റിയൽമി സി 1ന്റെ പുതിയ രണ്ടു പതിപ്പുകൾ റിയൽമി ഇന്ത്യയിൽ പുറത്തിറക്കി. 2 ജിബി+32 ജിബി, 3ജിബി+32 ജിബി വേരിയന്റിലാണ് ഫോൺ ലഭിക്കുക. ഫ്ലിപ്കാർട്ടിൽ 7,499, 8,499 രൂപയാണ് ഫോണിന്റെ വില. നേവി ബ്ലൂ, മിറർ ബ്ലാക്ക് എന്നീ രണ്ടു നിറങ്ങളിലാണ് റിയൽമി സി 1 2019 എത്തിയത്.
റിയൽമി സി 1 2019 പുതിയൊരു സ്മാർട്ഫോൺ ആണെന്ന് പറയാനാവില്ല. റിയൽമി സി 1നെ അപേക്ഷിച്ച് പുതിയ സ്റ്റോറേജ് വേരിയന്റ്സിലാണ് റിയൽമി സി 1 2019 പുറത്തിറക്കിയിട്ടുള്ളത്. റിയൽമി സി 1നെ അപേക്ഷിച്ച് ഇതൊരു ചെറിയ നവീകരണമാണ്.
റിയൽമി സി 1 ൽ 6.2 ഇഞ്ച് 1520×720 നോച്ച്ഡ് ഡിസ്‌പ്ലെയാണുള്ളത്. 2ജിബി/3ജിബി റാം, 16 ജിബി/32 ജിബി ഇന്റേണൽ സ്റ്റോറേജുമുണ്ട്. 13 എംപി റിയല്‍ സെന്‍സര്‍ 2 എംപി സെക്കൻഡറി സെന്‍സര്‍ എന്നിവയുള്ള ഡ്യുവൽ ക്യാമറ ഫോണിനുണ്ട്. 4,230 Mah ബാറ്ററിയാണ് ഫോണിനുള്ളത്.
ഇന്ത്യൻ വിപണിയിൽ എം-സീരീസ് പതിപ്പുകൾ പുറത്തിറക്കാൻ സാംസങ് പദ്ധതി ഇടുന്നതിന്റെ ഭാഗമായാണ് റിയൽമി സി 1 രണ്ടു വേരിയന്റുകൾ ഇന്ത്യയിൽ പുറത്തിറക്കിയത്.
Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook
