‘അവൾ എപ്പോഴും ബഹിരാകാശത്തേക്ക് പറക്കാൻ ആഗ്രഹിച്ചിരുന്നു;’ ഇത് സിരിഷയുടെ സ്വപ്ന സാക്ഷാത്കാരം

“അവൾ കുട്ടിയായിരിക്കുമ്പോൾ വിമാനങ്ങളെക്കുറിച്ചും ആകാശത്തെക്കുറിച്ചും ബഹിരാകാശ യാത്രയെക്കുറിച്ചും ധാരാളം ചോദിക്കാറുണ്ടായിരുന്നു. അവയെക്കുറിച്ചെല്ലാം അവൾ എഴുതുമായിരുന്നു,” നാഗയ്യ പറഞ്ഞു.

irgin galactic, Richard Branson, Richard Branson space trip, Sirisha Bandla , Sirisha Bandla space trip, Richard Branson rocket, Indian express, Indian express news, സിരിഷ ബന്ദ്ല, സിരിഷ, Malayalam news, News in Malayalam, ie malayalam
Screen Grab From Virgin Galactic Live Stream

വ്യവസായ പ്രമുഖനായ റിച്ചാർഡ് ബ്രാൻസൺ ബഹിരാകാശത്തേക്ക് പറക്കാനുള്ള കാലങ്ങളായുള്ള തന്റെ ആഗ്രഹം നിറവേറ്റിയപ്പോൾ, ആ “മാന്ത്രിക” യാത്രയിൽ അദ്ദേഹത്തോടൊപ്പമുണ്ടായിരുന്ന അഞ്ച് പേരിൽ ആന്ധ്രാപ്രദേശിലെ ഗുണ്ടൂരിൽ വേരുകളുള്ള ഒരു 33 വയസ്സുകാരിയുമുണ്ടായിരുന്നു.

നാസയിലെ ബഹിരാകാശയാത്രികരായിരുന്ന കൽപ്പന ചൗളയ്ക്കും സുനിത വില്യംസിനും ശേഷം ബഹിരാകാശത്തേക്ക് പറന്ന മൂന്നാമത്തെ ഇന്ത്യൻ വംശജയായ വനിതയായി മാറിയ സിരിഷ ബന്ദ്‌ലയാണ് ബഹിരാകാശ യാത്രാ സംഘത്തിലുണ്ടായിരുന്നത്. ബ്രാൻസന്റെ വിർജിൻ ഗാലക്റ്റികിൽ സർക്കാർ കാര്യങ്ങളുടെയും ഗവേഷണ പ്രവർത്തനങ്ങളുടെയും ചുമതലയുള്ള വൈസ് പ്രസിഡൻറാണ് സിരിഷ.

ചെറുപ്പം മുതൽ തന്നെ സിരിഷയ്ക്ക് ബഹിരാകാശ മേഖലയോട് താൽപര്യമുണ്ടായിരുന്ന ആളായിരുന്നു സിരിഷ എന്നാണ് അവരുടെ മുത്തച്ഛൻ ബന്ദ്ല നാഗയ്യ പറഞ്ഞത്.

“വളരെ ചെറുപ്പം മുതലേ അവൾക്ക് ആകാശം, ചന്ദ്രൻ, നക്ഷത്രങ്ങൾ എന്നിവയെക്കുറിച്ചെല്ലാം അറിയാനുള്ള ആഗ്രഹമുണ്ടായിരുന്നു. സിരിഷ ബഹിരാകാശത്തേക്ക് കണ്ണു പതിച്ചിരുന്നു. അവളുടെ സ്വപ്നം സാക്ഷാത്കരിക്കുന്നതിൽ ഞാൻ ഒട്ടും ആശ്ചര്യപ്പെടുന്നില്ല,” ബന്ദ്‌ല നാഗയ്യ ഞായറാഴ്ച ബഹിരാകാശ വിമാനം യാത്ര ആരംഭിക്കുന്നതിന് മുമ്പ് ഇന്ത്യൻ എക്സ്പ്രസിനോട് പറഞ്ഞു.

Read More: ബഹിരാകാശത്തെത്തുന്ന മൂന്നാമത്തെ ഇന്ത്യക്കാരിയായി സിരിഷ: വിർജിൻ ഗാലക്ടിക് യാത്ര വിജയകരം

“ബഹിരാകാശത്തേക്ക് പോകാനുള്ള ടീമിന്റെ ഭാഗമാണെന്ന വാർത്ത കേട്ട ശേഷം ഞാൻ അവളെ വിളിച്ചു. അവൾ ഡ്രൈവ് ചെയ്യുകയായിരുന്നുവെങ്കിലും കോളിന് മറുപടി നൽകി. ഞാൻ അവളെ അഭിനന്ദിച്ചപ്പോൾ, അവൾ ഒടുവിൽ അത് സംഭവിക്കുന്നുവെന്ന് പറഞ്ഞു, ഒപ്പം എനിക്ക് നന്ദി പറഞ്ഞു,’’ ഡോ നാഗയ്യ പറഞ്ഞു.

ബ്രാൻസൺ, സിരിഷ എന്നിവർക്ക് പുറമെ പൈലറ്റുമാരായ ഡേവിഡ് മാക്കെ, മൈക്കൽ മസൂച്ചി, വിർജിൻ ഗാലക്‌ടിക്കിന്റെ മുഖ്യ ബഹിരാകാശ പരിശീലകൻ ബെത്ത് മോസസ്, ലീഡ് ഓപ്പറേഷൻസ് എഞ്ചിനീയർ കോളിൻ ബെന്നറ്റ് എന്നിവരായിരുന്നു ഗാലക്‌സിക് യൂണിറ്റി 22 എന്ന ബഹിരാകാശ പേടകത്തിൽ യാത്ര ചെയ്ത് വിജയകരമായി തിരിച്ചെത്തിയത്.

“കഴിഞ്ഞ നവംബറിൽ അവർ ഗുണ്ടൂരിൽ വന്നിരുന്നു, പതിവുപോലെ അവൾ ഊർജ്ജസ്വലയായിട്ടായിരുന്നു, നിരവധി ആശയങ്ങൾ പങ്കുവച്ചിരുന്നു. കഴിഞ്ഞ തവണ സന്ദർശിച്ചപ്പോൾ ബഹിരാകാശത്തേക്ക് പോകുന്നതിനെക്കുറിച്ച് അവൾ സംസാരിച്ചിരുന്നില്ല, എന്നാൽ താൻ വളരെ പ്രധാനപ്പെട്ട ജോലി ചെയ്യുന്നുണ്ടെന്ന് അവൾ പരാമർശിച്ചിരുന്നു, ”ആചാര്യ എൻ ജി രംഗ കാർഷിക സർവ്വകലാശാലയിൽ കാർഷിക ശാസ്ത്രജ്ഞനായി വിരമിച്ച നാഗയ്യ പറഞ്ഞു.

Read More: ഇന്ത്യൻ വംശജയടക്കം ആറ് യാത്രികർ; വിർജിൻ ഗാലക്റ്റിക് ബഹിരാകാശ വിമാനയാത്ര വിജയകരം

ചിരളയിൽ അമ്മയുടെ മുത്തശ്ശിയുടെ വീട്ടിലാണ് സിരിഷ ജനിച്ചത്. തുടർന്ന് കുടുംബം ഗുണ്ടൂരിലെ തെനാലിയിലേക്ക് മാറി. 5 വയസ്സുവരെ സിരിഷ നാഗയ്യ താമസിച്ചിരുന്ന ഹൈദരാബാദിലും തെനാലിയിൽ വീട്ടിലുമായി വളർന്നു.

അതിനുശേഷം, അമേരിക്കയിലെ ഹൂസ്റ്റണിൽ മാതാപിതാക്കളോടൊപ്പം താമസിക്കാൻ പോയി. യുഎസ് സർക്കാർ ജീവനക്കാരായ സിരിഷയുടെ മാതാപിതാക്കൾ നിലവിൽ ഇന്ത്യയിൽ നിയമിതരാണ്.

“വർഷങ്ങളോളം സിരിഷയും സഹോദരിയും എല്ലാ വർഷവും ഇന്ത്യയിലേക്ക് വരാറുണ്ടായിരുന്നു, ചിലപ്പോൾ രണ്ടുതവണ. ഹ്യൂസ്റ്റണിൽ, നാസയുടെ ബഹിരാകാശ പര്യവേഷണത്തിന്റെ പ്രവർത്തനങ്ങളിലേക്കും വാർത്തകളിലേക്കും സിരിഷ ആകർഷിക്കപ്പെട്ടിരുന്നു. വളരെ ചെറുപ്പം മുതൽ അവൾ എയറോനോട്ടിക്സ്, എയ്‌റോസ്‌പേസ് എന്നിവയിൽ ശ്രദ്ധാലുവായിരുന്നു. അവൾ വലിയ കാര്യങ്ങൾ ചെയ്യാൻ വിധിക്കപ്പെട്ടവളാണണെന്ന് എനിക്കറിയാമായിരുന്നു,” അദ്ദേഹം പറഞ്ഞു.

പർഡ്യൂ സർവകലാശാലയിൽ നിന്ന് എയ്‌റോസ്‌പേസ് എയറോനോട്ടിക്കൽ എഞ്ചിനീയറിംഗിൽ സിരിഷ ബിരുദം നേടിയതായും പിന്നീട് ജോർജ്ജ് വാഷിംഗ്ടൺ യൂണിവേഴ്‌സിറ്റിയിൽ നിന്ന് ബിസിനസ് അഡ്മിനിസ്ട്രേഷനിൽ ബിരുദാനന്തര ബിരുദം നേടിയതായും നാഗയ്യ പറഞ്ഞു.

“അവൾ ഒരു കുട്ടിയായിരിക്കുമ്പോൾ, വിമാനങ്ങളെക്കുറിച്ചും ആകാശത്തെക്കുറിച്ചും ബഹിരാകാശ യാത്രയെക്കുറിച്ചും ധാരാളം ചോദ്യങ്ങൾ ചോദിക്കാറുണ്ടായിരുന്നു. ആകാശത്തെയും ബഹിരാകാശത്തെയും കുറിച്ചുള്ള അവളുടെ ചിന്തകളും ആശയങ്ങളും അവൾ എഴുതിയിരുന്നു. അവൾ ഭാവിയിൽ ചെയ്യാൻ ആഗ്രഹിക്കുന്നതിന്റെ രേഖകളായിരുന്നു അവയെന്ന് ഇപ്പോൾ ഞാൻ കരുതുന്നു ചെയ്യുക,” നാഗയ്യ പറഞ്ഞു.

“ഞാൻ കോവിഡ് -19 ൽ നിന്ന് കരകയറുകയാണ്, പക്ഷേ എന്റെ ചെറുമകളെക്കുറിച്ച് സംസാരിക്കുന്നതിൽ ഞാൻ വളരെ സന്തോഷിക്കുകയും അഭിമാനിക്കുകയും ചെയ്യുന്നു. അവൾ എല്ലാവർക്കും അഭിമാനമാവുന്നു. ബഹിരാകാശത്തേക്ക് പോകുന്നതിനെക്കുറിച്ച് സ്വപ്നം കാണുന്നത് ഒരു കാര്യമാണ്, പക്ഷേ യഥാർത്ഥത്തിൽ അത് നേടാൻ വളരെയധികം അർപ്പണബോധവും സ്ഥിരോത്സാഹവും ആവശ്യമാണ്, അവർക്ക് അത് ധാരാളം ഉണ്ട്,’’ നാഗയ്യ പറഞ്ഞു.

Get the latest Malayalam news and Tech news here. You can also read all the Tech news by following us on Twitter, Facebook and Telegram.

Web Title: Sirisha bandla space flight richard branson virgin galactic spaceport america

Next Story
Xiaomi Mi 7th anniversary sale 2021: ഷവോമി എംഐ ആനിവേഴ്സറി സെയിൽ; ഫോണുകൾ മികച്ച ഓഫറുകളിൽXiaomi, Xiaomi India, Mi anniversary sale, Mi anniversary sale 2021, Mi anniversary sale best offers, mi sale, redmi sale, xiaomi sale, amazon sale, ie malayalam
The moderation of comments is automated and not cleared manually by malayalam.indianexpress.com