Motorola Moto G9 Power launched in India: Price, specifications and more: മോട്ടോ ജി 9 പവർ സ്മാർട്ട്‌ഫോൺ ഇന്ത്യയിൽ അവതരിപ്പിക്കാനൊരുങ്ങി മോട്ടറോള. ഡിസംബർ 15 ന് ഉച്ചയ്ക്ക് 12 മുതൽ ഫ്ലിപ്കാർട്ടിൽ ഫോൺ വിൽപ്പനയ്‌ക്കെത്തും. 64 എംപി റിയർ ക്യാമറയും 6000 എംഎഎച്ച് ബാറ്ററിയും 20 വാട്ട് ഫാസ്റ്റ് ചാർജിംഗ് പിന്തുണയും അടക്കമുള്ള പ്രത്യേകതകളോടെയാണ് ഈ സ്മാർട്ട് ഫോൺ ഇന്ത്യയിലെ ബജറ്റ് സ്മാർട്ട്‌ഫോൺ വിപണിയിലേക്ക് എത്തുന്നത്. ഇന്ത്യയിൽ 11,999 രൂപയാണ് മോട്ടോ ജി 9 പവർ ഫോണിന് വില.

Moto G9 Power: Specifications- മോട്ടോ ജി 9 പവർ: സവിശേഷതകൾ

മോട്ടോ ജി 9 പവർ ആൻഡ്രോയിഡ് 10 ഓപ്പറേറ്റിങ് സിസ്റ്റത്തിലാണ് പ്രവർത്തിക്കുക. 20.5: 9 ആസ്പെക്ട് റേഷ്യോ 720 × 1,640 പിക്‌സൽ റെസല്യൂഷൻ എന്നിവയുള്ള 6.8 ഇഞ്ച് എച്ച്ഡി + ഐപിഎസ് ഡിസ്‌പ്ലേയാണ് ഫോണിൽ. 172.14 × 76.79 × 9.66 മിമി വലിപ്പമുള്ള ഫോണിന് 221 ഗ്രാം , ഭാരമാണുള്ളത്.

സ്മാർട്ട്‌ഫോണിന് പിറകിൽ ട്രിപ്പിൾ ക്യാമറ സെറ്റപ്പാണ്, പ്രധാന ക്യാമറ 64 മെഗാപിക്സലാണ്. ക്വാഡ് പിക്‌സൽ സാങ്കേതികവിദ്യ, എഫ് / 1.79 അപ്പർച്ചർ എന്നിവയപനുണ്ട്. എഫ് / 2.4 മാക്രോ ലെൻസോട് കൂടിയ സെകൻഡറി സെൻസറും എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസറും ഇതിനൊപ്പം വരുന്നു.

4 ജിബി റാമും 64 ജിബി സ്റ്റോറേജുമാണ് പുതിയ സ്നാപ്ഡ്രാഗൺ 662 പ്രോസസറിൽ പ്രവർത്തിക്കുന്ന ഈ ഫോണിന്. മൈക്രോ എസ്ഡി കാർഡ് ഉപയോഗിച്ച് 512 ജിബി വരെ സ്റ്റോറേജ് വർധിപ്പിക്കാൻ കഴിയും. പൊടി, ജലം എന്നിവ പ്രതിരോധിക്കാൻ ഐപി52 സർട്ടിഫിക്കേഷനുള്ളതായി മൊട്ടറോള പറയുന്നു.

പിന്നിൽ ഫിംഗർപ്രിന്റ് സെൻസറുണ്ട്. യുഎസ്ബി ടൈപ്പ്-സി പോർട്ട്, ഹെഡ്‌ഫോൺ ജാക്ക് എന്നിവയും ഫോണിനുണ്ട്. കണക്റ്റിവിറ്റി ഓപ്ഷനുകളിൽ 4 ജി എൽടിഇ, വൈ-ഫൈ 802.11എസി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി എന്നിവ ഉൾപ്പെടുന്നു. മോട്ടറോള മോട്ടോ ജി 9 പവർ ഇലക്ട്രിക് വയലറ്റ്, മെറ്റാലിക് സേജ് എന്നീ കണ്ട് കളർ വേരിയന്റുകളിൽ ലഭ്യമാവും.

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook