ഉപഭോക്താക്കൾക്ക് വോഡഫോണിന്റെ ഓഫർ; 9ജിബി സൗജന്യ ഡാറ്റ

റിലയൻസ് ജിയോ ഓഫറുകൾക്കു പിന്നാലെ വമ്പൻ ഓഫറുകളാണ് മറ്റു ടെലികോം കമ്പനികൾ ഉപഭോക്താക്കൾക്ക് നൽകുന്നത്. ഇപ്പോഴിതാ 4ജി ഹാൻഡ്സെറ്റ് ഉപയോഗിക്കുന്ന പോസ്റ്റ്പെയ്ഡ് ഉപഭോക്താക്കൾക്ക് കിടിലൻ ഓഫർ പ്രഖ്യാപിച്ചിരിക്കുകയാണ് വോഡഫോൺ.

ഓരോ മാസവും 9 ജിബി ഡാറ്റ സൗജന്യമായി നൽകുകയാണ് വോഡഫോൺ. മൂന്നു മാസമാണ് ഓഫർ കാലാവധി. അതായത് പോസ്റ്റ്പെയ്ഡ് ഉപഭോക്താക്കൾക്ക് അടുത്ത മൂന്നുമാസത്തേക്ക് 27 ജിബി അധിക ഡാറ്റ ലഭിക്കും. 12 മാസത്തേക്ക് 3 ജിബി വീതം സൗജന്യമായി ലഭിക്കുന്നതാണ് മറ്റൊരു ഓഫർ. പക്ഷേ ഇത് റെഡ് അൺലിമിറ്റഡ് പ്ലാനുകൾ ഉപയോഗിക്കുന്നവർക്ക് മാത്രമായിരിക്കും ലഭിക്കുക. പ്രീപെയ്ഡ് ഉഭോക്താക്കൾക്കും ഈ ഓഫർ ലഭിക്കും. അവർക്ക് 28 ദിവസ കാലയളവിൽ ആയിരിക്കും 9 ജിബി ഡാറ്റ സൗജന്യമായി ലഭിക്കുക.

ഓഫര്‍ ലഭിക്കുന്നതിനായി വോഡഫോണ്‍ വെബ്‌സൈറ്റില്‍ കയറി നമ്പര്‍ നൽകണം. തുടര്‍ന്ന് ലഭിക്കുന്ന ഒടിപി നമ്പര്‍ വീണ്ടും വെബ്‌സൈറ്റില്‍ രേഖപ്പെടുത്തുന്നതോടെ ഓഫര്‍ ലഭിക്കും. ചില നിബന്ധനകളും വോഡഫോൺ ഏർപ്പെടുത്തിയിട്ടുണ്ട്. വെബ്സൈറ്റിൽ ഇതിന്റെ വിവരങ്ങളുമുണ്ട്.