Nokia 2.4 first impressions: നോക്കിയ 2.4 ഫോണിന്റെ ഫീച്ചറുകളും പെർഫോമൻസും

Nokia 2.4 first impressions: എച്ച്എംഡി ഗ്ലോബലിന്റെ നോക്കിയ ബ്രാൻഡഡ് ഫോണുകൾ സ്പെസിഫിക്കേഷനുകളുടെ അടിസ്ഥാനത്തിൽ മറ്റ് ബ്രാൻഡുകളുമായി മത്സരിക്കുക മാത്രം ചെയ്യുന്ന ഫോണുകളല്ല. പകരം, കാര്യങ്ങൾ ലളിതമായി വയ്ക്കാനും ഉപഭോക്താക്കളെ ആകർഷിക്കുന്നതിനായി സോഫ്റ്റ്വെയർ വിഭാഗത്തിൽ ശ്രദ്ധ കേന്ദ്രീകരിക്കാനും കമ്പനി ശ്രമിക്കുന്നു. കമ്പനിയിൽ നിന്നുള്ള ഏറ്റവും പുതിയ ഓപ്ഷൻ പുതുതായി ലോഞ്ച് ചെയ്ത നോക്കിയ 2.4 ആണ്.

Display and Design-ഡിസ്പ്ലേയും ഡിസൈനും

നോക്കിയ 2.4 ന് 6.5 ഇഞ്ച് എച്ച്ഡി + ഡിസ്‌പ്ലേയുണ്ട്. ഡിസ്‌പ്ലേ അൽപ്പം ഡള്ളായി തോന്നി, പ്രത്യേകിച്ചും സൂര്യപ്രകാശത്തിൽ ഉപയോഗിക്കുമ്പോൾ. 1600 × 720 പിക്‌സൽ റെസല്യൂഷനുള്ള ഒരു ബജറ്റ് സ്മാർട്ട്‌ഫോണാണിത്. നെറ്റ്ഫ്ലിക്സിൽ വീഡിയോ കണ്ടപ്പോൾ ശരാശരി എക്സ്പീരിയൻസാണ് ഈ ഡിസ്പ്ലേയിൽ. യൂട്യൂബിൽ കുറച്ച് വീഡിയോകൾ കണ്ടപ്പോൾ ഇത് കുറച്ച് കൂടി മികച്ചതായി കാണുന്നുണ്ട്.

Nokia 2.4 has a 6.5-inch HD+ screen (Express Photo: Arun Rawal)

വലിയ ബെസലുകളാണ് ഫോണിന്. സ്‌ക്രീനിന്റെ ചുവടെ നോക്കിയ ബ്രാൻഡിംഗ് ഉണ്ട്.

ഫോണിന് വലിയ ഭാരം ഇല്ല, പ്രത്യേകിച്ച് അതിന്റെ വലുപ്പം കണക്കിലെടുക്കുമ്പോൾ. ഇത് കയ്യിൽ പിടിക്കുമ്പോൾ നേർത്തതും മെലിഞ്ഞതുമായി അനുഭവപ്പെടുന്നു. പോളികാർബണേറ്റ് കൊണ്ടുള്ള പുറകിൽ, ടെക്സ്ചേർഡ് ഫിനിഷുണ്ട്.

പിന്നിലാണ് ഫിംഗർപ്രിന്റ് സ്കാനർ. ഉണ്ടെങ്കിലും ഫോൺ അൺലോക്കുചെയ്യുന്നതിന് നിങ്ങളുടെ വിരലിന്റെ സ്ഥാനം ശരിയായി വയ്ക്കേണ്ടതുണ്ട്. ഫോണിന്റെ ഇടതുവശത്ത് ഒരു ഗൂഗിൾ അസിസ്റ്റന്റ് ബട്ടണും നോക്കിയ ഉൾപ്പെടുത്തിയിട്ടുണ്ട്.

Nokia 2.4 is thin despite packing a 4,500 mAh battery (Express Photo: Arun Rawal)

Performance-പെർഫോമൻസ്

ഇതിന് മീഡിയടെക് ഹീലിയോ പി 22 പ്രോസസറാണ്. 3 ജിബി റാമും 64 ജിബി ഇന്റേണൽ സ്റ്റോറേജുമുള്ള ഫോണിന്റെ ഒരു വാരിയന്റ് മാത്രമാണുള്ളത്. മൈക്രോ എസ്ഡി കാർഡ് വഴി 512 ജിബി വരെ സ്റ്റോറേജ് വികസിപ്പിക്കാം.

ഗൂഗി ക്രോമിൽ ഒന്നിലധികം ടാബുകൾ തുറന്ന് അവയ്ക്കിടയിൽ സ്വിച്ചുചെയ്യാൻ ശ്രമിക്കുമ്പോൾ ഒരു ചെറിയ കാലതാമസം ഉള്ളതായി ശ്രദ്ധിച്ചു. പക്ഷേ, അത് സ്ഥിരമായിരുന്നില്ല.

ഗെയിമിംഗ് കേന്ദ്രീകൃത ഫോണല്ലാത്തതിനാൽ വലിയ പ്രതീക്ഷയില്ലാതെയാണ് കോൾ ഓഫ് ഡ്യൂട്ടി മൊബൈൽ ഇൻസ്റ്റാൾ ചെയ്തത്. എന്നിരുന്നാലും, ടീം ഡെത്ത്മാച്ചിന്റെ രണ്ട് റൗണ്ടുകൾ കളിക്കുമ്പോൾ നോക്കിയ 2.4 എന്നെ അവിടെ അത്ഭുതപ്പെടുത്തി. ഗെയിമിംഗിനിടെ ഫോൺ ചൂടായില്ല. ഫസ്റ്റ് പേഴ്‌സൺ ഷൂട്ടർ (എഫ്‌പി‌എസ്) ഗെയിമുകൾ കളിക്കുമ്പോൾ ഗ്രാഫിക് ക്രമീകരണങ്ങൾ ഏറ്റവും കുറഞ്ഞത് സൂക്ഷിക്കുന്നതാണ് നല്ലത്. ഷൂട്ടിംഗ് താരതമ്യേന എളുപ്പമാക്കുന്നതിനും വലിയ സ്ക്രീൻ സഹായിക്കുന്നു.

ഇത് ആൻഡ്രോയിഡ് 10-ൽ പ്രവർത്തിക്കുന്നു, പക്ഷേ ആൻഡ്രോയിഡ് 11നിലേക്ക് മാറ്റാനാവും. സ്റ്റോക്ക് ആൻഡ്രോയ്ഡിന് സമാനമായ എക്സ്പീരിയൻസാണ് ഫോണിന്.

Camera-ക്യാമറ

13 എംപി പ്രൈമറി സെൻസറും 2 എംപി ഡെപ്ത് സെൻസറും ഉള്ള ഡ്യുവൽ ക്യാമറ സെറ്റപ്പാണ് പിറകിൽ. ഞാൻ കുറച്ച് ഫോട്ടോകളിൽ ക്ലിക്കുചെയ്തു, ചില സമയങ്ങളിൽ ഡീറ്റെയ്ൽസ് ഇല്ലാത്തതിനാൽ ഇല്ലാത്തതിനാൽ പെർഫോമൻസ് കൃത്യതയില്ലാത്തതായി എനിക്ക് തോന്നി. ഞാൻ ഒരു പോർട്രെയ്റ്റിൽ ക്ലിക്കുചെയ്യാൻ ശ്രമിക്കുമ്പോൾ ചിലപ്പോൾ ഫോക്കസ് ശരിയായി ലഭിക്കാൻ കുറച്ച് ശ്രമങ്ങൾ വേണ്ടി വന്നു. നൈറ്റ് മോഡ് ഉപയോഗിച്ച് കുറഞ്ഞ വെളിച്ചത്തിൽ ഞാൻ ക്യാമറ പരീക്ഷിച്ചിട്ടില്ല. 5 എംപി സെൽഫി ക്യാമറയുടെ പ്രകടനവും സമാനമാണ്.

Nokia 2.4 camera sample (Express Photo: Arun Rawal)

Nokia 2.4 camera sample (Express Photo: Arun Rawal)

Nokia 2.4 camera sample (Express Photo: Arun Rawal)

അഡാപ്റ്റീവ് ബാറ്ററി ടെക്‌നോളജിക്കൊപ്പം 4,500 എംഎഎച്ച് ബാറ്ററിയാണ് ഫോണിൽ. ഫുൾചാർജ് ചെയ്ത ബാറ്ററി രണ്ട് ദിവസം കിട്ടുമെന്നാണ് കമ്പനി പരസ്യത്തിൽ പറയുന്നത്. വീഡിയോകൾ കാണുകയും ഗെയിമുകൾ കളിക്കുകയും ക്യാമറ പരീക്ഷിക്കുകയും ചെയ്തതിന് ശേഷവും എനിക്ക് ഫോൺ ചാർജ് ചെയ്യേണ്ട ആവശ്യം വന്നില്ല.

ഫോണിന് യുഎസ്ബി ടൈപ്പ്-സി പോർട്ടും ഫാസ്റ്റ് ചാർജിംഗും ഇല്ല, 2020 ൽ ഇത് ഒരു നല്ല നീക്കമാണെന്ന് ഞാൻ കരുതുന്നില്ല, മിക്ക ബജറ്റ് ഫോണുകളും ഈ പോർട്ട് വാഗ്ദാനം ചെയ്യുന്നു. എന്നാൽ ഇത് രണ്ട് ദിവസം ബാറ്ററി കിട്ടുന്ന ഫോണായി മാറുകയാണെങ്കിൽ, ചില ഉപയോക്താക്കൾ സാധാരണ ചാർജിംഗ് വേഗത കണക്കിലെടുക്കില്ല.

First Impression-ഫസ്റ്റ് ഇംപ്രഷൻ

ബിൽഡ് ക്വാറിറ്റിയിലും സോഫ്റ്റ്വെയർസൈഡിലും ഊന്നൽ നൽകിക്കൊണ്ടുള്ള ഒരു ബജറ്റ് ഫോണാണ് നോക്കിയ 2.4. രണ്ട് വർഷത്തേക്കുള്ള ഒഎസ് അപ്‌ഡേറ്റുകളും മൂന്ന് വർഷത്തേക്ക് പ്രതിമാസ സുരക്ഷാ അപ്‌ഡേറ്റുകളും വാഗ്ദാനം ചെയ്തുകൊണ്ട് ക്ലീൻ ആൻഡ്രോയ്ഡ് അനുഭവം നൽകുന്നത് മതിപ്പുളവാക്കുന്നു. ആഴത്തിലുള്ള അവലോകനത്തിനായി ഫോണിന്റെ പ്രകടനത്തെക്കുറിച്ച് ഞാൻ ഇതുവരെ ആഴത്തിൽ മനസ്സിലാക്കിയിട്ടില്ലെങ്കിലും, ഈ വിഭാഗത്തിൽ ലഭിച്ച മത്സരം കണക്കിലെടുക്കുമ്പോൾ ഇത് ഒരു അണ്ടർ പവേർഡ് ഫോണാണെന്ന് തോന്നുന്നു.