scorecardresearch
Latest News

20,000 മുതല്‍ 30,000 രൂപ വരെ വിലയുള്ള മികച്ച 5ജി ഫോണുകള്‍ ഏതൊക്കെ?

വണ്‍ പ്ലസ് നോര്‍ഡ് ടുടി 5ജി 30,000 രൂപയില്‍ താഴെയുള്ള വിഭാഗത്തിലെ ഏറ്റവും മികച്ച ഫോണുകളിലൊന്നാണ്

20,000 മുതല്‍ 30,000 രൂപ വരെ വിലയുള്ള മികച്ച 5ജി ഫോണുകള്‍ ഏതൊക്കെ?

രാജ്യത്തെ എല്ലാ പ്രമുഖ ടെലികോം കമ്പനികളും ഇന്ത്യയില്‍ 5ജി അവതരിപ്പിക്കാന്‍ തയാറെടുക്കുമ്പോള്‍, ഒരു പക്ഷെ മികച്ച 5ജി ഫോണ്‍ ഏതെന്ന് കണ്ടെത്തുന്നത് എളുപ്പത്തില്‍ സാധിച്ചെന്ന് വരില്ല. 20,000 രൂപ മുതല്‍ 30,000 രൂപ വരെ ഫോണുകളുടെ വിഭാഗത്തില്‍ ഭൂരിപക്ഷവും 5ജി സപ്പോര്‍ട്ട് ചെയ്യില്ല. നിങ്ങള്‍ ഇന്ത്യയിലെ 5ജി ബാന്‍ഡുകളെ പിന്തുണയ്ക്കുന്ന മികച്ച 5ജി ഫോണുകള്‍ക്കായി തിരയുകയാണെങ്കില്‍, അവയെ കുറിച്ചറിയാം.

വണ്‍ പ്ലസ് നോര്‍ഡ് ടുടി 5ജി

ഈ വര്‍ഷം മേയില്‍ പ്രഖ്യാപിച്ച വണ്‍ പ്ലസ് നോര്‍ഡ് ടുടി 5ജി 30,000 രൂപയില്‍ താഴെയുള്ള വിഭാഗത്തിലെ ഏറ്റവും മികച്ച ഫോണുകളിലൊന്നാണ്. MediaTek Dimensity 1300 നല്‍കുന്ന ഈ ഫോണിന് 6.43 ഇഞ്ച് അമോല്‍ഡ് സ്‌ക്രീന്‍ ഉണ്ട്, അത് 90Hz-ന്റെ റീഫ്രഷ് റേറ്റ്‌ HDR10+ സപ്പോട്ട് ചെയ്യുന്നു. 6 ജിബി റാമും 128 ജിബി ഇന്റേണല്‍ സ്റ്റോറേജുമുള്ള ഫോണിന്റെ അടിസ്ഥാന വേരിയന്റിന് 28,999 രൂപയാണ് വില.

ഒപ്പോ റെനോ8
ഈ വര്‍ഷം ജൂലൈയില്‍ പുറത്തിറങ്ങിയ ഒപ്പോ റെനോ8 , ആന്‍ഡ്രോയിഡ് 12 അടിസ്ഥാനമാക്കിയുള്ള ColorOS 12.1 ഉള്ള ഫോണാണ്. MediaTek Dimensity 1300 നല്‍കുന്ന ഫോണ്‍ 8ജിബി വരെ റാമും 256ജിബി ഇന്റേണല്‍ സ്റ്റോറേജും ഉണ്ട്. 90Hz റിഫ്രഷ് റേറ്റ് ഉള്ള 6.4 ഇഞ്ച് അമോല്‍ഡ് സ്‌ക്രീനും 80ഡബ്ല്യു ഫാസ്റ്റ് ചാര്‍ജിംഗും ഉണ്ട്. 29,999 രൂപ മുതലാണ് ഫോണിന്റെ വില.

മോട്ടറോള എഡ്ജ് 30
HDR10+ പിന്തുണയ്ക്കുന്ന 6.5 ഇഞ്ച് അമോല്‍ഡ് സ്‌ക്രീനുള്ള മോട്ടറോള എഡ്ജ് 30 ഒരു നല്ല മിഡ് റേഞ്ച് ഫോണാണ്, കൂടാതെ 144Hz റീഫ്രഷ് റേറ്റ്‌. ഇത് സ്നാപ്ഡ്രാഗണ്‍ 778G+ ആണ് പ്രവര്‍ത്തിക്കുന്നത്. ബോക്സിന് പുറത്ത് ആന്‍ഡ്രോയിഡ് 12-ല്‍ പ്രവര്‍ത്തിക്കുന്നു. 6 ജിബി റാമും 128 ജിബി ഇന്റേണല്‍ സ്റ്റോറേജുമുള്ള ഫോണിന് 27,999 രൂപയാണ് വില, അതേസമയം 128 ജിബി ഇന്റേണല്‍ ഉള്ള 8 ജിബി റാമിന് 29,999 രൂപയാണ് വില.

സാംസങ് ഗാലക്‌സി എ52എസ് 5ജി

ഗാലക്‌സി എ52-ന്റെ പിന്‍ഗാമിയായ ഗാലക്‌സി എ52എസ് 5ജി -യില്‍ അപ്ഗ്രേഡ് ചെയ്ത സ്നാപ്ഡ്രാഗണ്‍ 778, 120Hz റീഫ്രഷ് റേറ്റ്‌, 6.5 ഇഞ്ച് സൂപ്പര്‍ അമോലെഡ് സ്‌ക്രീന്‍ എന്നിവയുണ്ട്. ഇന്റേണലിലേക്ക് വരുമ്പോള്‍, ഫോണിന്റെ അടിസ്ഥാന വേരിയന്റ് 6ജിബി റാമും 128ജിബി ഇന്റേണല്‍ സ്റ്റോറേജുംമുണ്ട്. 27,999 രൂപയാണ് ഇതിന്റെ വില.

ഷവോമി 11ഐ ഹൈപ്പര്‍ചാര്‍ജ്
ഈ വര്‍ഷം ആദ്യം പുറത്തിറക്കിയ, ഷവോമി 11ഐ ഹൈപ്പര്‍ചാര്‍ജ് ഹൈപ്പര്‍ചാര്‍ജ് മീഡിയടെക് ഡൈമെന്‍സിറ്റി 920 ചിപ്സെറ്റാണ് നല്‍കുന്നത്, കൂടാതെ 6.67 ഇഞ്ച് 120Hzഅമോല്‍ഡ് ഡിസ്പ്ലേയുമുണ്ട്. 120W ഫാസ്റ്റ് ചാര്‍ജിംഗ് ഉപയോഗിച്ച്, വെറും 15 മിനിറ്റിനുള്ളില്‍ ഫോണ്‍ പൂജ്യത്തില്‍ നിന്ന് നൂറ് വരെ ചാര്‍ജ് ചെയ്യാന്‍ കഴിയുമെന്ന് കമ്പനി അവകാശപ്പെടുന്നു.

പോക്കോ എഫ്4
30,000 രൂപയില്‍ താഴെയുള്ള വിഭാഗത്തിലെ ഏറ്റവും മികച്ച ഫോണുകളിലൊന്നാണ് പോക്കോ എഫ്4. സ്നാപ്ഡ്രാഗണ്‍ 870 ല്‍ ആന്‍ഡ്രോയിഡ് 12, എംഐയുഐ 13-ലാണ് പ്രവര്‍ത്തിക്കുന്നത്. 6 ജിബി റാമും 128 ജിബി ഇന്റേണല്‍ സ്റ്റോറേജും നല്‍കുന്ന ഫോണിന്റെ അടിസ്ഥാന വേരിയന്റിന് 27,999 രൂപയാണ് വില.

Stay updated with the latest news headlines and all the latest Tech news download Indian Express Malayalam App.

Web Title: Mobile tabs best 5g phones between rs 20000 to rs 30000 with support for most 5g bands