ഇന്ത്യയിൽ പ്ലാൻ നിരക്കുകൾ കുറച്ച് നെറ്റ്ഫ്ലിക്സ്; 149 രൂപ മുതൽ പ്ലാനുകൾ

നെറ്റ്ഫ്ലിക്സ് ഇന്ത്യയിൽ പുതിയ കുറഞ്ഞ പ്ലാൻ നിരക്കുകൾ പ്രഖ്യാപിച്ചു. നേരത്തെ 199 ലഭിച്ചിരുന്ന അടിസ്ഥാന മൊബൈൽ പ്ലാൻ ഇനി മുതൽ 149 രൂപ മുതൽ ലഭ്യമാകും. എല്ലാ ഉപയോക്താക്കൾക്കും പുതുക്കിയ പ്ലാൻ ലഭ്യമാണ്. കൂടുതൽ ഉപയോക്താക്കളെ നെറ്റ്ഫ്ലിക്സിലേക്ക് അടുപ്പിക്കുന്നതിനായാണ് കമ്പനിയുടെ പുതിയ നീക്കം.

പുതിയ നിരക്കുകൾ പ്രകാരം, നെറ്റ്ഫ്ലിക്സിന്റെ ബേസിക് പ്ലാൻ ഇനി മുതൽ 199 രൂപയ്ക്കും സ്റ്റാൻഡേർഡ് പ്ലാൻ 499 രൂപയ്ക്കും ലഭിക്കും. നേരത്തെ ഇത് യഥാക്രമം 499,649 രൂപയായിരുന്നു. പ്രീമിയം പ്ലാനിനും വലിയ രീതിയിലുള്ള കുറവാണ് പ്രഖ്യാപിച്ചിരിക്കുന്നത്. പഴയ സ്റ്റാൻഡേർഡ് പ്ലാൻ നിരക്കിൽ ഇന്ന് പ്രീമിയം പപ്ലാൻ ലഭിക്കും. അതായത് 799 രൂപയുടെ പ്ലാൻ ഇപ്പോൾ 649 രൂപയിൽ ലഭിക്കും. ഇന്ന് മുതൽ പുതിയ നിരക്കിൽ പ്ലാനുകൾ ലഭ്യമാകും.

ആമസോൺ പ്രൈം അംഗത്വത്തിന്റെ നിരക്ക് 50 ശതമാനം വരെ വർധിപ്പിച്ചതിനു പിന്നാലെയാണ് നെറ്റ്ഫ്ലിക്സ് ഇന്ത്യയിൽ നിരക്കുകൾ കുറച്ചിരിക്കുന്നത്. നേരത്തെ 999 രൂപ മാത്രമായിരുന്ന വാര്‍ഷിക പ്ലാനിന്റെ നിരക്ക് 1,499 രൂപയാക്കിയാണ് പ്രൈം ഉയര്‍ത്തിയത്. പ്രതിമാസ പ്ലാനിന്റെ നിരക്ക് 129 രൂപയിൽ നിന്നും 179 രൂപയായും മൂന്ന് മാസത്തെ 329 രൂപയുടെ പ്ലാൻ നിരക്ക് 459 രൂപയായുമാണ് കൂട്ടിയിരിക്കുന്നത്.

Also Read: ആമസോൺ ഗ്രേറ്റ് ഇന്ത്യൻ ഫെസ്റ്റിവൽ: ഇപ്പോൾ ലഭിക്കുന്ന സ്മാർട്ട്ഫോൺ, ലാപ്ടോപ്പ് ഡീലുകൾ