മെറ്റ വേരിഫൈഡ് ഇന്ത്യയിലേക്കും; എങ്ങനെ നിങ്ങളുടെ അക്കൗണ്ടിന് ബ്ലു ടിക്ക് നേടാം

ലോഞ്ച് ചെയ്ത് മാസങ്ങള്‍ക്ക് ശേഷം മെറ്റ വേരിഫൈ‍ഡ് ഇന്ത്യയിലേക്കും. ഫെയ്സ്ബുക്ക്, ഇന്‍സ്റ്റഗ്രാം ഉപയോക്താക്കള്‍ക്ക് തങ്ങളുടെ ഐഡെന്റിന്റി സ്ഥിരികരിക്കുന്നതിനായി മെറ്റ വേരിഫൈഡ് സഹായിക്കും.

ഇന്ത്യയില്‍ ഐഒഎസിലും ആന്‍ഡ്രോയിഡിലും വേരിഫൈ ചെയ്യുന്നതിന് പ്രതിമാസം 699 രൂപയാണ് നല്‍കേണ്ടത്. സബ്സ്ക്രിപ്ഷന് ശേഷം വേരിഫൈഡ് ബാഡ്ജും അക്കൗണ്ടിന് വ്യാജന്മാരില്‍ നിന്ന് പരിരക്ഷയും ലഭിക്കുന്നതാണ്.

എങ്ങനെ മെറ്റ വേരിഫൈഡ് നേടാം

മെറ്റ വേരിഫൈഡ് നേടുന്നതിനായി നിങ്ങളുടെ അക്കൗണ്ട് പ്രവര്‍ത്തന ക്ഷമമായിരിക്കണം. കുറഞ്ഞത് 18 വയസെങ്കിലും പൂര്‍ത്തിയായിരിക്കണം.

ശേഷം നിങ്ങള്‍ക്ക് വേരിഫൈഡായി ലഭിക്കേണ്ട അക്കൗണ്ട് തിരഞ്ഞെടുത്ത ശേഷം പെയ്മെന്റിലേക്ക് കടക്കാവുന്നത്.

നിങ്ങളുടെ പ്രൊഫൈലിലെ പേരിനോട് സാമ്യമുള്ള സര്‍ക്കാര്‍ തിരിച്ചറിയല്‍ കാര്‍ഡ് സമര്‍പ്പിക്കണം. നിങ്ങളുടെ വേരിഫിക്കേഷന്‍ റിജക്ട് ചെയ്യപ്പെട്ടാല്‍ ഈടാക്കിയ ഫണം തിരികെ നല്‍കും.