ബീജിങ്: മിഡ് റേഞ്ച് സ്മാർട്ട്ഫോൺ വിപണിയിൽ തരംഗമാവാൻ നോക്കിയ 7 എന്ന പുതു മോഡലിനെ ചൈനയില്‍ നോക്കിയ അവതരിപ്പിച്ചു. 7000 സീരിസ് അലുമിനിയം ബോഡിയുമായാണ് നോക്കിയയുടെ പുതിയ കരുത്തൻ വിപണിയിലേക്ക് എത്തുന്നത്. ചൈനയിൽ ഫോണിന്റെ വിൽപന ചൊവ്വാഴ്ച മുതൽ ആരംഭിക്കുമെന്നാണ് വാർത്തകൾ. രണ്ട് വേരിയന്റുകളിലായിരിക്കും ചൈനീസ് വിപണിയിൽ ഫോൺ വിൽപ്പനക്കെത്തുക. 4 ജിബി വേരിയന്റിന് എകദേശം 25,000 രൂപയും 6 ജിബി റാം വേരിയന്റിന് 26,500 രൂപയുമായിരിക്കും വില.
ഗറില്ല ഗ്ലാസിന്റെ സംരക്ഷണം, f/1.8 അപേച്ചർ ലെൻസ്, 3 ഡി റിയർ പാനലുകൾ എന്നിവയെല്ലാമാണ് ഫോണിന്റെ പ്രധാനപ്പെട്ട സവിശേഷതകളായി ഉയർത്തികാട്ടുന്നത്.
5.2 ഇഞ്ച് ഡിസ്പ്ലേ, ആൻഡ്രോയിഡ് ന്യുഗട്ട് 7.1.1 ഒ.എസ്, ഒക്ടോകോർ ക്വാൽകം സ്നാപ്ഡ്രാഗൺ പ്രൊസസർ, 4/6 ജി.ബി റാം, 64 ജി.ബി സ്റ്റോറേജ്, 16 മെഗാപിക്സൽ റിയർ കാമറ, 5 മെഗാപിക്സൽ മുൻ കാമറ, 3000 എംഎഎച്ച് ബാറ്ററി ലൈഫ് എന്നിവയാണ് പ്രധാന പ്രത്യേകതകൾ. ചൈനീസ് വിപണിക്ക് പുറത്ത് നോക്കിയ 7 എപ്പോൾ വിൽപ്പനക്കെത്തും എന്നത് സംബന്ധിച്ച് വ്യക്തതയില്ല.
