Best smartphones under Rs 25,000- ഈ വേനൽക്കാലത്ത് നിങ്ങൾ ഒരു മിഡ് റേഞ്ച് സ്മാർട്ട്‌ഫോൺ വാങ്ങാൻ ആഗ്രഹിക്കുന്നുവെങ്കിൽ, ബ്രാൻഡുകൾ, സെഗ്‌മെന്റുകൾ, വൈവിധ്യമാർന്ന ഇന്റേണൽ സ്പെസിഫിക്കേഷനുകൾ എന്നിവയിലുടനീളമുള്ള ഓപ്ഷനുകളുടെ എണ്ണം നിങ്ങളെ ആശയക്കുഴപ്പത്തിലാക്കിയേക്കാം. 20,000 രൂപയ്ക്കും 25000 രൂപയ്ക്കും ഇടയിൽ ഈ മാസം വാങ്ങാൻ കഴിയുന്ന മികച്ച സ്മാർട്ട്ഫോണുകളുടെ ഒരു ലിസ്റ്റ് ഞങ്ങൾ സമാഹരിച്ചിരിക്കുന്നു.
ഈ ഫോണുകൾ വിലയിലും ക്യാമറ ശേഷിയിലും മറ്റ് വശങ്ങളിലും മികച്ച സവിശേഷതകളോടെയാണ് വരുന്നത്. ഈ ഫോണുകൾക്കെല്ലാം 25,000 രൂപയിൽ താഴെ വിലയുള്ളപ്പോൾ, ആമസോണിലും ഫ്ലിപ്കാർട്ടിലും വരാനിരിക്കുന്ന വിൽപ്പനയിൽ ഈ ഫോണുകളിൽ ചിലതിന്റെ വില ഇനിയും കുറഞ്ഞ് വാങ്ങാൻ നിങ്ങൾക്ക് കഴിഞ്ഞേക്കും.
ഐക്യൂ സീ6 പ്രോ-Iqoo Z6 Pro
ഈ ലിസ്റ്റിലെ ഏറ്റവും പുതിയ ഫോണാണ് ഐക്യൂ സീ6 പ്രോ. ഐക്യൂയുടെ സീ-സീരീസ് ഫോണുകളിലൊന്നായതിനാൽ, ഈ ഉപകരണം പെർഫോമൻസ്-അധിഷ്‌ഠിതമാണ്, കൂടാതെ ഫോട്ടോകൾ, വീഡിയോകൾ അല്ലെങ്കിൽ യാത്രയ്‌ക്കിടയിൽ മറ്റെന്തെങ്കിലും എഡിറ്റുചെയ്യുന്നതിന് മികച്ച പവർ ആഗ്രഹിക്കുന്നവർക്കും ഗെയിമർമാർക്കും മറ്റുള്ളവർക്കും ഇത് ഒരു മികച്ച തിരഞ്ഞെടുപ്പാണ്.
എച്ച്ഡിആർ10+ സർട്ടിഫിക്കേഷനും 90ഹെട്സ് റിഫ്രഷ് നിരക്കും 1300 നിറ്റ്സ് പീക്ക് തെളിച്ചവുമുള്ള 6.44 ഇഞ്ച് അമോലെഡ് ഡിസ്പ്ലേ പാനലുമായാണ് ഐക്യൂ സീ6 പ്രോ പ്രോ വരുന്നത്. ക്വാൽകോം സ്നാപ്ഡ്രാഗൺ 778ജി ചിപ്പും 12ജിബി വരെ റാമും ആണ് ഫോണിന് കരുത്തേകുന്നത്. ഉപകരണത്തിന് പിന്നിൽ 64എംപി+8എംപി+2എംപി ക്യാമറ സജ്ജീകരണവും 16എംപി മുൻ ക്യാമറയും ലഭിക്കുന്നു. ബാറ്ററി 66വാട്ട് ഫാസ്റ്റ് ചാർജിംഗോഡ് കൂടി 4700എംഎഎച്ച് ബാറ്ററി, യുഎസ്ബി ടൈപ്പ് സി പോർട്ട് എന്നിവയുമുണ്ട്.
Realme 9 Pro Plus- റിയൽമി 9 പ്രോ പ്ലസ്
റിയൽമി 9 പ്രോ പ്ലസിന്റെ പ്രധാന ക്യാമറ മികച്ച വിശദാംശങ്ങളും തിളക്കമുള്ള നിറങ്ങളും ഉപയോഗിച്ച് നല്ല ചിത്രങ്ങൾ എടുക്കുന്നു. രാത്രി സമയ ഷോട്ടുകളിലും ഫോൺ മികച്ച രീതിയിൽ പ്രവർത്തിക്കുന്നു, കൂടാതെ അൾട്രാ വൈഡ് ക്യാമറ ഷോട്ടുകളും വളരെ മനോഹരമാണ്. കഴിഞ്ഞ വർഷവും 25000 രൂപയിൽ താഴെയുള്ള ഞങ്ങളുടെ മികച്ച 5-ൽ ഈ ഉപകരണം ഇടം നേടി, ഈ മാസവും പട്ടികയിൽ തുടരുന്നു.
90ഹെട്സ് റിഫ്രഷ് നിരക്കുള്ള 6.4 ഇഞ്ച് എഫ്എച്ച്ഡി+ അമോലെഡ് സ്‌ക്രീൻ സവിശേഷതകളിൽ ഉൾപ്പെടുന്നു. മീഡിയടെക് ഡൈമെൻസിറ്റി 920 ചിപ്‌സെറ്റും നൽകുന്ന ഫോണിന് 8 ജിബി റാമും 256 ജിബി സ്റ്റോറേജുമുണ്ട്. ഉപയോക്താക്കൾക്ക് പിന്നിൽ 50എംപി+8എംപി+2എംപി ക്യാമറ സജ്ജീകരണവും 16MP ഫ്രണ്ട് ക്യാമറയും ലഭിക്കും. 60വാട്ട് ഫാസ്റ്റ് ചാർജിംഗോട് കൂടിയ 4500എംഎഎച്ച് ബാറ്ററി,
എന്നിവയാണ് മറ്റ് സവിശേഷതകൾ.
വൺപ്ലസ് നോർഡ് സിഇ2- OnePlus Nord CE 2
വൺപ്ലസ് നോർഡ് സിഇ2 ഈ ലിസ്റ്റിലെ ഏറ്റവും പെർഫോമൻസ് അധിഷ്‌ഠിത ഫോണോ മികച്ച ക്യാമറകളുള്ളതോ ആയിരിക്കില്ല, എന്നാൽ ഇത് മാന്യമായ സോഫ്റ്റ്വെയർ അനുഭവം, ഉപയോഗപ്രദമായ ഫീച്ചറുകൾ, നല്ല ഡിസ്പ്ലേ എന്നിവയുടെ മികച്ച മിശ്രിതം വാഗ്ദാനം ചെയ്യുന്നു. കൊള്ളാവുന്ന ക്യാമറ സജ്ജീകരണവും ഫാസ്റ്റ് ചാർജിംഗും ഉണ്ട്,
മീഡിയടെക് ഡൈമെൻസിറ്റി 900 ചിപ്‌സെറ്റുള്ള 6.43 ഇഞ്ച് എഫ്എച്ച്ഡിപ്ലസ്+ 90ഹെട്സ് അമോലെഡ് ഡിസ്പ്ലേ, 8 ജിബി വരെ റാമും 128 ജിബി വരെ സ്റ്റോറേജും ഈ ഫോണിന്റെ സവിശേഷതകളിൽ ഉൾപ്പെടുന്നു. പിന്നിൽ 64 എംപി+8 എംപി+2 എംപി ക്യാമറ സെറ്റപ്പും കൂടാതെ 16 എംപി ഫ്രണ്ട് ക്യാമറയും ഒപ്പം 4500 എംഎഎച്ച് ബാറ്ററിയും ഫോണിന്റെ സവിശേഷതയാണ്. കൂടാതെ 65 വാട്ട് ഫാസ്റ്റ് ചാർജിംഗും പിന്തുണയ്ക്കുന്നു.
സാംസങ്ങ് ഗാലക്സി എം52 5ജി- Samsung Galaxy M52 5G
സാംസങ് ഗാലക്സി എം 52, എല്ലാത്തിലും മികച്ചതും അതിലും പ്രധാനമായി, സാംസങ് ഇക്കോസിസ്റ്റത്തിന്റെ ഭാഗവുമായ മൊത്തത്തിലുള്ള ഒരു നല്ല ഫോൺ വേണമെങ്കിൽ പരിഗണിക്കുന്നതിനുള്ള ഒരു സോളിഡ് ഓപ്ഷനാണ്. നാല് വർഷത്തെ സോഫ്റ്റ്വെയർ അപ്‌ഡേറ്റുകൾ ലഭിക്കുന്നതിനാൽ ദീർഘകാലം ഉപകരണം ഉപയോഗിക്കാൻ ആഗ്രഹിക്കുന്നവർക്ക് ഫോൺ മികച്ച തിരഞ്ഞെടുപ്പായിരിക്കും.
6.7 ഇഞ്ച് എഫ്എച്ച്ഡി+ അമോലെഡ് സ്‌ക്രീൻ, സ്നാപ്ഡ്രാഗൺ 778 ജി ചിപ്‌സെറ്റ്, 8 ജിബി റാം (25,000 രൂപയിൽ താഴെ വിലക്ക് 6 ജിബി വേരിയന്റ് മാത്രമേ നിങ്ങൾക്ക് ലഭിക്കൂ) 128 ജിബി സ്റ്റോറേജ് എന്നിവ സവിശേഷതകളിൽ ഉൾപ്പെടുന്നു. നിങ്ങൾക്ക് പിന്നിൽ 64 എംപി+12 എംപി+5എംപി ക്യാമറ സെറ്റപ്പും 32എംപി ഫ്രണ്ട് ക്യാമറയും ലഭിക്കും.
മോട്ടറോള എഡ്ജ് 20 ഫ്യൂഷൻ- Motorola Edge 20 Fusion (Stock Android)
സ്റ്റോക്ക് ആൻഡ്രോയിഡ് ആണെങ്കിൽ 25000 രൂപയിൽ താഴെ വിലയുള്ള ഫോണാണ് മോട്ടറോള എഡ്ജ് 20 ഫ്യൂഷൻ. വളരെയധികം മാറ്റം വരുത്തിയ ആൻഡ്രോയ്ഡ് സ്‌കിന്നുകൾ നിങ്ങൾക്ക് വേണ്ടെങ്കിൽ, മോട്ടോറോള എഡ്ജ് 20 ഫ്യൂഷന്റെ ക്ലീൻ ഇന്റർഫേസ് നിങ്ങൾക്ക് അനുയോജ്യമായിരിക്കും.
90 ഹെർട്‌സ് പുതുക്കൽ നിരക്കുള്ള 6.7 ഇഞ്ച് ഓലെഡ് പാനൽ, മീഡിയടെക് ഡൈമെൻസിറ്റി 800യു 5ജി ചിപ്‌സെറ്റ്, 8 ജിബി റാമും 128 ജിബി സ്റ്റോറേജും ഫോണിലുണ്ട്. പിന്നിൽ 108 എംപി+12 എംപി+2എംപി ക്യാമറ സജ്ജീകരണവും 32എംപി ഫ്രണ്ട് ക്യാമറയും മറ്റ് സവിശേഷതകളിൽ ഉൾപ്പെടുന്നു. 5,000 എംഎഎച്ച് ബാറ്ററി, 30വാട്ട് ഫാസ്റ്റ് ചാർജിംഗ്, എൻഎഫ്സി, സൈഡ് മൗണ്ടഡ് ഫിംഗർപ്രിന്റ് സെൻസർ എന്നിവയുമുണ്ട്.
റെഡ്മി നോട്ട് 11പ്രോ+ 5ജി- Redmi Note 11 Pro+ 5G
നിങ്ങൾ അധികം ചെലവാക്കാതെ ഒരു നല്ല ക്യാമറ അധിഷ്‌ഠിത ഫോണിനായി തിരയുകയാണെങ്കിൽ 25,000-ത്തിൽ താഴെയുള്ള ഒരു നല്ല ചോയ്‌സ് കൂടിയാണ് റെഡ്മി നോട്ട് 11 പ്രോ പ്ലസ്. 8ജിബി/256 ജിബി യുടെ വില 24,999 രൂപയാണെങ്കിൽ, 6 ജിബി റാം ഉള്ള ഒരു താഴ്ന്ന സ്റ്റോറേജ് വേരിയന്റ് 19,999 രൂപയ്ക്ക് പോലും വാങ്ങാം.
റെഡ്മി നോട്ട് 11 പ്രോ സ്പെസിഫിക്കേഷനുകളിൽ 120 ഹെട്സ് റിഫ്രഷ് നിരക്കുള്ള 6.67 ഇഞ്ച് അമോലെഡ് ഡിസ്പ്ലേ ഉൾപ്പെടുന്നു. പിന്നിൽ 108 എംപി+8 എംപി+2എംപി ക്യാമറ സെറ്റപ്പും 16 എംപി ഫ്രണ്ട് ക്യാമറയും ഉണ്ട്. സ്നാപ്ഡ്രാഗൺ 695 ആണ് ഫോണിന് കരുത്ത് പകരുന്നത്. കൂടാതെ 67 വാട്ട് ഫാസ്റ്റ് ചാർജിംഗുള്ള 5000 എംഎഎച്ച് ബാറ്ററിയും ഉണ്ട്.
