കോവിഡ്-19 രോഗവ്യാപനത്തെത്തുടർന്ന് നിശ്ചലാവസ്ഥയിലായിരുന്ന സ്മാർട്ട്ഫോൺ, ഡിജിറ്റൽ ഉപകരണ വിപണി ഘട്ടംഘട്ടമായി പ്രവർത്തനം പുനരാരംഭിച്ചുകൊണ്ടിരിക്കുകയാണ്. ഇതിനൊപ്പം വിവിധ ബ്രാൻഡുകൾ അവയുടെ പുതിയ ഫോണുകളും ഗാഡ്ജറ്റുകളും പുറത്തിറക്കുകയും വിൽപന അരംഭിക്കുകയും ചെയ്തു. പുതിയ കൂടുതൽ ഫോണുകളും ഗാഡ്ജറ്റുകളും ജൂൺ, ജൂലൈ മാസങ്ങളിലായി പുറത്തിറങ്ങും.
സാംസങ്ങ് ഗാലക്സി എം 01, ഗാലക്സി എം 11, ഗാലക്സി എ31,
Samsung Galaxy M01, Galaxy M11, Galaxy A31: Launch date, specifications, price in India: ഗാലക്സി എം സീരിസിൽ രണ്ടു ഫോണുകളാണ് സാംസങ്ങ് ജൂൺ രണ്ടിന് പുറത്തിറക്കുന്നത്. ഇന്ത്യയിൽ ഈ വർഷം മാർച്ചിൽ പുറത്തിറങ്ങിയ ഗാലക്സി എം 10ന്റെ പിൻഗാമിയാണ് ഗാലക്സ് എം 11 സ്മാർട്ട് ഫോൺ. എം സീരീസിലെ പുതിയ ബജറ്റ് ഫോണാണ് എം 01. രണ്ട് സ്മാർട്ട് ഫോണുകളും ഫ്ലിപ് കാർട്ടിൽ മാത്രമാണ് ലഭിക്കുക.
10,999 രൂപയാണ് ഗാലക്സി എം 11 ന്റെ 3 ജിബി റാം/3 ജിബി സ്റ്റോറേജ് പുതിപ്പിന് വില പ്രതീക്ഷിക്കുന്നത്. 4 ജിബി റാം/64 ജിബി സ്റ്റോറേജ് പതിപ്പിന് 12,999 രൂപയാണ് പ്രതീക്ഷിക്കുന്ന വില.
8,999 രൂപയാണ് എം 01 ന് വില കണക്കാക്കുന്നത്. 3 ജിബി റാമും 32 ജിബി സ്റ്റോറേജുമുള്ള പതിപ്പ് മാത്രമാണ് പുറത്തിറിക്കുന്നത്.
ഗാലക്സി എം11 നിലവിൽ യുഎഇയിൽ പുറത്തിറങ്ങിയിട്ടുണ്ട്. 6.4 ഇഞ്ച് എച്ച്ഡി+ഇൻഫിനിറ്റി-ക്യു ഡിസ്പ്ലേയും ആർട്ടിഫിഷ്യൽ ഇന്റലിജൻസ് കൈകാര്യം ചെയ്യാവുന്ന ഒക്ടാ കോർ പ്രൊസസറുമുണ്ടാവും. ബാറ്ററി: 5000 എംഎച്ച് , 15 വാട്ട് ഫാസ്റ്റ് ചാർജിങ്ങിനെ പിന്തുണയ്ക്കും.
13 മെഗാ പിക്സൽ പ്രൈമറി സെൻസറും, രണ്ട് എംപി ഡെപ്ത് സെൻസറും, അഞ്ച് എംപി വൈഡ് ആംഗിൾ സെൻസറും അടങ്ങിയതാണ് റിയർ ക്യാമറ സെറ്റപ്പ്. എട്ട് മെഗാപിക്സലാണ് സെൽഫി ക്യാമറയുടെ റസല്യൂഷൻ.
വാട്ടർ ഡ്രോപ് നോച്ചോടു കൂടിയ 5.7 ഇഞ്ച് എച്ച്ഡി ഡിസ്പ്ലേയാണ് എം 01 മോഡലിന്. 13 ഇഞ്ച് പ്രൈമറി സെൻസറുള്ള ഡ്യുവൽ ക്യാമറ, ക്വാൽകോം സ്നാപ്ഡ്രാഗൺ 439 പ്രൊസസർ, 4000 എംഎച്ച് ബാറ്ററി എന്നിവയാണ് മറ്റു സവിശേഷതകൾ.
ഗാലക്സി എ31 ഫോണിന്റെ ലോഞ്ച് എന്നാണെന്ന് സാംസങ്ങ് വ്യക്തമാക്കിയിട്ടില്ല. ഈ മാസം തന്നെ ഫോണിന്റെ ലോഞ്ച് ഉണ്ടാവുമെന്ന് ഐഎഎൻഎസ് വാർത്താ ഏജൻസി റിപോർട്ട് ചെയ്ചു. 23,000 രൂപയോളമാണ് വില പ്രതീക്ഷിക്കുന്നത്. 6..4 ഇഞ്ച് സൂപ്പർ അമോലെഡ് സിസ്പ്ലേ, മീഡിയാടെക് ഒക്ട കോർ പ്രൊസസർ, 6 ജിബി റാം, 128 ജിബി സ്റ്റോറേജ്, 48 മെഗാപിക്സൽ ക്വാഡ് റിയർ ക്യാമറ സെറ്റപ്പ്, 20 മെഗാപിക്സൽ സെൽഫി ക്യാമറ എന്നിവയാണ് പ്രതീക്ഷിക്കുന്ന സ്പെസിഫിക്കേഷൻ.
ഒപ്പോ ഫൈൻഡ് എക്സ്2, ഫൈൻഡ് എക്സ് 2 പ്രോ
Oppo Find X2, Find X2 Pro: Launch date, specifications, price in India: ഒപ്പോ ഇതിനകം തന്നെ വിവിധ രാജ്യങ്ങളിൽ ഫൈൻഡ് എക്സ് 2, ഫൈൻഡ് എക്സ് 2 പ്രോ സ്മാർട്ട്‌ഫോണുകൾ പുറത്തിറക്കിയിട്ടുണ്ട്. ,ഈ മാസം ഇന്ത്യയിൽ ഇവ പുറത്തിറക്കാനാണ് കമ്പനി ആലോചിക്കുന്നതെന്നാണ് റിപോർട്ടുകൾ. എന്നാൽ ഈമാസം എന്നാണ് ഇവ പുറത്തിറക്കുക എന്ന് വ്യക്തമല്ല.
ക്വാൽകോം സ്നാപ്ഡ്രാഗൺ 865 പ്രോസസറാണ് ഫൈൻഡ് എക്സ് 2, ഫൈൻഡ് എക്സ് 2 പ്രോ എന്നിവയിൽ. 65 വാട്ട് ഫാസ്റ്റ് ചാർജിങ്ങിനെ ഇരു മോഡലുകളും പിന്തുണയ്ക്കും.
വൺപ്ലസ് ഇസഡ്
OnePlus Z, OnePlus Ear Buds: ജൂലൈയിലാണ് വൺപ്ലസിന്റെ പുതിയ പ്രോഡക്ട് ലോഞ്ചുകൾ പ്രതീക്ഷിക്കുന്നത്. വൺപ്ലസിന്റെ ആദ്യ ട്രൂലി വയർലെസ് ഇയർബഡ്സും വൺപ്ലസ് ഇസഡ് ഫോണും ജൂലൈയിൽ ലോഞ്ച് ചെയ്യും.
വൺ പ്ലസിന്റെ നിലവിലുള്ള മോഡലുകളിൽ ഏറ്റവും വിലകുറഞ്ഞ ഫോണാവും വൺപ്ലസ് ഇസഡ്. വൺ പ്ലസിന്റെ മറ്റു ഫോണുകളിലേതിനേക്കാൾ കുറഞ്ഞ സ്പെസിഫിക്കേഷനുകണാണ് ഈ മോഡലിന്. മീഡിയ ടെക് ഡൈമെൺസിറ്റി 1000 പ്രോസസർ, 90 ഹെർട്സ് റിഫ്രഷ് റേറ്റുള്ള ഡിസ്പ്ലേ, 5 ജി പിന്തുണ എന്നിവ വൺപ്ലസ് ഇസഡ് മോഡലിനുണ്ടാവും.
ഹ്വാവേ പി40 പ്രോ
Huawei P40 Pro: Launch date, specifications, price in India:ഹ്വാവേ പി 40 പ്രോ ഈ മാസം ഈ ഉപകരണം ഇന്ത്യയിൽ വിപണിയിലെത്തുമെന്നാണ് റിപ്പോർട്ടുകൾ. ഗൂഗിൾ പിന്തുണയില്ലാതെ രാജ്യത്ത് പുറത്തിറങ്ങുന്ന ആദ്യത്തെ ഹുവാവേ ഫോണാവും ഇത്.
52 എംപി പ്രൈമറി സെൻസറും 40 എംപി സിനി ഷൂട്ടറും 8 എംപി ടെലിഫോട്ടോ ലെൻസുമുള്ള റിയർ ക്യാമറ സെറ്റപ്പ് ഫോണിനുണ്ടാവും.
ഐക്യൂ ഇസഡ് വൺ 5ജി
iQOO Z1 5G: Launch date, specifications, price in India: ഇന്ത്യയിൽ 5 ജി പിന്തുണയുള്ള സ്മാർട്ട് ഫോൺ ആദ്യമായി അവതരിപ്പിച്ച നിർമ്മാതാക്കളിൽ ഒരാളാണ് ഐക്യൂ. ഐക്യുഇ ഇസഡ് 1 5 ജി സ്മാർട്ട്ഫോൺ രാജ്യത്ത് ഉടൻ വിപണിയിലെത്തിക്കാനാണ് കമ്പനി ശ്രമിക്കുന്നതെന്നാണ് റിപോർട്ട്. മീഡിയടെക് ഡൈമെൻസിറ്റി 1000+ പ്രോസസർ, 144 ഹെർട്സ് ഡിസ്പ്ലേ, 5 ജി കണക്റ്റിവിറ്റി, 44 ഡബ്ല്യു ഫാസ്റ്റ് ചാർജിംഗ് എന്നീ സവിശേഷകതകളുമായി ഫോൺ അടുത്തിടെ ചൈനയിൽ അവതരിപ്പിച്ചു.
6 ജിബി റാം / 128 ജിബി സ്റ്റോറേജ് പതിപ്പ് 25,000 രൂപയ്ക്കും 8 ജിബി റാം / 256 ജിബി സ്റ്റോറേജ് പതി 30,000 രൂപയ്ക്കുമാവും ലഭ്യമാവുക.
റിയൽമീ എക്സ് 3
Realme X3: Launch date, specifications, price in India: റിയൽമീ എക്സ് 3 ഈ മാസം ഇന്ത്യയിൽ പുറത്തിറങ്ങുമെന്നാണ് പ്രതീക്ഷിക്കപ്പെടുന്നത്. 120 ഹെർട്സ് റിഫ്രഷ് റേറ്റുള്ള 6.6 ഇഞ്ച് ഫുൾ എച്ച്ഡി + ഡിസ്പ്ലേ ഫോണിനുണ്ടാവും. ക്വാൽകോം സ്നാപ്ഡ്രാഗൺ 855+ ആണ് പ്രോസസർ.
റിയൽമീ ടിവി, റിയൽമീ വാച്ച്, ബഡ്സ് എയർ നിയോ
Realme TV, Realme Watch, Realme Buds Air Neo: റിയൽമീയുടെ സ്മാർട്ട് ടിവിയും സ്മാർട്ട് വാച്ചും ഉടൻ പുറത്തിറങ്ങും. സ്മാർട്ട് ടിവിയുടെ പ്രധാന ഫീച്ചറുകൾ റിയൽമീ പുറത്തുവിട്ടിട്ടുണ്ട്. റിയൽമീ ടിവി എന്നു പേരിട്ടിരിക്കുന്ന ടിവിക്ക് ഫ്രെയിം ഇല്ലാത്ത (ബേസൽ ലെസ്) ഡിസൈനായിരിക്കും ക്രോമാ ബൂസ്റ്റ് പിക്ചർ എൻജിൻ, 64 ബിറ്റ് മീഡിയ ടെക് പ്രൊസസർ, 24 വാട്ട് ഡോൾബി ഓഡിയോ ഔട്ട്പുട്ട് പിന്തുണയ്ക്കുന്ന ക്വാഡ് സ്പീക്കർ സിസ്റ്റം എന്നിവയാണ് ടിവിയുടെ മറ്റ് പ്രത്യേകതകൾ. ടിവിയുടെ വില ഇതുവരെ പുറത്തുവിട്ടിട്ടില്ല.
റിയൽമീ വാച്ചിനെക്കുറിച്ചുള്ള വിവരങ്ങൾ കൂടുതലായി പുറത്തുവന്നിട്ടില്ല. റിയൽമീ പുറത്തുവിട്ട ടീസറിൽ ആപ്പിൾ വാച്ചിനോട് സാമ്യമുള്ള ഡിസൈനാണ് സ്മാർട്ട് വാച്ചിനുള്ളത്.
പുതിയ വയർലെസ് ഇയർഫോണുകളും റിയൽമീ പുറത്തിറക്കും. റിയൽമീ ബഡ്സ് എയർ നിയോ ആണ് പുറത്തിറങ്ങാനുള്ളത്. നേരത്തേ റിയൽമീ പുറത്തിറക്കിയ ബഡ്സ് എയറിനോട് കാഴ്ചയിൽ സാമ്യമുള്ളതാണ് നിയോ എഡിഷനും. വയർലെസ് ചാർജിങ്ങിനു പകരം മൈക്രോ യുഎസ്ബി പോർട്ടുകളാവും ബഡ്സ് എയർ നിയോയിലുണ്ടാവുക. ബഡ്സ് എയറിനേക്കാളും കുറഞ്ഞ വിലയാവും നിയോ എഡിഷനുണ്ടാവുകയെന്നാണ് സൂചന. 3999 രൂപയാണ് ബഡ്സ് എയറിന്റെ വില.
റെഡ്മിബുക്ക് 14, റെഡ്മി വാച്ച്, റെഡ്മി എയർ ഡോട്ട്സ്
RedmiBook 14, Redmi AirDots S, Redmi Watch: ഷവോമിയുടെ റെഡ്മിബുക്ക് 14 ലാപ്ടോപ്പ് ജൂണിൽ ഇന്ത്യയിൽ അവതരിപ്പിക്കുമെന്നാണ് സ്ലാഷ് ലീക്ക്സ് വെബ്സൈറ്റിൽനിന്നുള്ള വിവരം. 50,000 രൂപയിൽ താഴെ വിലയുള്ള ലാപ്ടോപ്പിൽ ഇൻറൽ കോർ ഐ5 പ്രൊസസർ, എട്ട് ജിബി റാം, 256 ജിബി ഇന്റേണൽ സ്റ്റോറേജ് എന്നിവയുണ്ടാവും.
റെഡ്മി വാച്ച് എന്ന പേരിൽ പുതിയ സ്മാർട്ട് വാച്ചും ഷവോമി പുറത്തിറക്കിയേക്കും. ബ്യൂറോ ഓഫ് ഇന്ത്യൻ സ്റ്റാൻഡേഡ്സിന്റെ (ബിഐഎസ്) പരിശാധനയ്ക്കായി റെഡ്മിയുടെ സ്മാർട്ട് വാച്ച് അയച്ചിട്ടുണ്ടെന്ന് റിപോർട്ടുകൾ പുറത്തുവന്നിരുന്നു. റെഡ്മിയുടെ സ്മാർട്ട് വാച്ച് ഉടൻ പുറത്തിറങ്ങുമെന്നാണ് ഇത് സൂചിപ്പിക്കുന്നത്.
Personal audio has definitely come a long way but what’s next?
Stay tuned as #Redmi is all set to bring you the next big thing!
Have you used any of these devices before? Comment with #NoStringsAttached and let us know. pic.twitter.com/vd3b52nVI4
— Redmi India (@RedmiIndia) May 19, 2020
സ്മാർട്ട് വാച്ചിന്റെ സ്പെസിഫിക്കേഷൻ സംബന്ധിച്ചുള്ള വിവരങ്ങളൊന്നും പുറത്തുവന്നിട്ടില്ല. ഗൂഗിൾ വാച്ച് ഒഎസ് പ്ലാറ്റ്ഫോമിലായിരിക്കും റെഡ്മി വാച്ച്. ക്വാൽകോം സ്നാപ് ഡ്രാഗൺ വെയർ പ്രൌസറാവും വാച്ചിലുണ്ടാവുകയെന്നാണ് പ്രാഥമിക വിവരം.
റെഡ്മിയുടെ വയർലെസ് ഇയർബഡ്സ് ഈ മാസം 26ന് ഇന്ത്യയിൽ ലോഞ്ച് ചെയ്യും. റെഡ്മി എയർ ഡോട്ട്സ് എസ് എന്ന പേരിടലുള്ള ഇയർ ബഡ്സ് ചൈനയിൽ 100 യുവാനാണ് (1100 രൂപയോളം) വില. പ്രോഡക്ടിന്റെ കൂടുതൽ വിവരങ്ങൾ കമ്പനി പുറത്തുവിട്ടിട്ടില്ല.
പോകോ എഫ്2 പ്രോ, പോകോ എം2, പോകോ പോപ് ബഡ്സ്
Poco Pop Buds, Poco M2,Poco F2 Pro: പോകോ എഫ്2 പ്രോ സ്മാർട്ട്ഫോണിന്റെ ഗ്രോബൽ ലോഞ്ച് അടുത്തിടെ കഴിഞ്ഞിരുന്നു. എന്നാൽ പ്രോഡക്ട് ഇന്ത്യൻ വിപണയിൽ എത്തിയിട്ടില്ല. എഫ്2 പ്രോയുടെ ഇന്ത്യൻ ലോഞ്ച് ഉടനുണ്ടാവുമെന്നാണ് പ്രതീക്ഷിക്കപ്പെടുന്നത്. പോകോ എം2 പ്രോ എന്ന സ്മാർട്ട്ഫോണും കമ്പനി പുറത്തിറക്കും.
Hey POCO fans, couple of weeks ago we asked you which product we should bring next and you chose TWS (Earbuds). We’re happy to announce that we’re a step closer in making it a reality & we want your help in choosing a name for it. Vote and let’s know what we should call it.
— C Manmohan (@cmanmohan) May 18, 2020
;
ഇതിനു പിറകേ പോകോയുടെ ഇയർ ബഡ്സ് പോകോ പോപ് ബഡ്സും പുറത്തിറങ്ങും. ഇവ സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല.
ഗൂഗിൾ പിക്സൽ 4എ
New Google Pixel, Android 11 Public Beta: പിക്സൽ സ്മാർട്ട്ഫോൺ ശ്രേണിയിലെ വില കുറഞ്ഞ മോഡലായ ഗൂഗിൾ പിക്സൽ 4എ ജൂൺ മൂന്നിന് ലോഞ്ച് ചെയ്യുമെന്ന് ഗൂഗിൾ പ്രഖ്യാപിച്ചിരുന്നു. ആൻഡ്രോയ്ഡ് 11 പതിപ്പിന്റെ ആദ്യ പബ്ലിക് ബീറ്റ പ്രിവ്യൂവും ജൂണിൽ അവതരിപ്പിക്കും. ഉയരം കൂടിയ സ്ക്രീനും ഹോൾ പഞ്ച് ഡിസ്പേയും പിക്സൽ 4എ മോഡലിനുണ്ടാവും.
Read More: Realme TV to Redmi AirDots S: All the upcoming launches
