെടുന്നത്. ഈ സൗകര്യം ഉപയോക്താക്കളെ അവരുടെ വാട്‌സാപ്പ് ഡെസ്‌ക്ടോപ്പ് അക്കൗണ്ടുകള്‍ കൂടുതല്‍ സുരക്ഷിതമാക്കുന്നു, പ്രത്യേകിച്ചും ലാപ്‌ടോപ്പുകള്‍ മറ്റുള്ളവര്‍ക്ക് ഉപയോഗിക്കാന്‍ കൊടുക്കുന്നവര്‍ക്ക്. 2019-ല്‍ ഇതേ ഫീച്ചര്‍ ആന്‍ഡ്രോയിഡിനും ഐഒഎസിനും ലഭ്യമാക്കിയിരുന്നു. നിലവില്‍ ഡെസ്‌ക്ടോപ്പ് ബീറ്റ ഉപയോക്താക്കള്‍ക്ക് മാത്രമേ ഈ ഫീച്ചര്‍ ലഭ്യമാകൂ, വരും ദിവസങ്ങളില്‍ ഇത് എല്ലാവരിലേക്കും എത്തുമെന്നാണ് പ്രതീക്ഷ.
ഡെസ്‌ക്ടോപ്പില്‍ സ്‌ക്രീന്‍ ലോക്ക് ഫീച്ചര്‍ എങ്ങനെ ഉപയോഗിക്കാം?
സെറ്റിങ്‌സ് മെനുവില്‍ നിന്ന് ഉപയോക്താക്കള്‍ക്ക് വാട്ട്സ്ആപ്പ് ഡെസ്‌ക്ടോപ്പില്‍ സ്‌ക്രീന്‍ ലോക്ക് സജീകരിക്കാം. ഇതൊരു ഓപ്ഷണല്‍ ഫീച്ചറാണെന്നും വാട്ട്സ്ആപ്പ് ഡെസ്‌ക്ടോപ്പ് സുരക്ഷിതമാക്കാന്‍ ഇത് സ്വമേധയാ സജീവമാക്കേണ്ടതുണ്ടെന്നും ശ്രദ്ധിക്കുക. വിന്‍ഡോസ്, മാക് ഉപയോക്താക്കള്‍ക്ക് ഈ ഫീച്ചര്‍ ലഭ്യമാകും.
ഓരോ തവണയും ഒരു ഉപയോക്താവ് വാട്ട്സ്ആപ്പ് ഡെസ്‌ക്ടോപ്പ് തുറക്കുമ്പോള്‍, അത് ആക്സസ് ചെയ്യുന്നതിന് അവര്‍ ഒരു പാസ്വേഡ് നല്‍കേണ്ടതുണ്ട്. വാട്ട്സ്ആപ്പ് ഡെസ്‌ക്ടോപ്പ് സുരക്ഷിതമാക്കുന്ന പാസ്വേഡ് ഉപകരണത്തില്‍ പ്രാദേശികമായി സംഭരിക്കപ്പെടുമെന്നും റിപ്പോര്‍ട്ട് അവകാശപ്പെടുന്നു. എന്നിരുന്നാലും, നിങ്ങള്‍ പാസ്വേഡ് മറക്കുകയാണെങ്കില്‍, നിങ്ങള്‍ വാട്ട്സ്ആപ്പ് ഡെസ്‌ക്ടോപ്പില്‍ നിന്ന് ലോഗ് ഔട്ട് ചെയ്യുകയും വാട്ട്സ്ആപ്പ് ഉള്ള നിങ്ങളുടെ സ്മാര്‍ട്ട്ഫോണില്‍ നിന്ന് ക്യുആര്‍ കോഡ് സ്‌കാന്‍ ചെയ്ത് ലോഗിന്‍ ചെയ്യാം.
നിലവില്‍, ഉപയോക്താക്കള്‍ക്ക് അവരുടെ വാട്ട്സ്ആപ്പ് ഡെസ്‌ക്ടോപ്പ് പാസ്വേഡ് ഉപയോഗിച്ച് മാത്രമേ തുറക്കാന്‍ കഴിയൂ എന്നും അവര്‍ക്ക് ബയോമെട്രിക് ഒദന്റിഫിക്കേഷന്‍ ഉപയോഗിക്കാന്‍ കഴിയില്ലെന്നും പറയപ്പെടുന്നു. എന്നിരുന്നാലും, മാക്ബുക്ക്‌സിലെ ടച്ച് ഐഡി ഉപയോഗിച്ച് വാട്‌സ്ആപ്പ് വെബ് ആധികാരികമാക്കാന്‍ കമ്പനി ഉപയോക്താക്കളെ അനുവദിച്ചേക്കുമെന്ന് വാബീറ്റ ഇന്‍ഫോ റിപോര്‍ട്ട് അവകാശപ്പെടുന്നു.
Stay updated with the latest news headlines and all the latest Lifestyle news. Download Indian Express Malayalam App - Android or iOS.