പോസ്റ്റ്പെയ്ഡ് ഐഫോൺ ഉപഭോക്താക്കൾക്കായി വോഡഫോണിന്റെ പുതിയ പ്ലാൻ. 649 രൂപയുടെ റെഡ്-ഐഫോൺ ഫോർഎവർ പ്ലാനാണ് വോഡഫോൺ പുറത്തിറക്കിയത്. ഒരു മാസമാണ് പ്ലാനിന്റെ കാലാവധി. ഡാറ്റ, കോളിങ് സൗകര്യങ്ങൾക്കുപുറമേ ഐഫോൺ ഫോർഎവർ പ്രോഗ്രാമും ഈ പ്ലാൻ ഓഫർ ചെയ്യുന്നുണ്ട്.

ഈ പ്ലാനിൽ 90 ജിബി ഡാറ്റയാണ് ഉപഭോക്താക്കൾക്ക് ലഭിക്കുക. അൺലിമിറ്റഡ് ലോക്കൽ, എസ്ടിഡി, റോമിങ് കോളിങ്ങുമുണ്ട്. ഇതിനു പുറമേ 12 മാസത്തേക്ക് സൗജന്യമായി വോഡഫോൺ പ്ലേ, ആമസോൺ പ്രൈം എന്നിവ ഐഫോൺ ഫോർഎവർ പ്രോഗ്രാം വഴി ഉപയോഗിക്കാം.

ഐഫോൺ 5എസും അതിന് മുകളിലുളള മോഡലുകൾക്കുമാണ് ഈ പ്ലാൻ ഉപയോഗിക്കാനാവുക. 18 മാസം താഴെയുളള എല്ലാ ഐഫോൺ മോഡലുകൾക്ക് റീപ്ലെയ്സ്മെന്റ്, അപ്ഗ്രേഡ്, റിപ്പയർ (ഐഫോൺ 5എസ് മോഡലിന് മാത്രം) സൗകര്യവും ഈ പ്ലാനിൽ ലഭിക്കും. 18 മാസത്തിന് മുകളിലുളള ഐഫോണുകൾക്ക് അപ്ഗ്രേഡ്, റിപ്പയർ മാത്രമായിരിക്കും ലഭിക്കുക.

ഐഫോൺ ഫോർഎവർ പ്രോഗ്രാം വഴി കേടുപാട് പറ്റുന്ന ഫോണുകൾ ശരിയാക്കി കിട്ടും. ഇതിനായി ഉപഭോക്താക്കൾ ഐഫോൺ ഫോർഎവർ ആപ് ഡൗൺലോഡ് ചെയ്യണം.

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook