/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2022/10/whatsapp.jpg)
ന്യൂഡല്‍ഹി: വാട്സ്ആപ്പ് വഴി വര്‍ക്ക് ഫ്രം ഹോം ജോബ് ഓഫറുകള്‍ ലഭിക്കുന്നുണ്ടോ, ഒരു ദിവസത്തെ ജോലിക്ക് 20,000 രൂപ ശമ്പളം? നിങ്ങള്‍ക്ക് ലോട്ടററി അടിച്ചുവെന്ന് പറയുന്ന തട്ടിപ്പ് സന്ദേശങ്ങള്‍ ലഭിക്കുന്നുണ്ടോ. ഇങ്ങനെ വരുന്ന സന്ദേശങ്ങള്‍ നിങ്ങളുടെ പണം തട്ടിയെടുക്കാനുള്ളവയാണ്.എന്നാല്‍ ഇത്തരം വാട്സ്ആപ്പ് തട്ടിപ്പുകളില്‍ നിന്ന് നിങ്ങള്‍ക്ക് എങ്ങനെ രക്ഷപ്പെടാമെന്ന് നോക്കാം.
വര്‍ക്ക് ഫ്രം ഹോം തട്ടിപ്പുകള്‍
ഇത്തരത്തിലുള്ള സന്ദേശങ്ങള്‍ സാധാരണമാണ്. തട്ടിപ്പുകാര്‍ ധാരാളം ആളുകള്‍ക്ക് ബാച്ചുകളായി സന്ദേശങ്ങള്‍ അയയ്ക്കുന്നു. നിങ്ങള്‍ പ്രതികരിക്കുകയാണെങ്കില്‍, ഒരു ടെലിഗ്രാം അക്കൗണ്ട് സൃഷ്ടിക്കാന്‍ നിങ്ങളോട് ആവശ്യപ്പെടും, അവിടെ അവര്‍ നിങ്ങള്‍ക്ക് ടാസ്‌ക്കുകള്‍ അയയ്ക്കും. പുതിയ ടാസ്‌ക്കുകള്‍ ലഭിക്കുന്നതിന് നിങ്ങള്‍ യഥാര്‍ത്ഥത്തില്‍ പണം നല്‍കേണ്ടിവരും, തട്ടിപ്പുകാര്‍ അവ അയച്ചുകൊണ്ടേയിരിക്കും, അതേസമയം നിങ്ങള്‍ക്ക് ഒടുവില്‍ പ്രതിഫലം ലഭിക്കുമെന്ന് നിങ്ങളെ ബോധ്യപ്പെടുത്തുകയും ചെയ്യും. എന്നാല്‍ മിക്ക തട്ടിപ്പുകളെയും പോലെ, ഫലം ഒരിക്കലും ലഭിക്കില്ല, ഒരു ഘട്ടത്തിന് ശേഷം സ്‌കാമര്‍ അപ്രത്യക്ഷമാകും.
വൈദ്യുതി ബില്‍ തട്ടിപ്പ്
ബില്‍ അടച്ചില്ലെങ്കില്‍ വൈദ്യുതി വിച്ഛേദിക്കുമെന്ന് മുന്നറിയിപ്പുമായി അജ്ഞാത നമ്പറുകളില്‍ നിന്ന് നിരവധി ഉപയോക്താക്കള്‍ക്ക് വാട്ട്സ്ആപ്പിലും എസ്എംഎസ് വഴിയും സന്ദേശങ്ങള്‍ ലഭിക്കുന്നു. എന്നാല്‍ നിങ്ങളെ ഒരു ഔദ്യോഗിക ഗവണ്‍മെന്റ് പോര്‍ട്ടലിലേക്ക് റീഡയറക്ടുചെയ്യുന്നതിന് പകരം ഒരു നിശ്ചിത നമ്പറില്‍ ബന്ധപ്പെടാന്‍ നിങ്ങളോട് ആവശ്യപ്പെടുന്നു. വൈദ്യുതി ബോര്‍ഡ് സാധാരണയായി ഓട്ടോമേറ്റഡ് കോളുകളിലൂടെയോ ഔദ്യോഗിക സന്ദേശങ്ങളിലൂടെയോ ആണ് ബില്‍ തീയിതി കഴിഞ്ഞാല്‍ ആളുകളെ അറിയിക്കുന്നത്. ഒരു പ്രത്യേക നമ്പറിലേക്ക് വിളിക്കാന്‍ അവര്‍ ഒരിക്കലും നിങ്ങളോട് ആവശ്യപ്പെടാറില്ല. അതിനാല്‍, ഇതുപോലുള്ള ഏതെങ്കിലും അറിയിപ്പുകളില്‍ ഒരു അജ്ഞാത നമ്പര്‍ അടങ്ങിയിട്ടുണ്ടെങ്കില്‍, അത് ഒരു തട്ടിപ്പാണ്. ആ നമ്പറിനെ ബ്ലോക്ക് ചെയ്യുക.
കെബിസി തട്ടിപ്പ്
അമേരിക്കന്‍ 'ഹൂ വാണ്ട്‌സ് ടു ബി എ മില്യണയര്‍?' ഫ്രാഞ്ചൈസിയുടെ ഒരു അഡാപ്‌റ്റേഷന്‍, 'കോന്‍ ബനേഗാ ക്രോര്‍പതി' ഇന്ത്യയിലെ ഒരു സൂപ്പര്‍-ജനപ്രിയ ടിവി ഗെയിം ഷോയാണ്. നിങ്ങള്‍ ഇതിനെക്കുറിച്ച് ഇതിനകം കേട്ടിരിക്കാം, കെബിസി ഷോ ഒരു തരത്തിലും തട്ടിപ്പിനായി ബന്ധപ്പെട്ടിട്ടില്ല എന്നത് ഓര്‍മ്മിക്കുക. ഷോയുടെ പേര് തട്ടിപ്പുകാര്‍ ദുരുപയോഗം ചെയ്യുന്നു എന്ന് മാത്രം.
വാട്സ്ആപ്പ് ക്യുആര്‍ കോഡ് തട്ടിപ്പ്
ഇന്ത്യയില്‍ യുപിഐ വഴി പേയ്മെന്റുകള്‍ നടത്താന്‍ നിങ്ങള്‍ സാധാരണയായി ക്യുആര്‍ കോഡുകള്‍ ഉപയോഗിക്കുന്നു. എന്നാല്‍ ഇത് ഉപയോഗിച്ച് തട്ടിപ്പുകാര്‍ക്ക് നിങ്ങളില്‍ നിന്ന് പണം തട്ടിയെടുക്കാന്‍ സാധിച്ചേക്കും. ആളുകള്‍ക്ക് അവര്‍ എന്തെങ്കിലും നേടിയെന്ന് പറഞ്ഞ് ടെക്സ്റ്റുകള്‍ അയയ്ക്കുക എന്നതാണ് ഇതിനുള്ള ഒരു മാര്‍ഗ്ഗം - ഉദാഹരണത്തിന്, ഒരു ക്യാഷ് പ്രൈസ്, ഒരു ക്യുആര്‍ കോഡ്. കോഡ് സ്‌കാന്‍ ചെയ്യാനും ഒരു നിശ്ചിത തുക നല്‍കാനും പണം സ്വീകരിക്കാനും സന്ദേശം നിങ്ങളോട് ആവശ്യപ്പെടും. എന്നാല്‍ പണം സ്വീകരിക്കുന്നതിനുപകരം, നിങ്ങള്‍ യഥാര്‍ത്ഥത്തില്‍ തട്ടിപ്പുകാര്‍ക്ക് പണം നല്‍കുകയാണ് ചെയ്യേണ്ടി വരുക.
Stay updated with the latest news headlines and all the latest Lifestyle news. Download Indian Express Malayalam App - Android or iOS.