Redmi 9: ക്വാഡ് ക്യാമറ സെറ്റപ്പും 5020 mAh ബാറ്ററിയും; അറിയാം റെഡ്മിയുടെ ഏറ്റവും പുതിയ മോഡലിന്റെ വിശേഷങ്ങൾ

13MPയുടെ മെയിൻ സെൻസറിനൊപ്പം 8MPയുടെ അൾട്ര വൈഡ് ആംഗിളും 5MPയുടെ മാക്രോ ഷൂട്ടറും 2MPയുടെ ഡെപ്ത് സെൻസറുമാണ് റിയർ ക്യാമറയിൽ ഉൾപ്പെടുത്തിയിരിക്കുന്നത്

ഡിജിറ്റൽ രംഗത്തെ ജനപ്രിയ നിർമാതാക്കളായ ഷവോമി ഏറ്റവും പുതിയ മോഡൽ സ്മാര്‍ട്ട് ഫോണ്‍ വിപണിയിലെത്തിച്ചു. പുതുതായി അവതരിപ്പിച്ച റെഡ്മി 9 സ്മാർട്ഫോണിന്റെ പ്രവർത്തനം മീഡിയടെക് ഹീലിയോ ജി 80എസ് ഒ സി പ്രൊസസറിലാണ്. അതോടൊപ്പം 5,020 mAh ബാറ്ററിയും എടുത്ത് പറയേണ്ട പ്രത്യേകതയാണ്.

Also Read: ഷവോമി മീ നോട്ട്ബുക്ക്: വിലയും സവിശേഷതകളും അറിയാം

6.53 ഇഞ്ച് ഫുൾ എച്ച്ഡി+ (1,080 x 2,340 പിക്‌സലുകള്‍) ഡിസ്‌പ്ലേയുള്ള ഫോണിന് ഗൊറില്ല ഗ്ലാസ് 3 സുരക്ഷയും കമ്പനി നല്‍കുന്നു.  4 ജിബി റാമും 64 ജിബി ഇന്റേണല്‍ മെമ്മറിയുമുൾപ്പെടുന്നതാണ് മെമ്മറി പാക്കേജ്. 3 ജിബി + 32 ജിബി സ്റ്റോറേജ് ഓപ്ഷനിലുള്ള മോഡലും കമ്പനി വിപണിയിൽ എത്തിക്കുന്നു. മൈക്രോ എസ്ഡി കാർഡ് ഉപയോഗിച്ച് മെമ്മറി വർധിപ്പിക്കാനും സാധിക്കും.

നേരത്തെ സൂചിപ്പിച്ചതുപോലെ ക്വാഡ് ക്യാമറ സെറ്റപ്പാണ് പിന്നിലുള്ളത്. 13 എംപിയുടെ മെയിൻ സെൻസറിനൊപ്പം 8 എംപിയുടെ അൾട്ര വൈഡ് ആംഗിളും 5 എംപിയുടെ മാക്രോ ഷൂട്ടറും 2 എംപിയുടെ ഡെപ്ത് സെൻസറുമാണ് റിയർ ക്യാമറയിൽ ഉൾപ്പെടുത്തിയിരിക്കുന്നത്.

Also Read: ഇനി ബച്ചൻ പറയുന്ന വഴിയിലൂടെ; ഗൂഗിൾ മാപ്സിനു പുതിയ ശബ്ദം

നിലവിൽ പുതിയ മോഡൽ സ്‌പെയിനിൽ മാത്രമാണ് അവതരിപ്പിച്ചിരിക്കുന്നത്. വൈകാതെ തന്നെ ഇന്ത്യ അടക്കമുള്ള വലിയ വിപണികളിലേക്കും ഫോണെത്തുമെന്നാണ് വിവരം. 3 ജിബി + 32 ജിബി സ്റ്റോറേജ് ഓപ്ഷനിലുള്ള ഫോണിന് സ്പെയിനിൽ 149 യൂറോയാണ് ഏകേദശം 12,800 രൂപ. 4 ജിബി + 64 ജിബി സ്റ്റോറേജ് ഓപ്ഷനിലുള്ള ഫോണിന് സ്പെയിനിൽ 179 യൂറോയാണ് ഏകേദശം 15,300 രൂപ.

Get the latest Malayalam news and Tech news here. You can also read all the Tech news by following us on Twitter, Facebook and Telegram.

Web Title: Redmi 9 launched price and specification

Next Story
ഷവോമി മീ നോട്ട്ബുക്ക്: വിലയും സവിശേഷതകളും അറിയാംXiaomi Mi Notebook, laptop, ie malayalam
The moderation of comments is automated and not cleared manually by malayalam.indianexpress.com