scorecardresearch
Latest News

ട്വീറ്റ് എഡിറ്റ് ചെയ്യാം; പക്ഷെ എത്ര തവണ? ട്വിറ്ററിന്റെ പുതിയ ഫീച്ചര്‍ ഇങ്ങനെ

ഉപയോക്താക്കളുടെ ഉപയോഗം നിരീക്ഷിച്ച ശേഷം ഭാവിയില്‍ പരിധിയും സമയപരിധിയും മാറ്റിയേക്കുമെന്നും കമ്പനി അറിയിച്ചു

ട്വീറ്റ് എഡിറ്റ് ചെയ്യാം; പക്ഷെ എത്ര തവണ? ട്വിറ്ററിന്റെ പുതിയ ഫീച്ചര്‍ ഇങ്ങനെ

ന്യൂഡല്‍ഹി:ട്വീറ്റ് പോസ്റ്റ് ചെയ്തതിന് ശേഷം 30 മിനിറ്റിനുള്ളില്‍ അവ എഡിറ്റ് ചെയ്യാന്‍ കഴിയുന്ന ഫീച്ചര്‍ ട്വിറ്റര്‍ ഈ മാസം ആദ്യം അവതരിപ്പിച്ചിരുന്നു. എന്നാല്‍ ഇപ്പോള്‍ പുറത്തുവരുന്ന വിവരം ട്വിറ്റര്‍ ഉപയോക്താക്കള്‍ക്ക് ട്വീറ്റ് എഡിറ്റ് ചെയ്യാന്‍ കഴിയുന്ന തവണ പരിമിതപ്പെടുത്തുമെന്നാണ്
തോന്നുന്നത്.

30 മിനിറ്റിനുള്ളില്‍ ഉപയോക്താക്കള്‍ക്ക് അവരുടെ ട്വീറ്റുകള്‍ അഞ്ച് തവണ വരെ മാത്രമേ എഡിറ്റ് ചെയ്യാന്‍ കഴിയൂ എന്ന് ടെക്ക്ക്രഞ്ച് റിപ്പോര്‍ട്ട് ചെയ്തു. അക്ഷരത്തെറ്റുകള്‍ തിരുത്താന്‍ ശ്രമിക്കുന്നവര്‍ക്കും ചിത്രങ്ങളോ വീഡിയോകളോ ഹാഷ്ടാഗുകളോ ചേര്‍ക്കാന്‍ ആഗ്രഹിക്കുന്നവര്‍ക്ക് ഇത് മതിയാകുമെങ്കിലും, ഫീച്ചര്‍ ദുരുപയോഗം ചെയ്യുന്നതില്‍ നിന്ന് ഉപയോക്താക്കളെ തടയാന്‍ ട്വിറ്റര്‍ നടപടി സ്വീകരിക്കുന്നതായി തോന്നുന്നു. ഉപയോക്താക്കളുടെ ഉപയോഗം നിരീക്ഷിച്ച ശേഷം ഭാവിയില്‍ പരിധിയും സമയപരിധിയും മാറ്റിയേക്കുമെന്നും കമ്പനി അറിയിച്ചു. നിലവില്‍, ‘എഡിറ്റ് ട്വീറ്റ്’ ഫീച്ചര്‍ പരീക്ഷിച്ചുകൊണ്ടിരിക്കുകയാണ്, ട്വിറ്റര്‍ ബ്ലൂ വരിക്കാരായവര്‍ക്ക് മാത്രമേ ഇത് ലഭ്യമാകൂ. ന്യൂസിലന്‍ഡില്‍ താമസിക്കുന്നവര്‍ക്കാണ് ഈ ഫീച്ചര്‍ ആദ്യം ലഭ്യമാകുക.

കൂടാതെ, എഡിറ്റുചെയ്ത ട്വീറ്റുകള്‍ക്ക് ഒരു ഐക്കണും ടൈംസ്റ്റാമ്പും ലേബലും ഉണ്ടായിരിക്കുമെന്നത് ശ്രദ്ധിക്കേണ്ടതാണ്, അതിനാല്‍ യഥാര്‍ത്ഥ ട്വീറ്റില്‍ എന്ത് പരിഷ്‌ക്കരണങ്ങളാണ് വരുത്തിയതെന്ന് ഉപയോക്താക്കള്‍ക്ക് എളുപ്പത്തില്‍ കാണാന്‍ കഴിയും. ഒരുപിടി ഉപയോക്താക്കള്‍ക്ക് ഇത് എങ്ങനെ ദുരുപയോഗം ചെയ്യാം എന്ന് മനസിലാക്കാന്‍ നിലവില്‍ ഫീച്ചര്‍ പ്രാപ്തമാക്കുകയാണെന്ന് ട്വിറ്റര്‍ പറയുന്നു.

‘എഡിറ്റ് ട്വീറ്റ്’ ഫീച്ചറിന് പുറമെ, ഇന്ത്യയിലെ ചില ആന്‍ഡ്രോയിഡ് ഉപയോക്താക്കള്‍ക്കായി ട്വിറ്റര്‍ ‘ഷെയര്‍’ ബട്ടണിനെ വാട്ട്സ്ആപ്പ് ഐക്കണാക്കി മാറ്റിയതായും റിപ്പോര്‍ട്ട് പറയുന്നു. വാട്ട്സ്ആപ്പ് ഓപ്ഷന്‍ സെലക്ട് ചെയ്യുമ്പോള്‍ ഇപ്പോഴും വാട്ട്സ്ആപ്പിന് പകരം ഷെയര്‍ മെനു തുറക്കുന്നു എന്നതും ശ്രദ്ധേയമാണ്.

Stay updated with the latest news headlines and all the latest Tech news download Indian Express Malayalam App.

Web Title: Twitter says it will let users edit tweets up to five times