scorecardresearch

Latest News

നോക്കിയ 6.1 പ്ലസ്, നോക്കിയ 2.1, നോക്കിയ 1 ഫോണുകളുടെ വില കുറഞ്ഞു

നോക്കിയ 6.1 പ്ലസ് (6ജിബി റാം/64 ജിബി സ്റ്റോറേജ് വേരിയന്റ്), നോക്കിയ 2.1, നോക്കിയ 1 എന്നിവയ്ക്ക് 1,500 രൂപയാണ് വിലക്കുറഞ്ഞിരിക്കുന്നത്

നോക്കിയ ഫോണുകളുടെ വില കുറഞ്ഞു. നോക്കിയയുടെ സ്മാർട്ഫോണുകളായ നോക്കിയ 6.1 പ്ലസ് (6ജിബി റാം/64 ജിബി സ്റ്റോറേജ് വേരിയന്റ്), നോക്കിയ 2.1, നോക്കിയ 1 എന്നിവയ്ക്ക് 1,500 രൂപയാണ് വിലക്കുറഞ്ഞിരിക്കുന്നത്. മൂന്നു ഫോണുകളും രാജ്യത്താകമാനമുളള മൊബൈൽ റീട്ടെയിലുകൾ വഴിയും നോക്കിയ ഓൺലൈൻ സ്റ്റോറുകൾ വഴിയും ഫോൺ വാങ്ങാം.

നോക്കിയ 6.1 പ്ലസ് (6ജിബി റാം/64 ജിബി സ്റ്റോറേജ് വേരിയന്റ്) 16,999 രൂപയ്ക്ക് വാങ്ങാം. ഈ വർഷം ഫെബ്രുവരിയിൽ 18,499 രൂപയ്ക്കാണ് ഫോൺ വിപണിയിലെത്തിയത്. 5.8 ഇഞ്ച് എഫ്എച്ച്ഡി പ്ലസ് ഡിസ്‌പ്ലേയാണ്. പുറകിൽ 16എംപി+5എംപി ക്യാമറയും മുന്നിൽ 16 എംപി ക്യാമറയുമാണ്. 3,060 എംഎഎച്ച് ആണ് ബാറ്ററി.

നോക്കിയ 2.1 വിപണിയിലെത്തിയത് 6,999 രൂപയ്ക്കാണ്. 5,499 രൂപയ്ക്കാണ് ഫോൺ ഇപ്പോൾ ലഭിക്കുക. 5.5 ഇഞ്ച് എച്ച്ഡിയാണ് ഡിസ്‌പ്ലേ. സ്നാപ്ഡ്രാഗൺ 425 പ്രൊസസറാണ്. 1 ജിബിയാണ് റാം. 8 ജിബിയാണ് സ്റ്റോറേജ്. മൈക്രോഎസ്ഡി കാർഡ് സ്ലോട്ട് മുഖേന 128 ജിബി വരെ നീട്ടാം. 4,000 എംഎഎച്ച് ആണ് ബാറ്ററി.

5,499 രൂപയ്ക്ക് ഈ വർഷം മാർച്ചിലാണ് നോക്കിയ 1 വിപണിയിലെത്തിയത്. 3,999 രൂപയ്ക്ക് ഫോൺ ഇപ്പോൾ വാങ്ങാം. വാം റെഡ്, ഡാർക്ക് ബ്ലൂ നിറങ്ങളിലാണ് ഫോൺ ലഭിക്കുക. പിന്നിലെ ക്യാമറ 5എംപിയാണ്. മുന്നിൽ 2 എംപിയുടേതാണ് ക്യാമറ. 2150 എംഎഎച്ച് ആണ് ബാറ്ററി.

മൂന്നു ഫോണുകളും രാജ്യത്താകമാനമുളള മൊബൈൽ റീട്ടെയിലുകൾ വഴിയും നോക്കിയ ഓൺലൈൻ സ്റ്റോറുകൾ വഴിയും വാങ്ങിക്കാം.

Stay updated with the latest news headlines and all the latest Tech news download Indian Express Malayalam App.

Web Title: Nokia 6 1 plus nokia 2 1 nokia 1 prices reduce