Samsung Galaxy M52 5G: സാംസങ് ഗാലക്‌സി എം52 5ജി ഇന്ത്യയിൽ പുറത്തിറങ്ങി; വിലയും സവിശേഷതകളും അറിയാം

ഏറ്റവും പുതിയ സാംസങ് ഫോണിനെക്കുറിച്ച് അറിയേണ്ടതെല്ലാം

Samsung Galaxy M52 5G launched in India: Price, offers, and specifications: സാംസങ് ഗാലക്‌സി എം52 5ജി സ്മാർട്ട്‌ഫോൺ ഇന്ത്യയിൽ അവതരിപ്പിച്ചു. സാംസങ് ഗാലക്സി എം51ന്റെ പിൻഗാമിയാണ് ഈ പുതിയ ഫോൺ. 30,000 രൂപയിൽ താഴെ വിലവരുന്ന മിഡ് റേഞ്ച് ഫോണാണിത്, ഏറ്റവും പുതിയ സാംസങ് ഫോണിനെക്കുറിച്ച് അറിയേണ്ടതെല്ലാം താഴെ വായിക്കാം.

Samsung Galaxy M52 5G: Price in India, offers – സാംസങ് ഗാലക്‌സി എം52 5ജി ഇന്ത്യയിലെ വില, ഓഫറുകൾ

സാംസങ് ഗാലക്സി എം52 5ജി യുടെ വില 29,999 രൂപയാണ്, 6ജിബി റാം + 128ജിബി സ്റ്റോറേജ് മോഡലിന്റെ വിലയാണിത്. ഇതിന്റെ 8 ജിബി റാം + 128 ജിബി സ്റ്റോറേജ് വേരിയന്റിന് 31,999 രൂപയാണ് വില. സാംസങ് വെബ്സൈറ്റ്, ആമസോൺ, മറ്റു പ്രമുഖ ഓൺലൈൻ പോർട്ടലുകൾ, തിരഞ്ഞെടുത്ത റീട്ടെയിൽ സ്റ്റോറുകൾ എന്നിവ വഴി പുതിയ സാംസങ് ഫോൺ വാങ്ങാവുന്നതാണ്.

ആമസോൺ ഗ്രേറ്റ് ഇന്ത്യൻ ഫെസ്റ്റിവൽ വിൽപ്പനയുടെ ഭാഗമായി സാംസങ് ഗാലക്സി എം52 5ജി 26,999 രൂപയ്ക്ക് വാങ്ങാൻ കഴിയും. ഉയർന്ന മോഡൽ 28,999 രൂപയ്ക്ക് ലഭിക്കും. ഈ ഓഫർ പരിമിതകാലത്തേക്ക് മാത്രമായിരിക്കുമെന്ന് കമ്പനി അറിയിച്ചിട്ടുണ്ട്.

Samsung Galaxy M52 5G specifications, features – സാംസങ് ഗാലക്‌സി എം52 5ജി സവിശേഷതകൾ

പുതിയ സാംസങ് ഗാലക്സി എം52 5ജി 6.7 ഇഞ്ച് വലിപ്പമുള്ളഫുൾഎച്ഡി+ സൂപ്പർ അമോഎൽഇഡി ഡിസ്പ്ലേയിലാണ് വരുന്നത്. ഇതിൽ 120ഹേർട്സ് വരെ റിഫ്രഷ് നിരക്ക് ലഭിക്കും, കൂടാതെ 20: 9 വീക്ഷണാനുപാതവുമുണ്ട്. ആൻഡ്രോയിഡ് 11 ലാണ് ഈ മിഡ് റേഞ്ച് ഫോൺ പ്രവർത്തിക്കുന്നത്.

ക്വാൽകോം സ്‌നാപ്ഡ്രാഗൺ 778 ജി പ്രോസസറാണ് ഇതിന് കരുത്ത് പകരുന്നത്, ഇതിൽ 8 ജിബി റാമും 128 ജിബി സ്റ്റോറേജും വരുന്നു. മൈക്രോ എസ്ഡി കാർഡ് മുഘേന 1ടിബി വരെ ഇന്റെർണൽ സ്റ്റോറേജ് ഉയർത്താനും കഴിയും.

ഫൊട്ടോഗ്രാഫിക്കായി 64എംപി പ്രധാന ക്യാമറ ഉൾപ്പെടുന്ന ട്രിപ്പിൾ ക്യാമറ സജ്ജീകരണമാണ് പിന്നിൽ നൽകിയിരിക്കുന്നത്. ഇതിൽ ഒരു 12 എംപി സെക്കൻഡറി സെൻസറും 5 എംപി മാക്രോ സെൻസറും വരുന്നു. മുൻവശത്ത് 32 എംപി സെൽഫി ക്യാമറയും നൽകിയിട്ടുണ്ട്.

Also Read: ഐക്യൂ Z5 ഇന്ത്യയിൽ അവതരിപ്പിച്ചു; പുതിയ ഫോണിനെ കുറിച്ച് അറിയേണ്ടതെല്ലാം

25വാട്ടിന്റെ ഫാസ്റ്റ് ചാർജിംഗിന് പിന്തുണയുള്ള 5,000 എംഎഎച്ച് ബാറ്ററിയുമായാണ് പുതിയ സാംസങ് ഗാലക്സി എം52 5ജി വരുന്നത്. ഫോണിന്റെ ഒരു വശത്തായി ഫിംഗർപ്രിന്റ് സെൻസറും നൽകിയിരിക്കുന്നു.

കണക്റ്റിവിറ്റിക്കായി 5ജി, 4ജി എൽടിഇ, വൈ ഫൈ 6, ബ്ലൂടൂത്ത് വി5, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവയുണ്ട്. ഡോൾബി അറ്റ്മോസ്, എൻഎഫ്സി, നോക്സ് സെക്യൂരിറ്റി എന്നിവയോടെയാണ് പുതിയ സാംസങ് ഫോൺ വരുന്നത്.

Get the latest Malayalam news and Tech news here. You can also read all the Tech news by following us on Twitter, Facebook and Telegram.

Web Title: Samsung galaxy m52 5g launched in india price offers sale and specifications

Next Story
WhatsApp: വാട്സ്ആപ്പിൽ മൾട്ടി-ഡിവൈസ് 2.0, മെസേജ് റിയാക്ഷൻ ഫീച്ചറുകൾ ഉടൻwhatsapp, whatsapp messages, whatsapp tips, whatsapp tricks, whatsapp ios, whatsapp features, whatsapp ios, whatsapp android, google assistant, ie malayalam
The moderation of comments is automated and not cleared manually by malayalam.indianexpress.com